1 PITRUS 2:1 - Tanou Moonsoi Timugon

¹ Ginio nai patiri' min noyo ngaangai' kalaatan ru guang min; pai' kano pamparuung, pai' pagabau, pai' kaingot am pai' pagasab ra ulun bokon.

1 PITRUS 2:1 ပူးပေါင်းရင်းမြစ်များ

AYUP 36:13

Ulun ondo' kalo makaulig ri Aki Kapuuno', mambuli ra sangit; kabalu' pana ukumin, kalo makiasi' ilo ra makiindangan.

MAZMUR 32:2

Pakaansuk noyo ulun ondo' kalo inuwan ru Tuhan sabap ra kalaatan nilono, am ondo' kalo masaga' mamparuung.

MAZMUR 34:13

Masaga' kau kia sumia' ra bayag? Masaga' kau kia makaumur ra maawar am bayag ra maansukan?

MAZMUR 37:1

Mazmur ri Daut. Pai' kalasu' guang ra ulun malaat no; pai' solon risilo ondo' nambaal ra sala.

MAZMUR 73:3

sabap ra sumolon aku ra ulun malilimbau, bulintok ra aku magilong ra ulun malaat lumangkaya'.

AMSAL 14:30

Guang ra kalinuos inan maligag, kaa' sumolon koson ayuk ra maruol kinso ondo' mapasauk ra bungul mopopol.

AMSAL 24:1

Pai' solon ra ulun malaat, am pai' pakimangkubayau risilo.

AMSAL 24:19

Pai' kalikokot kapoam solon ra ulun malaat.

AMSAL 3:31

Pai' kau solon ra ulun malaat am pai' tiluo' paliso nilo.

JISAYA 2:20

Bulintok ra orou raginio, patirin ru ulun sinungkalalaing ondo' binaal intor ra pirok am mas, ondo' patatangon no ra tikus am pungit.

JISAYA 30:22

Alapon min sinungkalalaing sambaan ondo' inangkupan ra pirok am mas, am patirin koson ra ginsamol. Mindagu kau riso, “Ugar no intor raki'!”

MATIUS 15:7

Akau ulun maabau-abau! Mumpara' boo topot ru nabi Jisaya paat ra io mindagu koson ramuyun!

MATIUS 23:28

Koson niayuk ramuyun, pagilangan ru ulun akau moonsoi, kaa' ralalom ru guang min, mototop ra abau am tula.”

MATIUS 24:51

Tuan no pana monotok boo ra ulipon ti am poongoyon no intok ra ulun mangalaat. Giu' no mantangi' io am manguritot ripon nano.”

MATIUS 7:5

Oi ulun maabau-abau! Ingkualo' poyo galing tataun makalu intor ra mato mino galama', bagu no makakito kau toojo am maalap min kaingkual tipolon no intor ra mato ru ulun bokon.

MARKUS 12:15

Nakapandai i Jisus ra guang nilono. Taam Io, “Kua pangkinam kau Raki'? Pakitono' min Aku ra rondo' ruit pirok.”

LUKAS 11:44

Mumpara' boo usung mino! Koson kau ra lobong kolondo' tatandu' ondo' kinjangin ru ulun kaa' kalo mapandayan nilo.”

LUKAS 12:1

Liliwa' ra kukula' ngaribu ngaulun nagigisok, saboi mangakinjangan nilo kalayam ru rondo' am bokon, indagu galing i Jisus ra maamaya' Nano, “Ilalai' min pangilaan ru ulun-ulun ru Parisi, ioginio pagabawan nilai.

LUKAS 6:42

Kalo noyo lair mindagu kou ra pabukat muno, ‘Rangan, ibok, paingkualo' ku tipolon ru tataun intor ra mato muno,’ kaa' tataun makalu ra mato muno galama' kalo matutunan mu! Maabau-abau kou! Ingkualo' poyo galing tataun makalu intor ra mato muno. Bagu makakito kou toojo am maalap mu kaingkual tipolon no intor ra mato ru pabukat muno.”

JUANIS 1:47

Kakito ri Jisus i Natanil matong Riso, indagu Io, “Gitio noyo sangulun bansa' ru Israil ra motopot; ulun ti mabanis guang.”

ROMA 1:29

Guang nilono napanu' ra kalaatan, mapuka', magingkaut ilo, mampalaat ra rondo' am bokon: mangusolon ilo, makimampatoi, mansasangor, mamparuung, malikokot. Mansunur ilo ra ulun bokon,

1 KORINTUS 14:20

Pabukat kau ngaangai', pai' kau pangkara' koson ra lalaing, kaa' musiti' kau makapaliso koson ra ulun nasukor, ondo' ayuk am ralalom baal kalaatan, tilu kano ra lalagang.

