1 PITRUS 1:24 - Tanou Moonsoi Timugon

²⁴ Mokoondo' tinulisan ra Buuk Kitab; “Ngaangai' ulun koson ra sakot, kalo mabuoi maayag, am atan ayuk pana kinoonsoi nilo mogondo' niayuk ra busak. Sakot no lumonot, am busak no mapasa',

1 PITRUS 1:24 ပူးပေါင်းရင်းမြစ်များ

MAZMUR 103:15

Ulun koson ayuk ra sakot, ondo' tumuu' am mungkalar koson ra busak giu' ra padang.

JAKUBUS 4:14

Inatang min ginio, kabalu' pana kalo mapandayan min atan ondo' masauk ralalom ru kaayagan min susuab pana! Koson kau ayuk ra lisun ondo' makito ayuk ra sangkinolor, am kalio boo.

MAZMUR 37:2

Mataki' ilo mapuso koson ra sakot, am lumonot koson ra sasakot masansam.

2 RAJA'-RAJA' 19:26

Mamagun ra giu' no kalo makalulu', nalaa' am naubong ilo. Ilo koson ra sakot giu' ra padang kapoam sakot ondo' tumuu' ra rasawat ru taap ru baloi, ondo' liminonot paat masiob ru angin sirangon ondo' malasu'.

1 JUANIS 2:17

Tana' ti am ngaangai' suang nano ondo' gogoton ru ulun, tumalimpuun mapuso. Kaa' ulun ondo' gumagaya' ra susuban ri Aki Kapuuno', maayag io ra sabuoi-buoi no.

MAZMUR 129:6

Polosoon ilo ngai' masauk koson ra sakot tumuu' ra pinuusan ru baloi, ondo' lumonot ra kalo poyo makaumur,

MAZMUR 92:7

Ulun sasambungon kalo makarati', ulun gigiison pana kalo makarati';

MAZMUR 102:4

Kaayagan kuno lumiot koson ra lisun; inan kuno koson ayuk ra nosolob.

MAZMUR 90:5

Pupusin Mu bayag mai, bayag mai koson ra rondo' inupi. Koson akai ayuk ra sakot ondo' manalantar bulintok ra susuab ti,

AYUP 14:2

Ulun tumuu' am lumonot koson ra bunga'-bunga' am lumiot koson ra babara'.

MAZMUR 39:6

Mapara' piboo kinariwa' ru umur kuno inaru' Mu! Ra Okou, buoi ru bayag kuno kolondo' onong-onong. Sotopot no kaayagan ru moonong ulun koson ra kaabusan maminawo,

JISAYA 51:12

Mindagu Tuhan, “Aku noyo ondo' napabansuk ramuyun. Kua kalaa' kau ra ulun ondo' mapandai matoi, am ulun ondo' pinatiran koson ra sakot?

MATIUS 6:30

Amon ru koson poyo raginio i Aki Kapuuno' namaramai ra limayak no ra sakot, ondo' mokoondo' ra orou raiti' am susuab solobon ralalom ru rapuan, sala' ka kia ramayon kau toojo ri Aki Kapuuno'? Topot-topot kalo maikang pangintapatan mino!