1 PITRUS 1:5 - Tanou Moonsoi Timugon

⁵ Sabap ra pangintapatan minti noyo akau maalungan ru kuasa' ri Aki Kapuuno'. Ginio boo ra mokoowot kau boo ra pamayagan ondo' pinatampos noyo kalalair i, kaa' ondo' paintalangon ayuk ra Orou Pupus no.

1 PITRUS 1:5 ပူးပေါင်းရင်းမြစ်များ

AYUP 19:25

Kaa' nakapandai aku ra giu' ra suruga' mokoondo' Mamamayag raki'; pupus nano matong Io mangindangan raki'.

MAZMUR 37:28

sabap ra Tuhan masaga' ra ondo' motopot, am kalo manatang ra ulun Nano ondo' gumagaya'. Sindungin No ilo ra sabuoi-buoi no, kaa' sayat ru ulun malaat inggalarin.

AMSAL 2:8

Ampinin No ulun ondo' mabanis guang, mangampin ra ulun ondo' gumagaya' Riso.

JISAYA 45:17

Kaa' Israil bayagon ru Tuhan; pamayagan riso no mantilayun. Kalo tauyuon kau am asabin saboi ra sabuoi-buoi no.’ ”

JISAYA 51:6

Tingaano' noyo limbowon am indukui' noyo tana'; limbowon lumiot koson ra lisun am tana' maapu' koson ra bayang lairon, ngaangai' namagun no matoi koson ra namuk. Kaa' pamayagan ra pinataak Kuno mantilayun ra sabuoi-buoi no, am namanangan Kuno marayus-rayus.

JISAYA 54:17

Kaa' moonong kinandoi mangayou ondo' tinitip koson gumula' rirun, kalo masauk. Ra am moonong panguwan ralalom pangakiman mampainono' kou ra kalo motopot. Pataakon Ku kamanangan koson tangguang ra ulipon-ulipon Kuno.” Ginio noyo ragu ru Tuhan.

JISAYA 66:22

Koson ra limbowon bagu am tana' bagu mantilayun sabap ra kuasa' Kuno, koson raginio niayuk ra papag mino am inggalan mino mantilayun.

JIRIMIA 23:4

Lantikon Ku panguasa' koson magalung risilo. Ulun Kuno kalo boo malaa' kapoam monontol; Aku pana kalo boo mangukum risilo. Aku, Tuhan nakaindagu noyo.”

JIRIMIA 32:40

Mambaal Aku ra nabantuan ondo' mantilayun risilo. Kalo lumonggo' Aku mambaal ra moonsoi risilo. Mangkinibit Aku risilo malaa' am mangurumat Raki' ra sotopot ru guang maa' raginio kalo mangiruan ilo Raki'.

JUANIS 12:48

Osoi ayuk manginggi' Raki' am ragu Kuno, mokoondo' noyo mangakim riso. Ragu ondo' pinasaboi Kuli mangakim riso ra Orou Pupus.

JUANIS 17:15

Kalo kitaakon Ku Rirun maa' raginio ilo paingkualon intor ra tana' ti, kaa' alungin Mu ilo intor ri Malaat no.

JUANIS 4:14

kaa' osoi ayuk manginum ra timug ondo' taakin Kuno, ulun no kalo igondo' boo paason. Sabap ra timug ondo' taakin Kuno koson ra taur bubuluak ondo' mangani' ra kaayagan motopot am mantilayun.”

JUANIS 5:24

“Balain takamin toojo: Osoi ayuk mangkirongog ra ragu Kutu am mangintopot Riso ondo' nanusub Raki', mokoowot ulun no ra kaayagan motopot am mantilayun. Kalo ukumin io, kaa' nakalabus io noyo intor ra kapatayan am nakatalimpuun noyo maayag.

ROMA 11:20

Motopot ginio. Inindaanan ilo sabap ra kalo nangintopot ilo, am soroi kau sabap ra pangintapatan mino. Intor raginio, pai' kano limbau, kaa' ilalai' min!

ROMA 8:18

Intor raginio mangintopot aku ra ngaangai' kaimbalaan ondo' malimanan takau raino kalo sama' pogondoon ra katulayan ondo' paintalangon ri Aki Kapuuno' ritakau ra maagu no.

1 KORINTUS 1:21

Sumugut ra kapintaran Nano, nangaru' i Aki Kapuuno' ra osoi ayuk kalo makaulig Riso maya' ra kapintaran nano galama'. Kaa' Io no mamayag risilo ondo' mangintopot Riso minumbaya' ra tanou ondo' posoboyon maino, ondo' karaan ru ulun ru tana' ti ra ragu sasambungon.

2 KORINTUS 1:24

Kalo mompogogot akai maningganai ramuyun koson mambala' ra atan musiti' intopoton min, sabap ra mangintopot kano toojo ri Kristus. Kaa' masaga' akai ayuk maguguyu ramuyun, maa' raginio maansayan kau toojo.

