1 PITRUS 1:8 - Tanou Moonsoi Timugon

⁸ Motogom kau Riso, iou pana kalo poyo nakakito kau Riso. Mangintopot kau Riso, kabalu' ra kalo makakito kau Riso raino. Am maansukan kau kaga' mabaya' ra bansuk ondo' kalo noyo maalap karagu.

1 PITRUS 1:8 ပူးပေါင်းရင်းမြစ်များ

RIMBAI PANGAMPARAN 1:7

Indagu no, alii ra ambai kuno, ati kia intok muno magalung ra bibiag, ati kia intok pagupuan ru domba bulintok tanga' ru orou? Kua kia uyumo' tokou mangkilolot ra sampanon ru domba longgom ru ulun magagalung ra bokon?

RIMBAI PANGAMPARAN 5:16

Molomoi kaga' ragu-ragu nano, atan linonggom nano namunduk ra guang kutu. Gitio noyo ambai kuno am rangan kuno, alii ra ralaa-ralaa ru Jirusalim.

RIMBAI PANGAMPARAN 5:9

Alii ra ralaa ra mantalur kaga', moonsoi poyo kia ambai muno ka ambai ra bokon? Atan kia moonsoi ra ambai muno saboi susubon mu akai mangatang ra bantu'?

MATIUS 10:37

“Osoi ayuk motogom poyo ra ama' am ina' nano ka Aku kalo sama' io masauk ra maamaya' Kuno. Koson niayuk ra osoi ayuk motogom poyo ra anak ungkuyon kapoam anak ruandu' nano ka Aku kalo sama' io masauk ra maamaya' Kuno.

JUANIS 14:15

“Amon ru motogom kau Raki', suguton min panusuban Kuno.

JUANIS 14:21

Osoi ayuk mangapu am sumugut ra pansusuban Kuno, io no ondo' motogom Raki'. Am osoi ayuk motogom Raki' tagamin io ru Ama' Kuno, am Aku pana motogom riso am paintalangon Ku riso osoi Aku sotopot no.”

JUANIS 14:24

Osoi ayuk kalo motogom Raki', kalo sumugut io ra ragu Kuno. Ragu ondo' norongog min ti, sala' ka intor Raki' kaa' intor ri Ama' ondo' nanusub Raki'.

JUANIS 16:22

Mogondo' niayuk ramuyun; raino mangiluk guang min. Kaa' makapantuum takau saguli', am maansukan kau boo toojo; am kaansukan mino kalo malanggaan ru osoi ayuk pana.

JUANIS 20:29

Indagu i Jisus riso, “Mangintopot kou sabap ra nakakito kou Raki'. Kaa' pakaansuk noyo ilo ondo' mangintopot kabalu' pana kalo igondo' pakakito.”

JUANIS 8:42

Kon ri Jisus risilo, “Amon ru totopot i Aki Kapuuno' no Ama' min, tagamin min Aku, sabap ra minatong Aku intor ri Aki Kapuuno' am raino soroi Aku. Kalo minatong Aku maya' ra kasagaan Kuno galama', kaa' sinusub No Aku.

RINALATAN 16:34

Io pana nagibit ri Paulus am i Silas ra baloi nali am paakano' no ilo. Ngaangai' ulun ru baloi i naansukan toojo, sabap ra raino nangintopot ilo ri Aki Kapuuno'.

ROMA 14:17

Sabap ra amon ru mamarinta i Aki Kapuuno' ra kaayagan ru sasangulun, akanon am inumon sala' ka boo maatang. Kaa' gitio noyo ondo' maatang; gumagaya' ra kasagaan Nano, katasuan ru guang am kaansukan, ondo' ringai' no pataakin ru Ambiluo ri Aki Kapuuno'.

ROMA 15:13

Gama' ru i Aki Kapuuno', puun ru kalansanan takau, mangani' ramuyun ra kaansukan am katasuan ru guang ralalom ru pangintapatan min Riso. Maa' raginio, ralalom ru kuasa' ru Ambiluo ri Aki Kapuuno', mikang poyo kalansanan mino Riso.

1 KORINTUS 16:22

Osoi ayuk kalo motogom ri Tuhan Jisus, ukumin io ri Aki Kapuuno'! Maranata, arati' no ‘O Tuhan mai, ratong no!’

