1 PITRUS 1:22 - Tanou Moonsoi Timugon

²² Sabap ra gumagaya' kau ra pangilaan ri Aki Kapuuno' ti noyo, migimpasau kano, saboi mokoponogom kau boo ra pabukat min ra Kristian. Intor raginio, tagami' noyo rondo' am bokon mabaya' ra guang mapasau.

1 PITRUS 1:22 ပူးပေါင်းရင်းမြစ်များ

JUANIS 15:17

Gitio noyo panusuban Kutu ramuyun; kotogom kano ra rondo' am bokon.”

JUANIS 15:3

Kinapasau kano ru pangilaan ondo' pinasaboi Kuno ramuyun.

JUANIS 17:17

Sauko' ilo no ra Ulun Muno ralalom ru katapatan Muno; bala' Mu noyo katapatan.

JUANIS 17:19

Taakin Ku kaayagan Kutu Rirun, maa' raginio totopot mampataak ilo ra kaayagan nilo mangandoi ayuk Rirun.

RINALATAN 15:9

I Aki Kapuuno' kalo manginggi' ra osoi ayuk pana; ulun ru Jaudi kia kapoam sala' ka Jaudi. Ampunon No niayuk tula nilai sabap ra mangintopot ilo.

RINALATAN 6:7

Kon raginio noyo Tanou Moonsoi ri Aki Kapuuno' nakatabual poyo am giu' ra Jirusalim i pana, riminuang poyo boo ondo' mangintopot ri Jisus. Masuang poyo imam Jaudi ondo' nangintopot.

ROMA 1:5

Ralalom ru inggalan Nano noyo tinimpok taaki' ri Aki Kapuuno' raki' kandoi masauk ra rasul, koson mangandoi aku ri Kristus am magibit ra ngaangai' ulun mangintopot am gumagaya' Riso.

ROMA 2:8

Kaa' ilo ondo' masalok maguyum ra kasingkatan galama', manginggi' ri Aki Kapuuno' am poyo gumagaya' ra kalaatan, ilo no kasangitan am ukumin ri Aki Kapuuno'.

ROMA 8:13

Sabap ra, amon ru maayag kau maya' ra paliso ru ulun, maaru' matoi kau. Kaa' amon ru ralalom ru indangan ru Ambiluo ri Aki Kapuuno' langgain min baal ra makatula, maayag kau.

2 KORINTUS 6:6

Mabaya' ra guang mapasau, kapintaran, guang mataan, guang mataau, indangan ru Ambiluo ri Aki Kapuuno' am togom ra motopot, pinakito mai noyo ra akai ti ulipon ayuk ri Aki Kapuuno'.

GALATIA 3:1

Kua boo ramuyun, ulun ru Galatia, sasambungon kau nai! Osoi noyo namparuku' ramuyun? Kalo kia pinabala' ku ramuyun noyo toojo pinatayan ri Jisus Kristus ra salip!

GALATIA 5:5

Kaa' akai, malansan ayuk ri Aki Kapuuno' noyo mopobonsoi saguli' ramon Riso sabap ra pangintapatan mai. Ginio noyo inaanin mai ralalom ru kuasa' ru Ambiluo ri Aki Kapuuno'.

GALATIA 5:7

Ragili matanda' toojo binaal mini! Kaa' raino osoi nangkinibit ramuyun kalo boo mampagagaya' ra pangilaan motopot intor ri Aki Kapuuno'? Ati guat kulaan kau nakimaitan poyo?

IPISUS 4:3

Pirot kano pagalung ra pasimpungan mino, ondo' tinaakan ru Ambiluo ri Aki Kapuuno', ralalom pabansayan ondo' mampasimpung ramuyun.

PILIPI 1:9

Gitio noyo pakiasian kuno ri Aki Kapuuno' ra gama' ru mulu' poyo togom mino ri Aki Kapuuno', mogondo' niayuk ra mulu' poyo kapandayan min ra katapatan am kaintutunan no.

1 TISALONIKA 3:12

Gama' ru Tuhan mangindangan ramuyun topot-topot motogom ra rondo' am bokon am niayuk ra ngaangai' ulun, saboi kinotogom min rumuang mogondo' ra kinotogom mai ramuyun.

