1 PITRUS 2:11 - Tanou Moonsoi Timugon

¹¹ Pabukat ondo' tagamin ku, akau koson ra ulun bansa' ru bokon ondo' kolondo' karandanan ra tana' ti, maa' raginio kitaakon ku ramuyun, inggaluri' min noyo kinibit malaat, ondo' masalok gumula' ra kasagaan min gumagaya' ri Aki Kapuuno'.

1 PITRUS 2:11 ပူးပေါင်းရင်းမြစ်များ

KASAUKAN 21:34

Kopongo raginio, nabuoi niayuk i Abragam minayan ra pagun ru ulun ru Palistin.

KASAUKAN 23:4

Konilo, “Aku ti ulun bansa' ru bokon ragiti ondo' minayan ramuyun. Talano' min raki' sanganu ra tana' mino maa' raginio molobong ku andu' kuno.”

KASAUKAN 47:9

Taam i Jakub, “Umur kutu ra sangulun majajawot ti maatus am talu ngoopor ngambilor noyo. Buoi ru ginio malimanan ra sangkinolor ayuk am masuang kapaganan, sala' ka koson ra kaayagan ru kinamatuaan kuli ra majajawot.”

1 TUNUNG RU BANSA' ISRAIL 29:15

Okou nakapandai, iou Tuhan, ra koson ra kinamatuaan maili, akai pana naayag koson ra ulun minatong am ulun bansa' ru bokon. Kaayagan mai koson ra babara' ondo' mansail, am kalo makalabus akai intor ra kapatayan.

MAZMUR 119:19

Sangkinolor ayuk aku mayan ra tana' ti; pai' noyo sibunio' ukum Muno raki'.

MAZMUR 119:54

Rabuoi ru bayag kuno ondo' mariwa' ra tana' ti, panusuban Muno saukon ku ra rimbai.

MAZMUR 39:12

Inukum Mu tula ru ulun ra sawai Muno, am koson ra anai, namuso Kou ra kasagaan nilo. Sotopot no kaayagan ru moonong ulun koson ayuk ra mapaabus ra paminawaan ayuk.

IMAMAT 15:18

Mopongo marulug, musiti' ungkuyon am poyo ruandu' mariu', am magulayun ilo majamol saboi tumolop mato ru orou.

IMAMAT 25:23

Tana' mino kalo matalan ra mantilayun sabap ra sala' ka akau tatangan ra tana' no. I Aki Kapuuno' tatangan ra tana' no, am akau koson ra ulun bansa' ru bokon ondo' nakaalap ra pangiawan magitanom ra tana' no.

LUKAS 21:34

“Ilalai' min! Pai' kau bunsag am magiginum ayuk, kapoam magalabo ra kaayagan mino ayuk, saboi Orou ru Tuhan mamulali' matong am kalo makatampos kau.

RINALATAN 15:20

Kaa' tulisin takau ayuk ilo ra surat, koson kalo mangakan ilo ondo' majamol maya' ra kaulayan ru ugama, ioginio; akanon ondo' pinasulung ra sinungkalalaing, mangakan ra kual bibiag ondo' pinatoi sikako' kapoam mangakan ra raraa'; am niayuk minggalur intor ra baal pansasawaan.

RINALATAN 15:29

Pai' kau pangakan ra akanon ondo' pinasulung ra sinungkalalaing; pai' kau pangakan ra raraa'; pai' kau pangakan ra kual ru bibiag ondo' pinatoi ra sikako' am poyo inggalur kau noyo intor ra baal pansasawaan. Amon ru sumugut kau ra susuban raginio, moonsoi niayuk. Ginio ayuk, kaansayan ramuyun!”

ROMA 12:1

Pabukat kau ngaangai', sabap ra i Aki Kapuuno' makaasi' ritakau kitaakon takamin tojojo: Patimpoko' noyo kaayagan mino ri Aki Kapuuno' ayuk koson ra rondo' taak ondo' maayag, am ginio noyo mapabansuk Riso. Ginio noyo bayaan ra matanda' sumamba ri Aki Kapuuno'.

ROMA 7:23

Kaa' matutunan ku ralalom ru guang kuno mokoondo' poyo ukum ondo' mantutula' ra ukum ondo' iowon ru guang kuno. Ginio ra uliponon aku ru ukum ru tula ondo' manguasa' ra inan kuno.

ROMA 8:13

Sabap ra, amon ru maayag kau maya' ra paliso ru ulun, maaru' matoi kau. Kaa' amon ru ralalom ru indangan ru Ambiluo ri Aki Kapuuno' langgain min baal ra makatula, maayag kau.

