1 KORINTUS 9:26 - Tanou Moonsoi Timugon

²⁶ Ginio nai ra mangandoi aku ayuk ri Aki Kapuuno', mogondo' ra sangulun masimbul gumogot ra kamanangan kapoam mogondo' ra sangulun peninju mompokono' ra gonggom nano ra pantula' nano.

1 KORINTUS 9:26 ပူးပေါင်းရင်းမြစ်များ

2 PITRUS 1:10

Gino ra pabukat kau ngai', pirot kano mampakito ra kaayagan min ra piniau am pinili' kau ri Aki Kapuuno'. Sabap ra amon ru gitio noyo baalon min, kalo noyo lumugut kau.

2 TIMOTIUS 2:5

Sangulun masisimbul kalo mokoowot ra kamanangan amon ru kalo maya' io ra aturan no.

PILIPI 1:21

Sabap ra koson raki', pangkaraan kuno am mintutun toojo ri Kristus ayuk! Am matoi aku pana, mulu' poyo kinoonsoi ru ampos no.

KOLOSI 1:29

Koson mampasingkot ra kandoi raginio, sumingkotog aku toojo. Maayo toojo kuasa' ri Kristus ondo' mabaya' ra kandoi kutu.

LUKAS 13:24

“Kinami' min toojo sumubol ra kulobon ondo' mapisok no. Balain takamin, masuang ulun kuminam subol kaa' kalo makaumpos ilo.

2 TIMOTIUS 1:12

Ginio boo puun ru aku maimbolo' ra ngaangai' ti, kaa' kalo lumawo pangintapatan kuno sabap ra naintutunan ku toojo osoi Io ondo' inintopot kuli. Am mangintopot aku toojo ra mampalayun Io ra kandoi ondo' pinalansan Nano raki' i, saboi ra Orou Pupus no.

IPISUS 6:12

Sabap ra sala' ka ulun anggalon takau, kaa' ngaangai' riwato giu' ra limbowon, ioginio mangunguasa' am kaikangan ru kalandaman ondo' raino mamarinta.

1 PITRUS 5:1

Mambilin aku ramuyun magagalung ru pasimpungan ulun Kristian. Aku ti pana sangulun magagalung mogondo' ramuyun am sasi' noyo ra kaimbalaan ri Kristus, am aku pana urumaton mabaya' ri Kristus paat Io paintalangon ra ulun.

IBRANI 4:1

Raino, bantu' ri Aki Kapuuno' ni lakat poyo soroi ra tumangus takau mabaya' Riso. Intor raginio, ilalai' takau noyo ra kolondo' ra sangulun kalo makatangus mabaya' Riso.

2 KORINTUS 5:8

Ginio nai ra kalo malaa' akai am masaga' akai niayuk manatang ra inan ti, maa' raginio makapasimpung akai ra Tuhan.

2 KORINTUS 5:1

Makapandai akai ra amon ru inayanan takau ra tana' ti pusoon boo, ioginio inan takau, makaayanan takau niayuk ra suruga'. Am ayanan raginio mantilayun ondo' binaal ri Aki Kapuuno' galama' am sala' ka ulun.

1 KORINTUS 14:9

Koson niayuk ra ati kulaan ulun mangarati' atan raguon min amon ru mindagu kau ra ragu imuagan? Ragu mino raginio lumiot, koson masiab ru angin.

MATIUS 11:12

Intor ri Juanis Mampariu' nampatanou ra tanou no suku' raino ti, Pamarintaan ri Aki Kapuuno' inanggal ru ulun malaat ondo' mangkinam manguasa' no pabayaan ra kalaatan.

GALATIA 2:2

Minongoi aku ra Jirusalim maya' ra nanusuban ondo' pinatalang ri Aki Kapuuno' no raki'. Ralalom pagugumaan mai ra tingganai ru Kristian ayuk, pinabala' ku toojo risilo Tanou Moonsoi ondo' pinasaboi kuno ra ulun sala' ka Jaudi. Marara' aku ra ondo' pinasaboi ku noyo kapoam ondo' posoboyon kutu malubat ayuk.

2 TIMOTIUS 4:7

Siminingkotog aku no koson sangulun masisimbul am nakasuku' aku no ra pamupusan, am pinongo ku ngaangai' kandoi ondo' pinalansan raki'.

IBRANI 12:1

Ngaangai' sasi' ra raitii' ni makakito ritakau; intor raginio tatango' takano ngaangai' ondo' mongompong ritakau am niayuk tula ondo' masalok mumbir ritakau, am pirot takano baya' ra pasimbulan ondo' inaru' ri Aki Kapuuno' ritakau.

TINGGANAI RU BANSA' 3:2

Masaga' Io mangila' ra moonong sukor bagu ru ulun ru Israil koson mangayou, mulu' poyo ilo ondo' kalo igondo' baya' ra mangayou.