1 PITRUS 1:13 - Tanou Moonsoi Timugon

¹³ Sabap ra ngaangai' ondo' binaal ri Aki Kapuuno' no ramuyun, kasalok pororoo' pangkaraan min. Pagilalai' min noyo am poyo lansan kano toojo ra kataawan ri Aki Kapuuno' ramuyun paat ra papaintalangan ri Jisus Kristus.

1 PITRUS 1:13 ပူးပေါင်းရင်းမြစ်များ

1 RAJA'-RAJA' 18:46

Paat raginio kuasa' ru Tuhan timinuun ra rasawat ri Ilia; pinabangkos no bayang nano ra awak, am pasimbul siminigulu ra Raja' Agab buoi nangkiralan saboi ra kulobon garabang ru bandar Jijriil.

2 RAJA'-RAJA' 4:29

Ponontong i Ilisa ri Gigaji am indagu, “Ribaki'! Ibito' jujuga' kuli am ugar no. Pai' uog manabi' ra osoi ayuk pana. Amon ru mokoondo' ulun manabi' rirun, kalo pana balasin. Ongoi rampus ra baloi nano am pabantaa' jujuga' kuno ra inan ru anak no.”

AYUP 38:3

Raino, tampos no muma' Raki', am taamo' pangkuatan-pangkuatan Kutu.

AYUP 40:7

“Raino imbuor no koson ra ungkuyon, am taamo' noyo kuatin-kuatin Kutu.

KAINGKUALAN 12:11

Paat mangakan, musiti' kau makapambayang noyo ra bayang koson mugar; mangkasut kau noyo am mampaguut ra jujuga'. Musiti' kau magindibok mangakan. Ginio noyo pangiantakan Paska koson mangurumat Raki', Tuhan.

JISAYA 11:5

Parintaan no ulun nano ra matimpok am ralalom kabanisan ru guang.

JIRIMIA 1:17

Okou Jirimia, tampos no! Ugar no am balai' ilo intor ra ngaangai' ondo' nanusuban Kuno rirun. Pai' no kalaa' risilo maa' raginio kalo mangkinibit Aku rirun malaa' poyo paat ra okou muma' risilo ra maagu no.

MATIUS 20:4

Kono risilo, ‘Ongoi kau pangandoi ra umo kuno. Aniin takamin ra gaji' ru kuli'.’

LUKAS 12:35

“Tampos kano manguma' ra atan ayuk ondo' maaru' masauk, koson ra ulun mambayang am mansikit ra lampung.

LUKAS 17:30

Koson niayuk raginio orou ru Anak ru Ulun paintalangon.

LUKAS 17:8

Maaru' kalo! Kaa' mindagu kou riso ra, ‘Pongoono' akanon kuno, ralin no, am sulungin mu aku ra akanon am inumon; mopongo raginio okou bagu mangakan.’

ROMA 13:13

Kaayag takano ra matanda' koson ra kaindalaman ru ulun paat ra matawang. Pai' kano rumamai ra jajajou kapoam mangagauk. Pai' kano pansawa' kapoam mambaal ra makauyuyu'. Pai' kano pansangor am pai' pangusolon.

ROMA 8:19

Ra ngaangai' ondo' pinasauk ri Aki Kapuuno' maginaa ra guang moondom paat ri Aki Kapuuno' mampatalang osoi anak Nano.

1 KORINTUS 1:7

saboi kalo matatakan kau ra atan ayuk pana taak intor ri Aki Kapuuno', buoi min maginaa ra ratangan saguli' ru Tuhan takau, i Jisus Kristus.

1 KORINTUS 13:13

Pupus no, ondo' pantilayunon am talu ringai': mangintopot ri Kristus, malansan ri Aki Kapuuno' am motogom ra ulun bokon. Ondo' maatang toojo intor ra katalu-talu, io no motogom ra ulun bokon.

IPISUS 6:14

Ginio ra tampos kano koson sangulun saujor; ragu min ra motopot koson ayuk ra abot mino am guang min ra motopot koson ra bayang basi' mino.

