1 KORINTUS 7:37 - Tanou Moonsoi Timugon

³⁷ Kaa' amon ru sangulun ungkuyon napatas noyo ra kalo manangandu', am kalo jinajalan ru osoi ayuk pana; am amon ru moorot no toojo laai ru guang nano galama', am poyo natutunan no toojo ra atan baalon nano, mulu' poyo bonsoi amon ru kalo manangandu' io.

1 KORINTUS 7:37 ပူးပေါင်းရင်းမြစ်များ

DANIL 1:8

Inaru' toojo ri Danil koson kalo jamalin inan nano ra akanon am wain ondo' inaru' ru raja'. Ginio ra nakiindangan io ri Aspinas,

1 KORINTUS 7:1

Raino masaga' aku manaam ra pangkuatan ru surat min i raki'. Amon ru sangulun ungkuyon kalo manangandu', ginio moonsoi.

1 KORINTUS 7:36

Koson ra ilo santamung ayuk poyo: amon ru ungkuyon ti masaga' sumimpung ra tamung nano sabap ra kalo moorot no laai ru guang nano galama', ginio poyo moonsoi polosoon ilo ayuk maguot maya' ra kasagaan no. Pai' ru makatula ginio.

1 KORINTUS 7:38

Amon ru maguot kau, ginio moonsoi toojo, kaa' mulu' poyo bonsoi no amon ru kalo pana maguot.

2 KORINTUS 9:7

Pangani' kano sumugut ra ondo' inaru' mino. Pai' min paginduoon guang min mangani', kapoam koson ra jajalin kau, sabap ri Aki Kapuuno' motogom ra ulun ondo' mangani' intor ra guang maansayan.

1 PITRUS 5:2

Alungi' min toojo domba ondo' pinalansan noyo ramuyun ri Aki Kapuuno'. Pai' kano kaagat guang, kaa' alungi' ilo no mabaya' ra guang matasu', sabap ragitio noyo kasagaan ri Aki Kapuuno'. Pai' min noyo kondoyo' gitio koson maguyum ayuk ra gaji' galama', kaa' alungi' ilo no ra totopot ru guang min.