2 TISALONIKA 1:3

Pabukat ku ngai', musiti' akai masalok maringkuanang ri Aki Kapuuno' sabap ra akau. Am ginio noyo maaru' baalon mai, sabap ra mulu' poyo boo akau mangintopot ri Kristus am togom maayo min ra ulun bokon.

2 TISALONIKA 2:13

Pabukat ku ngai' ondo' tagamin ru Tuhan, musiti' akai masalok maringkuanang ri Aki Kapuuno' sabap ra akau, sabap ra pinili' kano ri Aki Kapuuno' ra kasaa' ra bayagon kau. Ralalom ru Ambiluo Nano am pangintapatan min ra katapatan intor ri Aki Kapuuno', sinauk kau ri Aki Kapuuno' ra ulun Nano ondo' mapasau.

1 TIMOTIUS 1:3

Masaga' aku ra sumoroi kou ayuk giu' ra Ipisus koson ra naminsanan kuno rirun noyo paat ra aku minongoi ra Makidonia. Sabap ra giu' ra Ipisus mokoondo' kukula' ngaulun mangila' ondo' kalo motopot, am musiti' palanggain mu gitio risilo.

1 TIMOTIUS 1:5

Manusub aku ragitio koson ra togom min ra ulun bokon sumalula' intor ra guang moonsoi, bolos ru guang mapasau am pangintapatan ra kolondo' abau.

1 TIMOTIUS 4:12

Pai' polosoo' osoi ayuk mataman ra pangilaan muno ra lakat kou poyo mamulok. Kaa' sauk no ra tiluan ru ulun Kristian ralalom ru sunur, paliso, togom, pangintapatan am kapasawan ru guang muno.

1 TIMOTIUS 5:2

ruandu' matuo koson ayuk ra ina' muno am ruandu' ondo' mamulok ka okou koson ra boborok muno mabaya' ra kapasawan.

2 TIMOTIUS 1:14

Mabaya' ra indangan ru Ambiluo ri Aki Kapuuno' ondo' maayag ra ralalom takau, rayuso' noyo toojo kandoi moonsoi ondo' pinalansan rirun.

IBRANI 11:8

Sabap ra pangintapatan noyo, i Abragam giminagaya' ra susuban ri Aki Kapuuno' mongoi ra sampagunan ondo' binantu' Nano riso. Iniruanan no pagun nali galama' kabalu' pana kalo nakatutun io ra ati angayan nano.

IBRANI 13:1

Pontotogom kano ra rondo' am bokon ra mabubukat takau ralalom ri Kristus.

IBRANI 5:9

Ginio ra kalupus Io pinasauk ra mamamayag ra kolondo' sala, nasauk Io boo ra puun ru pamayagan mantilayun ra ngaangai' ulun ondo' gumagaya' Riso.

IBRANI 6:10

Io mabanis guang am kalo malilianan No ati koson nangandoi kau Riso, monogom kau Riso am nangindangan kau ra ulun Kristian ragili suku' raino.

IBRANI 9:14

Mulu' poyo raraa' ri Kristus ondo' makapamasau ra tula ru ulun. Sabap ra mansail ra Ambiluo mantilayun, i Kristus nampataak ra painawo Nano ri Aki Kapuuno' koson ra taak simbalui ondo' kolondo' sala. Am sabap ra raraa' Nano pinasasar, mampaintopot i Aki Kapuuno' ritakau ra kalo boo makasala takau intor ra binaal takau ra kolondo' onong i, maa' raginio makapangandoi takau ri Aki Kapuuno' ondo' maayag.

JAKUBUS 1:21

Ginio nai ra patiri' noyo ngaangai' kaindalaman ra majamol kapoam malaat. Mabaya' boo ra guang minggana', apuo' noyo bala' ri Aki Kapuuno' ondo' porondonon Nano ra guang min. Sabap ra bala' ragitio noyo ondo' makapamayag ramuyun.

JAKUBUS 4:8

Inggaari' noyo i Aki Kapuuno', am i Aki Kapuuno' pana minggaar ramuyun. Ulun kau ra makatula, langgai' min noyo baal ra malaat. Ulun kau ra maginduo guang, kapasawo' noyo guang mino!

