1 PITRUS 2:12 - Tanou Moonsoi Timugon

¹² Kaayag kano ra moonsoi ra sasanggilan akau lumatok ra ulun ondo' kalo nakaulig ra Tuhan. Maa' raginio, paat ra ilo manguu' ramuyun ra akau ti ulun malaat, makamakito ilo ra sotopot no moonsoi ayuk baalon min i, suku' mokopongompor ilo ri Aki Kapuuno' paat ra orou pangukuman Nano ondo' matong.

1 PITRUS 2:12 ပူးပေါင်းရင်းမြစ်များ

MAZMUR 37:14

Ulun malaat mamutus ra ilang am palaguron no tanggayan ru panah koson mamatoi ra ulun musikin am naimbolo', am manginggulu' ra ulun moonsoi;

MAZMUR 50:23

Ulun ondo' mapataak ra ragu paringkuanangan koson ra taak simbalui no koson mangurumat Raki', am ulun ondo' gumagaya' Raki' no bayagon Kuno.”

JISAYA 10:3

Atan baalon min bulintok ri Aki Kapuuno' mangukum ramuyun ra tauli no? Atan baalon min paat ra Io mamparatong ra karaat intor ra pagun ondo' maalur? Osoi kia pakiindanganan min? Ati papasibunian min ra rapu' kalangkayaan mino?

DANIL 6:4

Makito boo ra kandoi ri Danil moonsoi poyo intor ra ulun magalung kapoam gabenor ra bokon no. Sabap ra maturasik kaga' i Danil, moogot raja' mampasauk riso ra panguasa' ru titikop pamarintaan.

MATIUS 10:25

Atan baalon nilo ra mangingila', baalon nilo niayuk ra migigila', am atan baalon nilo ra tuan, baalon nilo niayuk ra ulipon. Amon ru puun ru baloi no sabiton ra Biiljibul, mapara' piboo laat ru ulun ru baloi raginio sabiton ru ulun.”

MATIUS 5:11

Pakaansuk kano amon ru asabin, imboloon am niayuk ilaaton kau ru ulun, sabap ra akau mangintopot Raki'.

MATIUS 5:16

Koson raginio niayuk boo ra lampung mino musiti' manilau ra saang ru ulun, maa' raginio makakito ilo ra baal moonsoi mino am mongompor ri Ama' mino giu' ra suruga'.”

MATIUS 9:8

Pakakito ulun-ulun i ra nasauk koson raginio, nalaa' ilo am pongompor ilo ri Aki Kapuuno' sabap ra nanaak Io ra kuasa' ondo' maayo toojo ra ulun.

LUKAS 1:68

“Omporo' takau no i Aki Kapuuno', Tuhan ru ulun ru Israil, sabap ra minatong Io mangindangan am mampalabus ra ulun Nano.

LUKAS 19:44

Mamagun muno potoyon am kolondo' rondo' batu pana posoroyon ra intok nano am lunsayon kou. Gitio masauk sabap ra kalo natutunan mu ra minatong noyo i Aki Kapuuno' mamayag rirun!”

LUKAS 6:22

“Pakaansuk kano ondo' kasisangin, kalo apuon, asabin am raguon ra ulun malaat sabap ra mangintopot kau ra Anak ru Ulun!

JUANIS 13:31

Pakaugar i Judas, indagu i Jisus, “Raino noyo Anak ru Ulun katulayon; am raino niayuk i Aki Kapuuno' katulayon ralalom Riso.

RINALATAN 15:14

Raitii' ni nantunung i Simon ra intor poyo ra galing i Aki Kapuuno' nonogom ra ulun sala' ka Jaudi niayuk. Nampili' Io ra santayaran intor risilo masauk ra ulun Nano.

RINALATAN 24:13

Kalo mampainono' niayuk ra rondo' pana panguwan ondo' pinabala' nilo rirun i.

