1 KORINTUS 9:13 - Tanou Moonsoi Timugon

¹³ Nakapandai kano ra ulun ondo' mangandoi ra Baloi Tuhan makaapu ra akanon intor ra pangandayan nano. Mogondo' niayuk ra ulun ondo' mapabandai ra taak simbalui ra altar, makasia' intor ra taak raginio.

1 KORINTUS 9:13 ပူးပေါင်းရင်းမြစ်များ

IMAMAT 21:22

Kaa' ulun raginilo makaakan ra akanon ondo' nakataak noyo Raki', ondo' kia' taak akanon ondo' mapasau, am niayuk taak akanon ondo' mapasau kaga'.

IMAMAT 22:7

Mokotolop mato ru orou bagu no mapasau io, am makaakan io ra taak simbalui ondo' palilion ayuk no sabap ra ginio noyo akanon nano.

IMAMAT 6:26

Imam ondo' mapataak ra bibiag no musiti' mangakan raginio giu' ra intok ondo' mapasau, iono giu' ra liliut ru Kim ru Tuhan.

IMAMAT 7:31

Musiti' lomok no solobon ru sangulun imam giu' ra rasawat ru altar, kaa' kubab ru bibiag no longgom ru imam-imam.

UNTABAN 18:31

Akau am sasambaloi mino makaakan ra ondo' natatang no ra ati ayuk intok, sabap ginio noyo bayaran ru kandoi min giu' ra Kim ru Tuhan.

ROMA 6:16

Maaru' mapandayan min amon ru polosoon noyo kaayagan min kuasaan ru sasangulun koson mampagagaya' ra susuban nano, akau noyo ulipon ru ulun no – iou pana ulipon ru tula ondo' magibit ra kapatayan, kapoam ulipon ondo' gumagaya' ra kasagaan ri Aki Kapuuno' ondo' mopobonsoi ramuyun Riso.

1 KORINTUS 10:18

Ilai' min ulun ru Jaudi: Ilo ondo' mangakan ra santayaran ru akanon ondo' pinabandai ra rasawat ru altar, makapagagapu am sumamba niayuk ri Aki Kapuuno'.

1 KORINTUS 9:24

Pabukat kau, maaru' nakapandai kano ra ralalom pagugulaan masimbul, moonong ulun ondo' maya' raginio masimbul, kaa' sangulun ayuk mokoowot ra taak kamanangan. Pasimbul kano koson riso, saboi mokoowot kau ra taak raginio.

SAGULION 10:9

Ginio sabap ra bansa' ru Liwi kalo nakaalap ra tana' koson ra bansa'-bansa' ra bokon, sabap ra nangapu ra kaapuan inaru' koson masauk ra imam ru Tuhan koson ra binantu' ru Tuhan i Aki Kapuuno' min.)

1 SAMUIL 2:28

Intor ra ngaangai' bansa' ru Israil, pinili' Ku sasambaloi nano nasauk ra imam Kuno koson mangandoi giu' ra altar, monolob ra kaminyan, am mambayang ra efod paat makitulu' intor Raki'. Nanaak Aku risilo ra pangiawan koson mangalap ra santayaran intor ra taak simbalui ondo' solobon ra rasawat ru altar.