1 PITRUS 1:2

Pinili' kau ri Aki Kapuuno', Ama' takau, sumugut ra pangatangan Nano, am pinasauk kau ru Ambiluo Nano ra ulun matulai, maa' raginio gumagaya' kau boo ri Jisus Kristus am maimpasawan kau ru raraa' Nano. Gama' ru ruangin poyo ri Aki Kapuuno' no barakat am pabansayan Nano ramuyun.

1 PITRUS 2:17

Urumato' noyo ngaangai' ulun am tagami' noyo pabukat mino ra Kristian. Kalaa' kano ri Aki Kapuuno' am urumato' noyo i Kaisar.

1 PITRUS 3:1

Mogondo' niayuk ramuyun andu' kau ngai', ra gagaya' kano ra ralaki mino. Maa' raginio amon ru mokoondo' lair intor risilo kalo mangintopot ra bala' ri Aki Kapuuno', kaayagan min raginio noyo magibit risilo mangintopot.

1 PITRUS 3:20

ioginio ambiluo ru ulun ondo' kalo giminagaya' ri Aki Kapuuno' ra galing i, nakaintuma' ri nabi Nuu. Paat ragili naginaa i Aki Kapuuno' risilo ra guang mataan, buoi ri Nuu nomongo ra kapal maayo nali. Balu' ngaulun ayuk ringai' siminakoi am gitilo ayuk ondo' binayag ru rosob i.

1 PITRUS 3:8

Pamupusan raginio: Korondoo' noyo guang min am pakaasi' kano ra rondo' am bokon. Ponogom kano ra rondo' am bokon mogondo' ra akau tumogom ra pabukat min galama'. Am poyo musiti' kau mataau am minggana' guang.

1 PITRUS 4:17

Maar noyo masuku' paat ri Aki Kapuuno' mangakim ra ulun ru tana' ti, am Ulun Nano akimin No galing. Amon ru itakau noyo talimpuunan Nano, atan masauk ra tauli no risilo ondo' kalo nangintopot ra Tanou Moonsoi intor ri Aki Kapuuno' i?

1 PITRUS 4:8

Kaa' kasaa' toojo ti, tagami' noyo toojo rondo' am bokon, sabap ra intor raginio tula mino ra masuang ampunon noyo ri Aki Kapuuno'.

2 PITRUS 1:7

Am kaayagan min kasagain ri Aki Kapuuno' no, ruangin ra guang motogom ra ulun Kristian; am ginio ruangin ra guang motogom ra ngaangai' ulun.

1 JUANIS 3:11

Naintaran noyo ra talimpuun i, pambalaan ragitio pinasaboi ramuyun. Musiti' motogom takau ra rondo' am bokon.

1 JUANIS 3:23

Gitio noyo nanusuban Nali, musiti' takau mangintopot ra Anak Nano, i Jisus Kristus, am kotogom takau no ra rondo' am bokon koson ra nanusuban ri Jisus Kristus i ritakau.

1 JUANIS 4:12

Kolondo' sangulun pana nakakito ri Aki Kapuuno'. Kaa' amon ru motogom takau ra rondo' am bokon, sumimpung i Aki Kapuuno' ritakau am togom Nano tumilayun ritakau.

1 JUANIS 4:20

Amon ru mokoondo' sangulun mindagu, “Motogom aku ri Aki Kapuuno',” kaa' masisang io ra pabukat nano, ulun no magabau. Ulun ondo' kalo motogom ra pabukat ondo' makito no, mulu' pi nai boo ri Aki Kapuuno' ondo' kalo makito no.

1 JUANIS 4:7

Pabukat kau ngaangai' ondo' tagamin ku! Kotogom kano ra rondo' am bokon, sabap ra togom ti intor ri Aki Kapuuno'. Ulun ondo' motogom, io no anak ri Aki Kapuuno' am nakaulig io ri Aki Kapuuno'.

PINAINTALANG 2:4

Kaa' gitio kalo kaansayan Kuno ramuyun; raino kalo boo nai motogom kau Raki' koson ra talimpuun i.