RINALATAN 25:7

Paat ri Paulus minatong, ulun ru Jaudi ondo' intor ra Jirusalim minongoi limpu riso am tumalimpuun manguu' riso ra maagat. Kaa' panguwan nilo ngaangai' kolondo' sasi'.

RINALATAN 28:22

Kaa' akai pana masaga' mangkirongog ra pangkaraan muno. Sabap ra akai ngaangai' nakaining noyo ra pangilaan ondo' binayaan muno anggalon ra ati ayuk intok.”

ROMA 12:17

Pai' pambalos ra ulun ondo' lumaat ramuyun. Kinam kano pambaal ra moonsoi, ioginio ondo' iowon ra matanda' ru ngaangai' ulun.

ROMA 13:13

Kaayag takano ra matanda' koson ra kaindalaman ru ulun paat ra matawang. Pai' kano rumamai ra jajajou kapoam mangagauk. Pai' kano pansawa' kapoam mambaal ra makauyuyu'. Pai' kano pansangor am pai' pangusolon.

ROMA 14:18

Osoi ayuk mangandoi ri Kristus koson raginio, io no ondo' mampakaansuk ri Aki Kapuuno' am urumaton poyo ru ulun.

ROMA 15:9

Io nopo niayuk magibit ra ulun sala' ka Jaudi mongompor ri Aki Kapuuno' sabap ra asi' Nano risilo. Koson tinulisan ra Buuk Kitab, “Mongompor aku Rirun ra tatanga' ru ulun sala' ka Jaudi, am marimbai aku mongompor Rirun.”

1 KORINTUS 14:25

Ginio boo ra atan ondo' soroi ra guang nano makasalula', saboi sumamba io ri Aki Kapuuno' mabaya' ra guang minggana' am mangiou ra, “I Aki Kapuuno' topot-topot soroi ramuyun.”

2 KORINTUS 1:12

Maringkuanang akai toojo sabap ra bolos ru guang mai maminson ramon ra kiralan ru kaayagan mai ra tana' ti, mulu' poyo pabukatan mai ti ramuyun, masalok mabanis am matanda'. Ginio mabaal mai ralalom ru kuasa' ri Aki Kapuuno' am asi' Nano galama', am sala' ka mansail ra kapintaran ru ulun.

2 KORINTUS 13:7

Makiasi' akai ri Aki Kapuuno' koson indanganon kau kalo mambaal ra sala. Ondo' maatang am mambaal kau ra kasagaan ri Aki Kapuuno' am makapambaal kau ra motopot. Kalo pana amon ru akai ilain ayuk ra kalo matanda' mangandoi.

2 KORINTUS 8:21

Kinooi mai ragino sabap ra masaga' akai mambaal ra atan ondo' motopot, sala' ka ra pagilangan ru Tuhan ayuk, kaa' ra pagilangan ru ulun niayuk.

IPISUS 2:3

Sotopot no ragili itakau pana nogondo' risilo. Siminugut takau ayuk ra kalaatan maya' ra pangkaraan ru guang am kinibit ru inan takau sigagama'. Nogondo' ra moonong ulun, itakau pana matiu' ra sangit ri Aki Kapuuno' no.

IPISUS 4:22

Sabap raginio, iruo' min noyo kaayagan ra nakalair i ondo' nangkinibit ramuyun ragili – ioginio kasagaan nakalair ondo' namuso ra paliso am nampalayau ramuyun i.

PILIPI 1:27

Raino ondo' maatang toojo, kaayag kano sumugut ra Tanou Moonsoi ri Kristus. Maa' raginio, maampon ru moongoi takamin kailai' kapoam kalo, morongog takamin niayuk ra mingkotog kau poyo koson rondo' ayuk pangintapatan am niayuk rondo' guang min. Maa' raginio, makakau' kau mampabala' ra pangintapatan ondo' inimpuun ra Tanou Moonsoi no.

