1 PITRUS 1:6 - Tanou Moonsoi Timugon

⁶ Sabap ra paintalangan nano pakaansuk kano, iou pana raino ti mangiluk guang min ra buoi, sabap ra makaliman kau ra nansalinut pangkinaman.

1 PITRUS 1:6 ပူးပေါင်းရင်းမြစ်များ

MAZMUR 119:28

Sabap ra kapaganan, nagagai saliguor kuno; paikango' aku sumugut ra bantu' Muno.

MAZMUR 119:75

Makapandai aku ra namalantasan Muno matimpok, iou Tuhan, inukum Mu aku sabap ra nampagagayaan Muno.

MAZMUR 34:19

Tuhan minggaar ra ulun ondo' maluoi pangkaus; am mamayag Io ra ulun ondo' malawo guang.

MAZMUR 35:10

Mabaya' ra sotopot-topot ru guang mindagu aku ra Tuhan, “Kolondo' gumondo' Rirun. Pinalabus Mu ulun lamumu' intor ra ulun maikang, ulun musikin am naimbolo' intor ra nangimbolo' risilo no.”

MAZMUR 69:20

Nakapandai Kou ati kulaan ra aku asabin am ati kulaan ra aku tauyuon am iison; nakito Mu ngai' pantula' kuno.

MAZMUR 9:14

Pakaasi' no raki', iou Tuhan! Ilai' noyo, pantula' kuno ondo' mangimbolo' raki'. Bayago' aku no intor ra kapatayan, iou Tuhan,

MAZMUR 95:1

Omporo' takau noyo Tuhan, am marimbai ra maansukan ri Aki Kapuuno', manindung am mamamayag ritakau!

JISAYA 61:10

Jirusalim maansukan sabap ra baal ondo' binaal ru Tuhan. Baal ru Jirusalim koson ra sangulun uoton ondo' nalimpor ra kuliamos makaantak. Ginio niayuk ri Aki Kapuuno' mapapakai ra pamayagan am kamanangan ra Jirusalim.

JISAYA 61:3

koson mapabansuk ra ulun ondo' mangulir giu' ra Sion, maansayan am niayuk maansukan, sala' ka pangilukan, rimbai pangamparan, sala' ka pangilukan. Masauk ilo koson ra puun ondo' tinanom galama' ru Tuhan. Mambaal ilo ra atan ondo' motopot, am i Aki Kapuuno' omporon sabap binaal Nano.

MATIUS 11:28

“Ratong kano Raki' akau ngaangai' ondo' naagui sabap ra naagatan; patanguson takamin.

MATIUS 26:37

Inibit ri Jisus i Pitrus am karuo anak ri Jibidius. Mangiluk toojo guang ri Jisus am malimanan No kaimbalaan.

MATIUS 5:12

Koson niayuk ra galing i ra nangimbolo' ilo ra nabi-nabi ondo' naayag pagulu ramuyun. Pakaansuk kano, sabap ri Aki Kapuuno' mangatang ra ampos maayo kaga' ramuyun giu' ra suruga'.”

LUKAS 1:47

Maansukan aku kaga' sabap ra i Aki Kapuuno' Mamamayag kuno.

LUKAS 10:20

Kaa' kabalu' pana koson raginio, pai' kau pakaansuk sabap ra riwato-riwato gumagaya' ramuyun, kaa' pakaansuk kano sabap ra inggalan mino tinulisan noyo ra suruga'.”

LUKAS 2:10

Kaa' indagu malaikat no, “Pai' kalaa'! Aku ti minatong nagibit ra tanou moonsoi ramuyun. Tanou ragitio mampakaansuk ra ngaangai' ulun.

JUANIS 16:22

Mogondo' niayuk ramuyun; raino mangiluk guang min. Kaa' makapantuum takau saguli', am maansukan kau boo toojo; am kaansukan mino kalo malanggaan ru osoi ayuk pana.

JUANIS 16:33

Ngaangai' ti pinabala' Ku ramuyun, maa' raginio makakaansayan kau sabap ra masimpung kau Raki'. Giti ra tana' ti maimbolo' kau, kaa' paikango' noyo guang min, sabap ra kinala Ku noyo tana' ti.”

RINALATAN 14:22

Nampaikang ilo ra ulun-ulun nangintopot am nangkimait risilo koson marayus mangintopot ri Jisus. “Masuang kapaganan matuum takau galing maa' raginio makaili' takau Pamarintaan ri Aki Kapuuno',” nangilaan nilo.