2 KORINTUS 5:20

Koson ra ulun sinusub ri Kristus mampasaboi akai ra tanou ti am i Aki Kapuuno' galama' mindagu ramuyun mansail ramon. Ginio ra makitaak akai toojo ra: Polosoo' noyo akau pobonsoyon ri Aki Kapuuno'.

2 KORINTUS 6:1

Sabap ra akai mangandoi mabaya' ri Aki Kapuuno', makitaak akai ramuyun ra pai' min polosoo' ayuk kataawan ri Aki Kapuuno' ondo' naapu min i.

2 KORINTUS 7:1

Pabukat kau ngaangai' ra tagamin ku! Binantu' noyo ri Aki Kapuuno' ngaangai' no ritakau. Sabap raginio musiti' takau magipasau intor ra ngaangai' baal am pamaguangan majamol, maa' raginio i Aki Kapuuno' urumaton takau am maayag takau toojo ayuk Riso.

GALATIA 5:24

Am ondo' maamaya' ri Kristus Jisus, koson nasalip nilo noyo guang malaat nilai mabaya' ra ngaangai' ru kasagaan am ondo' gogoton ru guang.

IPISUS 2:19

Ginio nai ra raino akau ondo' sala' ka ulun ru Jaudi kalo boo pasuayon, kapoam karaan ra ulun bansa' ru bokon. Raino nasauk kano ra ulun ri Aki Kapuuno', akau no niayuk anak Nano.

IPISUS 4:1

Ginio sabap ra aku ti ondo' inaput sabap ra mangandoi ra Tuhan, makitaak toojo ramuyun ra kaayag kano maya' ra atan ondo' inaru' noyo ri Aki Kapuuno' paat ra Io nampiau ramuyun.

2 TIMOTIUS 2:22

Inggaluri' noyo kalaayan ru guang ru mamulok. Singkotog no sumauk ra ulun mabanis guang, ulun mangintopot ra Tuhan, motogom am mobonsoi risilo ondo' masalok makiindangan ra Tuhan mabaya' ra guang mapasau.

IBRANI 11:13

Ngaangai' ulun raginio nampaguut ra pangintapatan saboi ra ilo minatoi, kabalu' ra kalo nokoowot ra atan ondo' binantu' ri Aki Kapuuno' risilo. Nakito ilo intor ayuk ra maalur am apuo' nilo. Ginio ra nangiou ilo ra giti ra tana' ti, ilo ti ulun bansa' ru bokon ondo' kolondo' intok karandanan galama'.

IBRANI 6:9

Pabukat kau ngai' ondo' tagamin ku, kalo magalabo akai ra lumugut kau koson risilo ondo' kon mai ra raitii' ni. Makapandai akai ra ondo' baalon min mampakito ra akau binayag noyo ri Aki Kapuuno'.

JAKUBUS 4:1

Atan kia puun ru pantataaman am pansangaran min? Sala' ka kia ginio intor ra kasagaan ru guang malaat min ondo' masalok mantipagon ramuyun.

1 PITRUS 1:1

Aku i Pitrus, sangulun rasul ri Jisus Kristus. Posoboyon ku gitio ra ulun Kristian ondo' nakapansusuai giu' ra libung ru Pontus, Galatia, Kapadokia, Asia am Bitinia!

1 PITRUS 1:17

Makiama' kau ri Aki Kapuuno' ralalom ru pakiasian min. Io no niayuk ondo' mangakim ra ulun maya' ra binaal nilono, am kalo mampili' ra ulun. Ginio ra urumato' noyo i Aki Kapuuno' buoi ra akau lakat ayuk poyo soroi ra tana' ti.

1 PITRUS 4:12

Pabukat ondo' tagamin ku, raino maimbolo' kau toojo am ginio mangkinam ra pangintapatan min. Kaa' pai' kau pakatigog sabap ra ginio maaru' masauk ramuyun.

1 PITRUS 4:2

Gagaya' kano ra kasagaan ri Aki Kapuuno' buoi ru kaayagan min am pai' noyo bayaa' kinibit ru guang min.

2 PITRUS 3:1

Pabukat kau ngai' ondo' tagamin ku, gitio noyo surat karuo ondo' posoboyon kuno ramuyun. Ralalom ru karuruo surat kuno giminogot aku ra guangon toojo ondo' natutunan min noyo. Mampakara' aku toojo ramuyun ra ondo' pinabala' ru nabi matulai ra galing i, am atan kia poyo panusuban ru Tuhan am Mamamayag ondo' pinasaboi ru rasul-rasul ramuyun.