PILIPI 4:8

Pabukat kau, koson bilin ku ra pamupusan ti, guango' noyo ondo' moonsoi am moompor: ioginio ondo' motopot, ondo' matulai, mabanis guang, paliso moonsoi, koson mokoondo' ra togom am poyo ragu ra moonsoi rongogon.

1 TISALONIKA 4:12

Amon ru kaayagan min koson noyo raginio, kalo pana boo lumansan kau ayuk ra bokon, am ilo ondo' kalo mangintopot ri Kristus pana mangurumat boo ramuyun.

1 TIMOTIUS 2:2

ioginio raja'-raja' am ngaangai' ru ulun mangunguasa', maa' raginio maayag takau ralalom pabansayan, sumambayang takau ri Aki Kapuuno' am makapaliso takau ra matanda'.

1 TIMOTIUS 4:12

Pai' polosoo' osoi ayuk mataman ra pangilaan muno ra lakat kou poyo mamulok. Kaa' sauk no ra tiluan ru ulun Kristian ralalom ru sunur, paliso, togom, pangintapatan am kapasawan ru guang muno.

1 TIMOTIUS 5:10

am kauligan mambaal ra moonsoi koson; matanda' nampasukor ra anak nano, mataau mangapu ra tambului, maluoi mangindangan ra ulun Kristian suku' ra kandoi kalo maatang, mangindangan ra ulun makakapaganan am mapirot io mambaal ra atan ayuk kandoi moonsoi.

IBRANI 13:18

Kasalok kano pakiasi' ri Aki Kapuuno' ramon. Mangintopot akai ra bolos ru guang mai no mapasau, sabap ra mirot akai mambaal ra motopot ra ngaangai' baal.

IBRANI 13:5

Pai' noyo pagingkaut ayuk ra ruit, kaa' karaan min ayuk ra sama' noyo atan ondo' soroi ramuyun no. Sabap ra minindagu noyo i Aki Kapuuno', “Kalo noyo toojo polosoon kapoam iruanin takamin.”

JAKUBUS 3:13

Osoi ak intor ramuyun ondo' mangkara' ra makaintutun am mapintar io, moonsoi ru pakitonon no ginio mansail ra kaayagan am baal moonsoi nano, mabaya' ra guang minggana' am kapintaran.

1 PITRUS 2:15

Sabap ra kasagaan ri Aki Kapuuno' noyo ginio, ra mambaal kau ayuk ra moonsoi, koson mopolonggo' kau ra panguwan ru ulun bungas ondo' kolondo' onong no.

1 PITRUS 3:16

Kaa' baalo' noyo gitio mabaya' ra guang minggana' am urumat. Musiti' bolos ru guang min mapasau, maa' raginio sasanggilan ayuk ra akau asabin, ulun magasab no galama' mauyu', sabap ra kaayagan moonsoi mino koson ra sangulun Kristian.

1 PITRUS 4:11

Osoi ayuk inanian ra kapandayan mindagu, moonsoi ru mampasaboi io ra bala' intor ri Aki Kapuuno'; am osoi ayuk mangindangan ra ulun bokon, musiti' io mangindangan mabaya' ra ikang intor ri Aki Kapuuno'. Maa' raginio, ralalom ngaangai' ondo' kondoyon min, i Aki Kapuuno' urumaton sabap ri Jisus Kristus. Io no makakuasa' am maaya' omporon ra sabuoi-buoi no. Amin.

2 PITRUS 3:11

Amon ru koson ragitio noyo sauk ru pamupusan ra ngaangai' ti, kaayag kano mabaya' ra guang mapasau am mampakatasu' ri Aki Kapuuno',

RUT 3:14

Nombolong i Rut ra tupakon ri Boas, kaa' suabon no, nakarat i Rut ra lakat poyo molondom. Marara' io makito ru ulun, sabap marara' i Boas mapandayan ru ulun ra soroi i Rut ra giu'.