1 KORINTUS 9:16 - Tanou Moonsoi Timugon

¹⁶ Kalo maaya' aku lumimbau amon ru mampabala' aku ra Tanou Moonsoi, sabap ra aku ti sinusub ri Aki Kapuuno'. Mapara' boo usung kuno amon ru kalo mampatanou aku ra Tanou Moonsoi no.

1 KORINTUS 9:16 ပူးပေါင်းရင်းမြစ်များ

JISAYA 6:5

Indagu aku boo, “Aibui boo raki'! Kolondo' boo kalansanan kuno, sabap moonong raguon kuno makatula, am nakalatok aku ra ulun koson niayuk raginio. Kabalu' pana raginio, mato am ulu kutu galama' nakakito ra Raja', Tuhan Ondo' Maayo Kaga' Kuasa'!”

JIRIMIA 1:17

Okou Jirimia, tampos no! Ugar no am balai' ilo intor ra ngaangai' ondo' nanusuban Kuno rirun. Pai' no kalaa' risilo maa' raginio kalo mangkinibit Aku rirun malaa' poyo paat ra okou muma' risilo ra maagu no.

JIRIMIA 20:7

Iou Tuhan, rinuung Mu aku, am naruung aku. Maikang Kou intor raki' am nangala raki'. Iniis aku ru moonong ulun, inasaban intor ra susuab ti saboi ra mamai'.

JIRIMIA 20:9

Kaa' paat ra aku mindagu, “Polosoon aku makalilian ra Tuhan, marara' aku boo mindagu ralalom ru inggalan Nano,” tanou Muno pana koson ra apui ondo' mapaang ralalom ru guang. Kinamin ku oroto', kaa' kalo boo magula' ku.

AMOS 3:8

Paat ra singa' mansangal, osoi kia kalo malaa'? Paat ra Tuhan Raja' mindagu, osoi kia mokopongkoror am kalo nampatanou ra tanou Nano?

AMOS 7:15

Kaa' Tuhan nampiau raki' intor ra kandoi magalung ra bibiag tinambiag am nanusub raki' mampasaboi ra tanou Nano ra ulun ru Israil.

MATIUS 25:16

Ulipon ondo' inanian ra limo ngaribu ruit mas ti parayus ongoi palaburo' ruit ra tinaakan riso, am pakaalap limo ngaribu poyo.

LUKAS 9:62

Taam i Jisus, “Ulun ondo' tumalimpuun mamparadu' am magail ayuk mangkaili ra talikuron, kalo maaya' masauk ra ulun ri Aki Kapuuno'.”

RINALATAN 4:20

Sabap ra kalo malanggaan mai mindagu ra atan nakito am norongog mai galama'.”

RINALATAN 9:15

Kaa' indagu Tuhan no riso, “Ugar no, sabap ra io pinili' Ku mangandoi Raki', koson mampasaboi ra tanou intor Raki' ra ngaangai' bansa' ondo' sala' ka Jaudi am raja'-raja' am niayuk ulun ru Israil.

RINALATAN 9:6

Kaa' raino sukal am ongoi ra Damsyik no. Giu' no balain tokou atan ondo' musiti' baalon muno.”

ROMA 1:14

Musiti' aku mampabala' ra Tanou Moonsoi ra ngaangai' bansa': ilo ondo' makasopan am niayuk ondo' kolondo' sopan, am ilo ondo' nakasikul am niayuk ondo' kolondo' sikul.

ROMA 15:17

Sabap ra nasimpungan kuno ri Kristus Jisus, maayo boo guang ku sabap ra kandoi kuno ri Aki Kapuuno'.

ROMA 4:2

Amon ru i Abragam pinobonsoi saguli' ri Aki Kapuuno' sabap ra binaal nali, makasasaban io lumimbau. Kaa' sotopot no ra pagilangan ri Aki Kapuuno' kolondo' sasaban io lumimbau.

1 KORINTUS 4:15

Sabap ra kabalu' pana akau mokoondo' lair mopor ngaribu ngaulun mangingila' ra Kristian, kaa' sangulun ayuk ama' min. Ginio ra ralalom kaayagan mino koson ra sangulun Kristian, aku noyo ama' min, sabap ra aku no nampabala' ramuyun ra Tanou Moonsoi ri Jisus Kristus.

1 KORINTUS 9:12

Amon ru ulun ra bokon no makakuasa' lumansan ramuyun, mulu' poyo akai ka ilo. Kaa' kalo poyo igondo' ku pasalulaa' kuasa' raginio. Mulu' poyo bonsoi no ru aku ayuk galama' maguyum ra kaukapan ru akanon ka mampajajou ra pampatanawan ra Tanou Moonsoi ri Jisus Kristus.

1 KORINTUS 9:14

Ginio ra Tuhan pana nangaru' ra ulun ondo' mampasaboi ra Tanou Moonsoi no musiti' makaapu ra akanon songongorou intor ra kandoi no raginio.

2 KORINTUS 2:12

Paat ra aku nakasaboi ra bandar Troas koson mampabala' ra Tanou Moonsoi ri Kristus i, ilain ku ra pinongo noyo kalalair ru Tuhan ralan kuno mangandoi ra giu' i.

KOLOSI 4:17

Balai' i Arkipus, “Karaa'. Pongoono' noyo ondo' pinakandayan rirun ru Tuhan.”

1 SAMUIL 12:23

Ra aku ti, makatula aku ra Tuhan amon ru kalo makiasi' aku ra tayar mino; gama' ru painggaluron ru Tuhan tula no intor raki'. Kaa' marayus aku mangila' ramuyun ra baal ondo' mongoonsoi am ondo' mongotopot.