KOLOSI 3:4

Ginio nai ra i Kristus noyo puun ru kaayagan bagu mino. Am paat ra Io paintalangon saguli', makapasimpung kau Riso ra katulayan Nano.

2 TISALONIKA 1:7

Am poyo mangani' Io ra katasuan ramuyun ondo' raino ti imboloon, mogondo' niayuk ramon. Gitio saukon Nano paat ra Tuhan Jisus mintalang intor ra suruga' mabaya' ra malaikat mangaikang Nano,

2 TIMOTIUS 4:5

Kabalu' koson raginio, okou Timotius musiti' guangon mu toojo atan ayuk ondo' baalon muno. Oroton ayuk ra okou imboloon. Paugaro' noyo kandoi muno koson mampasaboi ra Tanou Moonsoi ti am pongoono' noyo ngaangai' ondo' pinalansan rirun koson ra sangulun ulipon ri Aki Kapuuno'.

2 TIMOTIUS 4:8

Am raino, taak kamanangan maginaa noyo raki'. Tuhan ondo' mangakim ra motopot, mangani' raki' ra taak ti paat ra Orou Pupus no. Pai' ru aku ayuk ondo' mokoowot raginio, kaa' ngaangai' ulun ondo' magiginaa ra ratangan Nano.

IBRANI 10:35

Intor raginio, pai' polosoo' pangintapatan mino lumawo, sabap ra maayo ampos nano.

IBRANI 3:6

Kaa' i Kristus gumagaya' koson ra Anak ondo' maningganai ra ngaangai' ulun ri Aki Kapuuno'. Itakau ti noyo ulun Nano amon ru makakau' takau am mangintopot ra makaalap atan ondo' lansanin takau.

IBRANI 6:19

Koson ra simbatu mampauog ra parau ra kalo maabas, koson niayuk ra kalansanan takau mambaal ritakau kalo minggalur intor ri Aki Kapuuno'. Am koson ra Tingganai imam nakarampus ra tabir ru Intok Matulai Kaga' giu' ra Baloi Tuhan, i Jisus niayuk nakarampus ra suruga'.

IBRANI 9:28

Koson niayuk i Kristus igondo' ayuk nampataak ra painawo Nano koson mamuso ra tula ru masuang ulun. Matong Io poyo ra kainduo, sala' ka koson mangampun ra tula, kaa' koson mampakaayag risilo ondo' maginaa Riso.

1 PITRUS 1:10

Pamayagan ragitio noyo ondo' inintutunan am inimumuyan toojo ru nabi-nabi, am nambala' ilo poyo ra ati kulaan kataawan ri Aki Kapuuno' no ramuyun.

1 PITRUS 3:15

Kaa' urumato' noyo i Kristus ralalom ru guang mino koson ra Io noyo manguasa' ra kaayagan min. Musiti' kau tumampos kalalair koson makapangani' ra taaman ra osoi ayuk ulun ondo' makibala' ramuyun ra puun ru kalansanan mino.

1 PITRUS 4:7

Pamupusan ru tana' ti mamaar noyo sumuku', pagilalai' am pantataan guang, maa' raginio makapakiasi' kau.

1 PITRUS 5:12

Manulis aku ra surat mariwa' ti ramuyun mabaya' ra indangan ri Silas. Io karaan ku sangulun pabukat ra Kristian ondo' malansanan. Pambilinan ru surat kutu ioginio intor ra kataawan ri Aki Kapuuno'. Pai' min noyo labusi' taak raginio.

1 PITRUS 5:8

Tampos kano am pagilalai' min! Sabap ra Tingganai ru riwato, pantula' mino, mijajawot am mansangal' koson ra singa' maguyum ra osoi ayuk mapatoi nano.

1 JUANIS 3:3

Moonong ulun ondo' malansan ri Kristus, magalung io ra kapasawan ru kaayagan nano mogondo' koson ri Kristus mapasau.