1 KORINTUS 9:25 - Tanou Moonsoi Timugon

²⁵ Moonong ulun ondo' makaguang maya' ra pagigilayan masimbul, magalung io toojo ra inan nano. Am mongorot io toojo, maa' raginio mokoowot io ra karaun kamanangan ondo' mapuso niayuk ra tauli. Kaa' itakau ti mongorot, maa' raginio mokoowot takau ra karaun kamanangan ondo' mantilayun.

1 KORINTUS 9:25 ပူးပေါင်းရင်းမြစ်များ

2 TIMOTIUS 2:5

Sangulun masisimbul kalo mokoowot ra kamanangan amon ru kalo maya' io ra aturan no.

PINAINTALANG 2:10

Pai' kano kalaa' ra kaimbalaan ondo' malimanan min ra maagu no. Karaa'! Tingganai ru riwato no mangkinam ramuyun. Mangkinibit io ra kukula' intor ramuyun pasubolon ra pangaputan am mopor ngoorou buoi ru kapaganan mino. Gagaya' ayuk toojo Raki' saboi ra potoyon kau pana, am aniin takamin ra kaayagan mantilayun koson ra ampos ru kamanangan mino.

1 TIMOTIUS 6:12

Gogot no gumagaya' ri Kristus ra sotopot-topot ru guang suku' moowot mu kaayagan mantilayun. Sabap raginio noyo nampiawan ri Aki Kapuuno' rirun paat ra okou nangiou ra mangintopot kou no ri Jisus Kristus ra saang ru masuang sasi'.

PINAINTALANG 3:11

Kalo boo mabuoi am matong Aku! Alungi' noyo ondo' soroi poyo ramuyun no, maa' raginio kalo matakou ru ulun bokon ampos ru kamanangan mino.

JAKUBUS 1:12

Pakaansuk noyo ulun ondo' tumaan paat ra io makatiu' ra pangkinaman. Sabap ra amon ru magula' no ra io kinamin, makaapu io ra ampos no, ioginio, kaayagan ondo' binantu' ri Aki Kapuuno' ra ulun ondo' motogom Riso.

2 PITRUS 1:6

Am kaintutunan ruangin ra guang pantataan. Am guang pantataan ruangin ra guang tumaan ra kaimbalaan. Am guang tumaan ra kaimbalaan ruangin ra kaayagan ondo' mapabansuk ra guang ri Aki Kapuuno'.

1 PITRUS 5:4

Paat ra ratangan ru Tingganai Magagalung, makapangapu kau ra karaun matulai ondo' manguliat ra mantilayun.

1 PITRUS 1:4

Ginio noyo puun ru barakat maayo ondo' pinatampos kalalair ritakau giu' ra suruga'. Am taak ragitio kalo maalap kalunsai, kapuso kapoam kairu'.

GALATIA 5:23

am minggana' guang am poyo mapandai mongorot. Baal koson raginio kalo iningaan ru atan ayuk pana ukum.

IBRANI 12:28

Intor raginio, paringkuanang takano ri Aki Kapuuno', sabap ra inanian takau ra rondo' pagun ondo' kalo maalap kauyog. Pongompor am samba takano Riso maya' ra kasagaan Nano, ioginio mabaya' ra urumat am inggana' ru guang.

IBRANI 12:4

Ra akau mantutula' ra kuasa' ru tula, kalo poyo igondo' sangulun intor ramuyun giminula' suku' potoyon.

1 KORINTUS 15:54

Paat ra ondo' mapuso no maaligan ra mantilayun, ioginio ondo' matoi maaligan ra kalo matoi, am masugut boo ragu ru Buuk Kitab ra, “Kapatayan mapuso noyo; namanang noyo i Aki Kapuuno'.”

PINAINTALANG 4:10

karuo ngoopor am apat ngaulun tingganai no lumaub ra saang ru Io ondo' nanturung ra takhta no am niayuk sumamba Riso ondo' maayag ra mantilayun. Papatiro' nilo boo karaun mas nilono ra saang ru takhta no am indagu,

PINAINTALANG 4:4

Am ralalom liniputan no mokoondo' poyo ruo ngoopor am apat takhta ra bokon no. Giu' no nanturung ruo ngoopor am apat tingganai nambayang ra mapulak am nangkaraun ra mas.

TITUS 1:8

Kaa' sotopot no, musiti' io ti sangulun ondo' mataau mangapu ra tambului am maansayan mambaal ra motopot. Musiti' io mataan guang, mabanis guang, gumagaya' toojo ri Aki Kapuuno' am niayuk matanda'.

TITUS 2:2

Ragui' noyo ungkuyon matutuo maa' raginio mapintar, tumanda' am mongorot. Musiti' ilo ti mangintopot ra Kristus, motogom am poyo mataan guang.