1 KORINTUS 5:8

Ginio poyo, ibok iantako' takau bunsag ra Ruti' Kalo Linatakan ra Ragi no, ioginio kapasawan ru guang am ondo' kasagain ri Aki Kapuuno'. Pai' takau iantako' bunsag no ra ruti' ondo' linatakan ra ragi nakalair, ioginio makatula am kalaatan.

2 KORINTUS 12:20

Maimamang aku ra paat ra mongoi aku ramuyun, ilain ku sala' kau boo intor ra atan ondo' lansanin kuli, am aku pana sala' boo intor ra atan ondo' lansanin min. Maimamang aku ra akau mansasangor, magugusolon, mansisang, matayar-tayar, magagasab, mangilaat ra ulun, malilimbau am kumuliangi-angi kau.

IPISUS 4:31

Langgai' noyo paliso ra mangusolon, guang ra malaat am masasangit. Pai' kau pakimansangor kapoam magasab ra ulun. Inggalur kano ra guang ra masisang.

1 TISALONIKA 2:3

Pangkimaitan maiti ramuyun pai' ru mampakalayau ramuyun kapoam intor ra guang mai malaat kapoam mamparuung ramuyun.

1 TIMOTIUS 3:11

Andu' nilo pana musiti' makapaliso ra moonsoi, sala' ka masaga' mansunur ra bokon, mataan guang am malansanan ra atan ayuk baal.

TITUS 2:3

Ragui' niayuk ruandu' matutuo rati ra tumanda' ilo sumugut ra tiluan ru sangulun ondo' mapasau. Kalo noyo mansunur ra bokon kapoam gagaukon, kaa' makapangila' poyo ra moonsoi,

IBRANI 12:1

Ngaangai' sasi' ra raitii' ni makakito ritakau; intor raginio tatango' takano ngaangai' ondo' mongompong ritakau am niayuk tula ondo' masalok mumbir ritakau, am pirot takano baya' ra pasimbulan ondo' inaru' ri Aki Kapuuno' ritakau.

JAKUBUS 1:21

Ginio nai ra patiri' noyo ngaangai' kaindalaman ra majamol kapoam malaat. Mabaya' boo ra guang minggana', apuo' noyo bala' ri Aki Kapuuno' ondo' porondonon Nano ra guang min. Sabap ra bala' ragitio noyo ondo' makapamayag ramuyun.

JAKUBUS 3:14

Kaa' amon ru lakat kau poyo magusolon, maruol guang am maguyum ak ra kaatangan galama', pai' noyo limbau ra kapintaran minti sabap ra ngaangai' ti abau ayuk.

JAKUBUS 4:11

Pabukat kau ngai', pai' kano pagasab ra rondo' am bokon. Osoi ayuk magasab kapoam mangukum ra pabukat nano ra Kristian, sotopot no magasab kapoam mangukum io ra Ukum ri Aki Kapuuno'. Am amon ru Ukum ti salaan no poyo, arati' no kalo boo suguton no io, kaa' Ukum salaan no boo.

JAKUBUS 4:5

Kaa' indos min kia ra raragu ayuk ondo' tinulisan ra Buuk Kitab ra, “Pinorondon noyo ri Aki Kapuuno' Ambiluo Nano ra guang takau sigagama', am maayo toojo kasagaan Nati ra Io ayuk tagamin takau.”

JAKUBUS 5:9

Pai' kano pagasab ra rondo' am bokon, maa' raginio akau pana kalo ukumin ri Aki Kapuuno'. Karaa'! Akim no mamaar noyo, makatampos Io no.

1 PITRUS 2:16

Kaayag kano koson ra ulun ondo' kalo boo uliponon ru tula, kaa' pai' polosoo' pampalabusan min ti mapasibuni ra tula min, kaa' pakapaliso kano koson ra ulipon ri Aki Kapuuno'.

1 PITRUS 2:22

Kalo noyo igondo' Io makatula am kolondo' sangulun pana nakaili' nokorongog ra magabau Io.

1 PITRUS 3:10

Koson tinulisan ra Buuk Kitab; “Osoi ayuk masaga' ra kaansayan am maguyum ayuk ra katasuan ra orou-koorou, moonsoi ru palanggain kabang nano ra kalo mindagu ra malaat am poyo abau.

1 PITRUS 4:2

Gagaya' kano ra kasagaan ri Aki Kapuuno' buoi ru kaayagan min am pai' noyo bayaa' kinibit ru guang min.

1 PITRUS 4:4

Kaa' raino maliangan boo ulun ondo' kalo mangintopot ra Tuhan ra kalo boo maya' kau ra jajou nilo. Ginio nai puun ra ilo magasab boo ramuyun.

PINAINTALANG 14:5

Ilo ti kalo igondo' pagabau am kolondo' sala.