1 KORINTUS 8:9 - Tanou Moonsoi Timugon

⁹ Kaa' ilalai'! Pai' polosoo' kaluagan mino mambaal ra atan-atan mangkinibit ra ulun malawo pangintapatan mambaal poyo ra tula.

1 KORINTUS 8:9 ပူးပေါင်းရင်းမြစ်များ

JISAYA 35:3

Kaikango' noyo kalindu' ra lamumu', am kaikango' noyo atur ondo' mauyog.

JISAYA 57:14

Mindagu Tuhan, “Polosoon noyo ulun Kuno sumaguli' Raki'. Pambaal noyo am pongoo' noyo ralan! Tumpailo' noyo moonong mokoompong ra ralan nilono!

YEHEZKIEL 14:3

“Okou ulun mapandai matoi, ngaangai' ru ulun ti nangintopot noyo ra sinungkalalaing saboi ilo naratu' ralalom ru tula. Indoson nilo kia ra tumaam Aku ra pangkuatan nilo?

YEHEZKIEL 44:12

Kaa', sabap ra nambaal ilo ra upacara sumamba ra sinungkalalaing koson bansa' ru Israil, am binaal raginio nangkinibit ra ulun makatula, ginio ra Aku, Tuhan Raja' magibot ra ilo musiti' ukumin.

IMAMAT 19:14

Pai' ulaso' ulun barat, am pai' pabantaa' batu kasaruan ra saang ru ulun bolou saboi maratu' io. Musiti' kau malaa' Raki'; Aku noyo Tuhan i Aki Kapuuno' min.

MATIUS 18:10

“Ilalai'! Pai' kau pagasab ra ulun ondo' mangintopot Raki' koson ra lalaing. Balain takamin: Malaikat ondo' magalung risilo ti masalok maining ru Ama' Kuno giu' ra suruga'. [

ROMA 15:1

Itakau ondo' maikang pangintopot, pirot takano pangindangan risilo ondo' malawo pangintapatan, am pai' takau pangkara' ra kaatangan galama' ayuk.

1 KORINTUS 10:24

Pai' sangulun pana maguyum ra kaatangan ru kaayagan nano galama' ayuk, kaa' karaa' niayuk kaatangan ru ulun ra bokon.

1 KORINTUS 10:28

Kaa' amon ru mokoondo' mindagu ramuyun ra, “Akanon ti nakapakan noyo ra sinungkalalaing,” pai' noyo akano', sabap ra mangkara' ra kaatangan ru ulun no am sabap ra kaimamangan ru guang. (

1 KORINTUS 10:29

Kon kuno sala' ka akau, kaa' kaimamangan ru guang ru ulun minindagu i.) Maampon lair mokoondo' mangkuot, “Kua kaluagan kuno musiti' ompongon koson sumugut ra kaimamangan ru guang ru ulun bokon?

1 KORINTUS 10:32

Kaayag kano koson raginio am pai' pangkinibit ra osoi ayuk pana makatula; koson ra ulun ru Jaudi, ulun sala' ka Jaudi kapoam ulun Kristian.

1 KORINTUS 8:10

Amon ru sangulun malawo pangintapatan no makakito ramuyun ondo' maikang pangintapatan mangakan giu' ra kuil sinungkalalaing, sala' kia ka baal raginio mangkinibit ra ulun no pana mangakan ra akanon ondo' pinampakan no?

1 KORINTUS 8:12

Amon ru akau mangkinibit ra pabukat Kristian mino ondo' malawo pangintapatan makatula am maninduol ra guang nilo, ginio mogondo' ayuk ra makatula kau ri Kristus.

1 KORINTUS 9:22

Am poyo ra aku sumimpung ra ulun ondo' malawo pangintapatan, paliso kuno koson ra ulun ondo' malawo pangintapatan, maa' raginio makapangkimait aku risilo mangintopot ri Kristus. Iou, makimogondo' aku noyo ra nansalinut paliso ru ulun, maa' raginio, amon ru maalap, makapangkimait aku ra kukula' ngaulun risilo mangintopot ri Kristus.

2 KORINTUS 11:21

Balain takamin toojo: kalo sama' akai tumilu risilo! Amon ru makakau' ilo lumimbau, aku pana makakau'! (Sasambungon aku mindagu koson raginio.)

2 KORINTUS 11:29

Amon ru sasangulun no malawo, aku pana makaliman ra kalawaan no. Amon ru sasangulun no makatula, aku pana mangiluk toojo guang.

2 KORINTUS 6:3

Kalo masaga' akai amon ru sonsolon kandoi mai, ginio sabap ra kalo mangani' akai ra sasaban ra osoi ayuk pana mononsol ra kandoi mai.

GALATIA 5:13

Kaa' koson ramuyun, pabukat kau ngaangai', napiau kano masauk ra ulun nakalabus. Kaa' pai' min polosoo' kaluagan raginio mangkinibit ramuyun makatula, koson mampagagaya' kau ayuk ra kasagaan ru guang min. Ondo' ayuk am gitio; kotogom am koonsoi kano ra rondo' am bokon.

KOLOSI 2:8

Ginio nga ra ilalai' min, maa' raginio kolondo' sangulun pana mamparuung ramuyun ra pangilaan ru ulun ondo' abau no ayuk am kolondo' onong, sabap ra mampakalayau ayuk ginio. Sala' ka i Jisus Kristus intor ru gitio, kaa' binaal ayuk ru ulun kapoam rondo' pangilaan ru kaulayan ayuk.

1 PITRUS 2:16

Kaayag kano koson ra ulun ondo' kalo boo uliponon ru tula, kaa' pai' polosoo' pampalabusan min ti mapasibuni ra tula min, kaa' pakapaliso kano koson ra ulipon ri Aki Kapuuno'.

2 PITRUS 2:19

Ulun-ulun migigiangku ra mangingila' no mambantu' ra ulun-ulun no ra ralan kalabusan, kaa' ilo galama' inulipon noyo ru kinibit malaat ondo' mamuso risilo ra tauli no. Sabap ra osoi ayuk kuasaan ru atan ayuk pana kalaatan, ulipon io niayuk ru ginio.

PINAINTALANG 2:14

Kaa' mokoondo' kalo kaansayan Kuno ramuyun; mokoondo' kukula' ramuyun minaya' ra pangilaan ri Biliam. Sabap ra nangila' i Biliam ri Balak ra mangkinibit ra ulun ru Israil mambaal ra tula, koson mangkinibit risilo mangakan ra akanon ondo' pinataak ra sinungkalalaing am inila' ra mansasawa'.