1 KORINTUS 9:5 - Tanou Moonsoi Timugon

⁵ Makakuasa' aku mapaaya' ra andu' Kristian ra aku mugar-ugar, tumilu ra rasul-rasul ra bokon no, pabukat ru Tuhan Jisus am i Simon Pitrus.

1 KORINTUS 9:5 ပူးပေါင်းရင်းမြစ်များ

RIMBAI PANGAMPARAN 4:12

Ambai am uoton kuno koson ra taman makatimbok, taman ondo' makatimbok, taur ru timug kuno galama'.

MATIUS 13:55

Sala' ka kia Io ti anak ru sangulun manambaloi ayuk? Sala' ka kia i Maria no ina' Nano, am pabukat Nano i Jakub, i Jusup, i Simon am i Judas?

MATIUS 8:14

Ongoi i Jisus ra baloi ri Pitrus. Ilai' no iwan ri Pitrus ra ruandu' no botoi-botoi sabap ra mansalom.

MARKUS 1:30

Iwan ruandu' ri Simon botoi-botoi sabap ra mansalom. Kakasaboi nilo ra giu', pambala' ilo mataki' ra babaal nano ri Jisus.

MARKUS 6:3

Sala' ka kia Io ti sangulun manambaloi, anak ri Maria, pabukat ri Jakubus, i Josis, i Judas am i Simon? Sala' ka kia pabukat-pabukat ruandu' Nano soroi ritakau?” Ginio ra kalo boo nangapu ilo Riso.

LUKAS 6:15

I Matius am i Tomas, i Jakubus anak ri Alpius, i Simon (ondo' sabiton ri Patriot).

LUKAS 8:20

Mokoondo' nambala' ri Jisus, kono, “Tuan, ina' am pabukat-pabukat Muno soroi ra liwar no. Masaga' ilo tumuum Rirun.”

JUANIS 1:42

Ibito' no boo i Simon ri Jisus. Tantangi' ri Jisus i Simon, am indagu, “Inggalan muno i Simon anak ri Juanis, kaa' piawon kou poyo ri Kaipas.” (Kaipas nogondo' ra Pitrus, arati' nano ‘bulur batu’.)

JUANIS 2:12

Kopongo ragili i Jisus, ina' Nano, pabukat Nano am maamaya' Nano minongoi ra pekan Kapirnaum am minayan ra giu' i ra kukula' ngoorou ayuk.

RINALATAN 1:14

Ngaangai' ilo ti rondo' guang am masalok ilo tumimung makiasi' mababaya' ra ruandu'-ruandu', i Maria ina' ri Jisus am pabukat-pabukat ri Jisus.

ROMA 16:1

Giti masaga' aku mampaulig ramuyun ra pabukat takau ra i Pibi, ondo' mangindangan ra pasimpungan ulun Kristian giu' ra bandar Kingkiria.

1 KORINTUS 1:12

Kon kutu ra sigagama' kau mindagu ra, “Maya' aku ri Paulus,” am kon ru bokon, “Maya' aku ri Apolos,” kon poyo ru bokon, “Maya' aku ri Pitrus,” am mokoondo' niayuk mindagu ra, “Maya' aku ri Kristus.”

1 KORINTUS 7:15

Kaa' amon ru sangulun ondo' kalo mangintopot ri Aki Kapuuno' no moogot mangiruan ra andu' kapoam ralaki nano ra Kristian, pai' ilo no ingai'. Amon ru nasauk koson raginio, ralaki kapoam andu' ra Kristian no, pai' ilo jajali' masimpung, sabap ri Aki Kapuuno' galama' masaga' ramuyun maayag ra kaansayan.

1 KORINTUS 7:39

Sangulun ruandu' ra makaralaki musiti' masimpung riso buoi ru ralaki no maayag. Kaa' malupus ralaki nano matoi, ruandu' no makapangindalaki poyo ra osoi ayuk kasagaan no; kaa' musiti' no ulun Kristian.

1 KORINTUS 7:7

Sotopot no, maansayan aku toojo amon ru ngaangai' ulun koson raki', ra kalo maguot; kaa' sigagama' mokoondo' ra taak nano intor ri Aki Kapuuno', sangulun mokoondo' ra taak koson ragitio, am kalo mogondo' taak ru bokon no.

1 KORINTUS 7:8

Ilo ondo' kalo poyo naguot am ondo' napuor, karaa' min ragu ragitio; Mulu' bonsoi no ra akau misasangulun koson raki'.

GALATIA 1:19

Kolondo' natuum ku ra rasul ra bokon, kaa' i Jakubus ayuk, pabukat ru Tuhan.

1 TIMOTIUS 3:2

Sangulun tingganai ru ulun Kristian no musiti' kolondo' sala, sangulun ayuk andu' nano, makapantataan ra guang, mapintar, makapaliso matanda', mataau mangapu ra tambului am makapangila' ra ulun.

1 TIMOTIUS 4:3

Ilo ti mangila' ra kalo matagandu' am kalo makaakan ra kukula' akanon. Kaa' sotopot no, akanon raginio sinauk ri Aki Kapuuno' koson apuon mabaya' ra paringkuanangan ru ulun ondo' mangintopot am makatutun ra katapatan.

1 TIMOTIUS 5:2

ruandu' matuo koson ayuk ra ina' muno am ruandu' ondo' mamulok ka okou koson ra boborok muno mabaya' ra kapasawan.

TITUS 1:6

Sangulun tingganai no musiti' kolondo' sala; musiti' sangulun ayuk andu' nano, am anak-anak nano pana musiti' mangintopot ri Kristus am kalo niayuk kauligan ilo ra maanggal-anggal kapoam mailo balain.

IBRANI 13:4

Kaulayan ru paguatan musiti' no urumaton ru ngaangai' ulun, ra moonong ralaki kapoam andu' kalo iowon sumimpung ra bokon. Sabap ra ulun ondo' lumapau kapoam mansawa' pana, ukumin ri Aki Kapuuno'.