ROMA 12:12

Lansan kano ra Tuhan ra guang maansukan. Kataan kano amon ru makakapaganan am kasalok pakiasi' ra Tuhan.

ROMA 5:11

Sala' ka ginio ayuk, kaa' maansukan takau poyo ri Aki Kapuuno' ralalom ri Jisus Kristus Tuhan takau, ondo' raino magibit ritakau mabubukat ri Aki Kapuuno'.

ROMA 5:2

Sabap ra pangintapatan takau ri Kristus, nagibit Io ritakau mimong ra barakat ri Aki Kapuuno' ondo' malimanan takau raino. Sabap raginio maansukan takau am malansan ra magapu takau ra katulayan ri Aki Kapuuno'.

ROMA 9:2

Mangiluk toojo am maimbolo' guang kutu paat ra aku

2 KORINTUS 4:17

Kapaganan ra kalo maaja' ondo' mailian mai ra sangkinolor ti, magibit ramon ra katulayan mantilayun ondo' maayo poyo toojo intor ra ngaangai' ru kapaganan mai ti.

2 KORINTUS 6:10

Kabalu' pana guang mai pangilukon, kaa' maansukan akai niayuk. Ilain ayuk ra akai ti musikin, kaa' masuang ulun palangkayaan mai. Ilain ra rondo' ayuk pana kolondo' ramon, kaa' sotopot no akai tatangan ra ngaangai' no.

GALATIA 5:22

Kaa' gitio noyo ampos amon ru ulun tingganayon ru Ambiluo ri Aki Kapuuno': montotogom ilo, maansukan, maayag ra rondo' guang ra rondo' am bokon, mataan guang, masaga' mangindangan, moonsoi guang, mampagagaya',

PILIPI 2:26

Noondom io kaga' ramuyun am maimamang guang nano ramuyun sabap ra naala' kau ra narualan io.

PILIPI 3:3

Sotopot no itakau noyo ondo' makaulig ri Aki Kapuuno' sala' ka ilo, sabap ra itakau ti ondo' sumamba ri Aki Kapuuno' maya' ra indangan ru Ambiluo Nano galama'. Am itakau niayuk maringkuanang sabap ra nakasimpung noyo ri Jisus Kristus. Intor raginio kalo boo malansan takau ra kaulayan ondo' binaal ayuk ru ulun.

PILIPI 4:4

Gama' ru masalok kau makaansuk sumimpung ra Tuhan. Sagulion ku poyo; pakaansuk kano!

1 TISALONIKA 1:6

Timinilu kau ramon am niayuk ra Tuhan, am kabalu' pana naimbolo' kau toojo, inapu min niayuk bala' i mabaya' ra kaansukan ondo' tinaakan ru Ambiluo ri Aki Kapuuno'.

JAKUBUS 1:2

Pabukat kau ngai'. Paat ra akau makatuum ra nansalinut pangkinaman, karaa' min gitio koson ra rondo' kaantakan,

JAKUBUS 1:9

Musiti' no sangulun Kristian ondo' musikin makaansuk amon ru pasingkoton io ri Aki Kapuuno'.

JAKUBUS 4:9

Panasal, pantangi' am panulaboi kau ra baal malaat min i. Polosoo' noyo kinuritan min masauk ra tinangian am kaansukan min masauk ra kasilukan.

1 PITRUS 3:17

Sabap ra moonsoi poyo maimbolo' sabap ra mambaal ra moonsoi – amon ru ginio noyo kasagaan ri Aki Kapuuno' – intor ra maimbolo' sabap ra mambaal ra malaat.

1 PITRUS 4:7

Pamupusan ru tana' ti mamaar noyo sumuku', pagilalai' am pantataan guang, maa' raginio makapakiasi' kau.

1 PITRUS 5:10

Kaa' kaimbalaan ragitio sangkinolor ayuk, i Aki Kapuuno' mapatanda' ramuyun, mapakataan am mampaikang ramuyun am poyo moporondon Io ra guang min. Sabap ri Aki Kapuuno' ti noyo puun ru ngaangai' kataawan, am ralalom ri Kristus, Io nampiau ramuyun makaliman ra urumat Nano ondo' mantilayun.

1 SAMUIL 2:1

Kopongo raginio pakiasi' i Ana, “Napakaansuk Tuhan no ra guang kutu; mapara' boo bansuk kutu, sabap ra atan ondo' binaal Nano raki'. Raino kuritin ku pantula' kuno; mapara' boo bansuk kuno sabap ra nangindangan noyo i Aki Kapuuno' no raki'.