GALATIA 2:20

Ondo' maayag raino ti sala' ka aku, kaa' i Kristus ondo' soroi ralalom kaayagan kuno. Sauk ru kaayagan kuno raino ti intor ra pangintapatan kuno ra Anak ri Aki Kapuuno' ondo' motogom raki' am nampataak ra painawo Nano sabap ra aku.

IPISUS 2:8

Sabap ra asi' ri Aki Kapuuno' noyo itakau binayag, ioginio sabap ra pangintapatan takau. Am kaayagan no sala' ka intor ra baal moonsoi takau, kaa' ginio taak intor ri Aki Kapuuno'.

IPISUS 3:17

am koson ra i Kristus rumondon ra guang min mansail ra pangintapatan. Am makiasi' aku poyo koson togom Nano masauk ra puun ru paliso mino,

PILIPI 1:6

I Aki Kapuuno' noyo galama' nanalimpuun ra kandoi moonsoi ralalom ru kaayagan min. Am makakalansanan aku toojo ra Io po niayuk mamparayus ra kandoi ragitio saboi mopongo, suku' ri Jisus Kristus matong saguli'.

PILIPI 4:7

Bagu raginio mokoondo' kau ra kaansayan intor ri Aki Kapuuno', ondo' maalur intor ra atan ondo' karaan ru ulun. Gitio noyo magalung ra guang am pangkaraan min ralalom nasimpungan min ri Jisus Kristus.

2 TIMOTIUS 3:15

am nakaulig kou ra Buuk Kitab intor ra okou boborok ayuk poyo. Ginio makapangani' rirun ra kapintaran koson mokoowot ra pamayagan sabap ra pangintapatan mu ri Jisus Kristus.

TITUS 2:13

Raino ti magiginaa takau ra Orou Kalansanan takau, ioginio papaintalangan ru katulayan ru Tuhan ondo' Maayo Kaga' Kuasa', i Jisus Kristus, Mamamayag takau.

IBRANI 6:12

Ginio nai ra kalo masaga' akai ra akau sumauk ra ulun matiar, kaa' ra akau tumilu ra ulun bokon ondo' mangintopot ri Aki Kapuuno' am poyo mataan guang. Maa' raginio makaapu kau ra ondo' binantu' ri Aki Kapuuno'.

IBRANI 9:28

Koson niayuk i Kristus igondo' ayuk nampataak ra painawo Nano koson mamuso ra tula ru masuang ulun. Matong Io poyo ra kainduo, sala' ka koson mangampun ra tula, kaa' koson mampakaayag risilo ondo' maginaa Riso.

1 PITRUS 1:13

Sabap ra ngaangai' ondo' binaal ri Aki Kapuuno' no ramuyun, kasalok pororoo' pangkaraan min. Pagilalai' min noyo am poyo lansan kano toojo ra kataawan ri Aki Kapuuno' ramuyun paat ra papaintalangan ri Jisus Kristus.

1 PITRUS 4:13

Kaa' sotopot no, pakaansuk kano sabap ra makaaya' kau kaimbolo' mogondo' ri Kristus. Koson raginio mulu' poyo kinaansuk min paat ra kuasa' ri Kristus paintalangon.

1 PITRUS 5:1

Mambilin aku ramuyun magagalung ru pasimpungan ulun Kristian. Aku ti pana sangulun magagalung mogondo' ramuyun am sasi' noyo ra kaimbalaan ri Kristus, am aku pana urumaton mabaya' ri Kristus paat Io paintalangon ra ulun.

2 PITRUS 1:3

Ralalom ru kuasa' galama' Nano am niayuk ra kauligan takau Riso, nangani' i Aki Kapuuno' ritakau ra ngaangai' kaukapan, koson kaayagan takau mapabansuk Riso. Nampiau Io ritakau mangapu ra urumat am kinoonsoi Nano galama'.

1 JUANIS 3:2

Pabukat kau ngaangai' ondo' tagamin ku! Itakau raino ti anak ri Aki Kapuuno'. Kaa' kalo poyo natutunan toojo atan masauk ritakau ra tauli no. Kaa' nakapandai takau, paat i Jisus Kristus matong saguli', masauk takau koson Riso, sabap ra itakau makakito ra baal ru inan Nano toojo.

JUDAS 1:1

Aku i Judas, sangulun ulipon ri Jisus Kristus am pabukat niayuk ri Jakubus. Pabukat kau ondo' piniau am ondo' tagamin ri Aki Kapuuno', Ama' takau, am ondo' alungin ri Jisus Kristus:

JUDAS 1:24

Gama' ru i Aki Kapuuno' ondo' makakuasa' magalung ramuyun intor ra kinibit ru tula, am poyo mompoongoi ramuyun ra katulayan Nano mabaya' ra kaansukan ru guang,

1 SAMUIL 2:9

“Manindung Io ra kaayagan ru ulun Nano ondo' gumagaya', kaa' ulun malaat mapuso ralalom ru molondom kaga'. Ra kaikangan galama', ulun kalo makasugut.