1 KORINTUS 9:19 - Tanou Moonsoi Timugon

¹⁹ Aku ti sala' ka ulipon ru osoi ayuk pana. Kaa' aku galama' siminauk ra ulipon ru ngaangai' ulun, maa' raginio makapangkimait aku ra masuang ulun mangintopot ri Kristus.

1 KORINTUS 9:19 ပူးပေါင်းရင်းမြစ်များ

GALATIA 5:13

Kaa' koson ramuyun, pabukat kau ngaangai', napiau kano masauk ra ulun nakalabus. Kaa' pai' min polosoo' kaluagan raginio mangkinibit ramuyun makatula, koson mampagagaya' kau ayuk ra kasagaan ru guang min. Ondo' ayuk am gitio; kotogom am koonsoi kano ra rondo' am bokon.

MATIUS 18:15

“Amon ru sangulun ondo' mangintopot Raki' makatula rirun, tuumo' am balai' sala nano ra akau ayuk ruo. Amon ru mangkirongog io rirun, naalap mu io ti saguli'.

1 KORINTUS 10:33

Tilu kano raki'. Koson ra atan ayuk pana baalon kuno, mangkinam aku mapabansuk ra guang ru ngaangai' ulun. Kalo niayuk maguyum aku ra kaatangan kuno, kaa' makara' ku ulun ra bokon, maa' raginio bayagon ilo.

1 TIMOTIUS 4:16

Ilalai' kaayagan muno am niayuk pangilaan muno. Porondono' ayuk ngaangai' ti, maa' raginio okou galama' am niayuk ilo ondo' mangkirongog ra pangilaan muno bayagon.

2 TIMOTIUS 2:10

Ginio sabap ra tumaan aku ra ngaangai' ti koson ra kaatangan ru ilo ondo' pinili' noyo ri Aki Kapuuno', maa' raginio ilo pana mokoowot ra pamayagan ondo' taakin ralalom inggalan ri Jisus Kristus am ondo' mabaya' ra urumat mantilayun.

2 KORINTUS 4:5

Pai' ru mampasaboi akai ra tanou mai galama', kaa' tanou ra i Jisus Kristus noyo Tuhan, am akai ti ulipon min ayuk sabap ri Jisus.

ROMA 15:2

Ginio ra pirot takano pangindangan ra pabukat Kristian koson kaatangan nilo maa' raginio mikang boo pangintapatan nilo.

1 PITRUS 3:1

Mogondo' niayuk ramuyun andu' kau ngai', ra gagaya' kano ra ralaki mino. Maa' raginio amon ru mokoondo' lair intor risilo kalo mangintopot ra bala' ri Aki Kapuuno', kaayagan min raginio noyo magibit risilo mangintopot.

1 KORINTUS 9:1

Kalo boo uliponon aku ru kaulayan ru Jaudi. Aku ti sangulun rasul. Nakakito aku no toojo ri Jisus, Tuhan takau am akau no ampos ru kandoi kuli.

ROMA 1:14

Musiti' aku mampabala' ra Tanou Moonsoi ra ngaangai' bansa': ilo ondo' makasopan am niayuk ondo' kolondo' sopan, am ilo ondo' nakasikul am niayuk ondo' kolondo' sikul.

AMSAL 11:30

Ulun ra motopot kaayagan nano tumanda'; ulun ra mapintar rumuang maamaya' nano.

GALATIA 5:1

Itakau raino mokoondo' noyo ra kaluagan sabap ra pinalabus takano ri Kristus! Intor raginio, porondon kau ra kaluagan no, am pai' kau kasaga' uliponon poyo saguli'.

1 KORINTUS 7:16

Andu' ra Kristian kau, maalap min nua' ralaki mino mangintopot ra Tuhan? Mogondo' niayuk ramuyun, ralaki kau ra Kristian, maalap min nua' andu' mino mangintopot ra Tuhan?

ROMA 11:14

Intor raginio mangkinibit aku lair ra ulun ru bansa' kuno mangusolon am makapamayag i Aki Kapuuno' ra santayaran risilo.

1 KORINTUS 10:29

Kon kuno sala' ka akau, kaa' kaimamangan ru guang ru ulun minindagu i.) Maampon lair mokoondo' mangkuot, “Kua kaluagan kuno musiti' ompongon koson sumugut ra kaimamangan ru guang ru ulun bokon?

2 KORINTUS 4:15

Ngaangai' kaimbalaan no masauk koson ra kaatangan min. Sabap raginio rumuang ulun ondo' makaapu ra kataawan ri Aki Kapuuno', ondo' mulu' poyo maringkuanang am mangurumat ilo ri Aki Kapuuno'.

2 KORINTUS 12:14

Gitio kaintalu ra aku nakatampos mongoi ramuyun. Pai' ru mantipagon aku ramuyun, sabap ra akau no tupo kasagaan kuno, sala' ka ruit mino. Pai' ru anak no ondo' mampakan ra matuo nano, kaa' matuo ondo' mampakan ra anak nilai no.