1 KORINTUS 7:31 - Tanou Moonsoi Timugon

³¹ Ulun ondo' mangingindapu' ra tana' ti, koson ayuk ra kalo guguangon nilo ginio. Sabap ra pupus no atan ondo' mokoondo' ra tana' ti, mapuso boo!

1 KORINTUS 7:31 ပူးပေါင်းရင်းမြစ်များ

MAZMUR 39:6

Mapara' piboo kinariwa' ru umur kuno inaru' Mu! Ra Okou, buoi ru bayag kuno kolondo' onong-onong. Sotopot no kaayagan ru moonong ulun koson ra kaabusan maminawo,

MAZMUR 73:20

Koson ayuk ra inupi lumiot bulintok tumawang, bulintok ra Okou sumukal, iou Tuhan, ilo pana lumiot.

MAMPATANOU 1:4

Rondo' papag matong am papag ra bokon poyo mugar, kaa' tana' ti lakat poyo nogondo'.

MAMPATANOU 11:2

Tonomo' noyo ruit muli ralalom nansalinut pinirot ru mantalan, am poyo ralalom ru masuang pinirot; ginio sabap ra ilalain ru ulun paat ra kalo poyo malumpa' ra karaat.

LUKAS 21:34

“Ilalai' min! Pai' kau bunsag am magiginum ayuk, kapoam magalabo ra kaayagan mino ayuk, saboi Orou ru Tuhan mamulali' matong am kalo makatampos kau.

1 KORINTUS 7:29

Pabukat kau ngaangai', gitio arati' ru kon kuli: kaluagan takau kalo boo mabuoi. Ginio ra tumalimpuun intor raino, moonong ungkuyon ra makaandu', moonsoi mampakaatang io ri Aki Kapuuno' ka mampakaatang ra andu' nano ayuk.

1 KORINTUS 7:30

Mogondo' ra ulun ondo' mantangi', koson ayuk ra ilo kalo mangiluk guang; mogondo' ayuk ra ulun ondo' makakurit, koson ayuk ra ilo kalo maansukan; am poyo koson ra ulun ondo' nakabali, koson ayuk ra kalo nokoowot ilo.

1 KORINTUS 9:18

Ginio poyo, atan kia ampos raki'? Gitio noyo ampos ti: makapampasaboi aku ra Tanou Moonsoi am kalo mantipagon ra ulun bokon mampaakan raki'. Sabap ra koson sangulun mampatanou ra Tanou Moonsoi no, kalo gogoton ku atan-atan poboloson.

IBRANI 12:27

Ragu ra “Igondo' poyo” ti mampaintutun ra ngaangai' ondo' sinauk Nano ra tana' ti, uyogon am kulawon, maa' raginio baal ru suruga' ondo' kalo mauyog ayuk boo tumilayun.

JAKUBUS 4:14

Inatang min ginio, kabalu' pana kalo mapandayan min atan ondo' masauk ralalom ru kaayagan min susuab pana! Koson kau ayuk ra lisun ondo' makito ayuk ra sangkinolor, am kalio boo.

1 PITRUS 1:24

Mokoondo' tinulisan ra Buuk Kitab; “Ngaangai' ulun koson ra sakot, kalo mabuoi maayag, am atan ayuk pana kinoonsoi nilo mogondo' niayuk ra busak. Sakot no lumonot, am busak no mapasa',

1 PITRUS 4:7

Pamupusan ru tana' ti mamaar noyo sumuku', pagilalai' am pantataan guang, maa' raginio makapakiasi' kau.

1 JUANIS 2:17

Tana' ti am ngaangai' suang nano ondo' gogoton ru ulun, tumalimpuun mapuso. Kaa' ulun ondo' gumagaya' ra susuban ri Aki Kapuuno', maayag io ra sabuoi-buoi no.