2 KORINTUS 1:22

Koson ragitio noyo itakau tinatanduan ri Aki Kapuuno' ra Io tatangan; pinataak No Ambiluo Nano ra guang takau koson mapakalansan ra mangani' Io ritakau ra ngaangai' ondo' binantu' Nali.

2 KORINTUS 12:4

Giu' i nokorongog io ra atan ondo' kalo maalap kasabit ra ragu, ondo' kalo paraguin ru Tuhan ra ulun.

2 KORINTUS 4:18

Sabap ra kalo mampakaatang akai ra atan ondo' makito, kaa' ondo' kalo makito no. Atan ondo' makito no, kalo pantilayunon, kaa' ondo' kalo makito no ayuk mantilayun.

2 KORINTUS 5:7

Nga kiralan ru kaayagan mai ti inimpuun ra pangintapatan, am sala' ka ondo' makito mai ayuk.

2 KORINTUS 9:15

Paringkuanang takano ri Aki Kapuuno' sabap ra taak Nano ondo' kalalabaan ayuk.

GALATIA 5:22

Kaa' gitio noyo ampos amon ru ulun tingganayon ru Ambiluo ri Aki Kapuuno': montotogom ilo, maansukan, maayag ra rondo' guang ra rondo' am bokon, mataan guang, masaga' mangindangan, moonsoi guang, mampagagaya',

GALATIA 5:6

Paat ra itakau sumimpung ri Kristus, baal ra sunatin kia kapoam kalo, ginio kalo boo maatang. Ondo' maatang toojo, ioginio mangintopot ri Kristus, ondo' makito intor ra motogom takau ra rondo' am bokon.

IPISUS 3:19

Ginio maalur poyo intor ra pangkaraan ru ulun. Bagu no makapaliso kau ra moonsoi toojo, mogondo' ra ngaangai' ru kinatanda' ri Aki Kapuuno'.

IPISUS 6:24

Gama' ru i Aki Kapuuno' mambarakat ra ngaangai' ulun ondo' mantilayun monogom ri Jisus Kristus, Tuhan takau.

PILIPI 1:25

Am gitio noyo kapandayan am kalansanan kutu ra lakat aku po niayuk sumoroi mabaya' ramuyun, maa' raginio pangintapatan min maikang boo mabaya' ra kaansukan.

PILIPI 3:3

Sotopot no itakau noyo ondo' makaulig ri Aki Kapuuno' sala' ka ilo, sabap ra itakau ti ondo' sumamba ri Aki Kapuuno' maya' ra indangan ru Ambiluo Nano galama'. Am itakau niayuk maringkuanang sabap ra nakasimpung noyo ri Jisus Kristus. Intor raginio kalo boo malansan takau ra kaulayan ondo' binaal ayuk ru ulun.

PILIPI 4:4

Gama' ru masalok kau makaansuk sumimpung ra Tuhan. Sagulion ku poyo; pakaansuk kano!

IBRANI 11:1

Pangintapatan ti makaarati' ra mangintopot toojo atan ondo' kalansanin am niayuk mangintopot ra atan ondo' kalo makito.

IBRANI 11:27

Sabap ra pangintapatan noyo, i Musa nagiru' intor ra pagun ru Misir am kalo nalaa' io ra sangit ru raja' Misir. Inorot no ayuk, koson ayuk ra nakito no noyo i Aki Kapuuno', Io ondo' kalo maalap kakito ru ulun.

1 PITRUS 1:6

Sabap ra paintalangan nano pakaansuk kano, iou pana raino ti mangiluk guang min ra buoi, sabap ra makaliman kau ra nansalinut pangkinaman.

1 PITRUS 2:7

Koson ra akau ondo' mangintopot, batu ti mokologo toojo. Kaa' koson ra ulun ondo' kalo mangintopot: “Batu ra kolondo' onong ru ulun mananambaloi, io boo nasauk ra batu ondo' maatang kaga'.”

1 PITRUS 5:4

Paat ra ratangan ru Tingganai Magagalung, makapangapu kau ra karaun matulai ondo' manguliat ra mantilayun.