1 KORINTUS 7:29 - Tanou Moonsoi Timugon

²⁹ Pabukat kau ngaangai', gitio arati' ru kon kuli: kaluagan takau kalo boo mabuoi. Ginio ra tumalimpuun intor raino, moonong ungkuyon ra makaandu', moonsoi mampakaatang io ri Aki Kapuuno' ka mampakaatang ra andu' nano ayuk.

1 KORINTUS 7:29 ပူးပေါင်းရင်းမြစ်များ

2 SAMUIL 19:34

Kaa' taam i Barjilai, “Aku ti kalo boo mabuoi maayag. Atan kia onong no ra aku maya' rirun mongoi ra Jirusalim?

MAMPATANOU 6:12

Atan koson ulun makapandai ra atan ondo' moonsoi kaga' tayar ru kaayagan nilo ondo' mariwa' am kolondo' onong ti – kaayagan ondo' mataki' lumiot koson ra babara'? Atan koson ulun makapandai ra atan ondo' masauk ra tana' ti malupus ra ilo matoi?

MAMPATANOU 9:10

Tandaa' toojo kandoi min, sabap giu' ra tana' ru ulun minatoi kolondo' kandoi, pangkaraan, katutunan, kapoam kapintaran poyo; giu' noyo angayan min.

YEHEZKIEL 7:12

Paat nano mamaar noyo toojo, orou nano mamaar noyo, paat mambali mantalan kolondo' boo arati', sabap ra ukuman ri Aki Kapuuno' lumumpa' ra moonong ulun.

LUKAS 14:20

Bokon i mindagu, ‘Bagu aku ayuk naguot; ginio sabap ra aku kalo makaratong.’

1 KORINTUS 7:28

Kaa' amon ru maguot kou, kolondo' tula muno. Koson niayuk amon ru sangulun ralaa mangindalaki, kolondo' tula nano. Kaa' masaga' aku ayuk ra akau makainggalur ra kapaganan ondo' matuum ru ulun nakapaguot.

1 KORINTUS 7:30

Mogondo' ra ulun ondo' mantangi', koson ayuk ra ilo kalo mangiluk guang; mogondo' ayuk ra ulun ondo' makakurit, koson ayuk ra ilo kalo maansukan; am poyo koson ra ulun ondo' nakabali, koson ayuk ra kalo nokoowot ilo.

1 KORINTUS 7:31

Ulun ondo' mangingindapu' ra tana' ti, koson ayuk ra kalo guguangon nilo ginio. Sabap ra pupus no atan ondo' mokoondo' ra tana' ti, mapuso boo!

1 PITRUS 1:24

Mokoondo' tinulisan ra Buuk Kitab; “Ngaangai' ulun koson ra sakot, kalo mabuoi maayag, am atan ayuk pana kinoonsoi nilo mogondo' niayuk ra busak. Sakot no lumonot, am busak no mapasa',

1 PITRUS 4:7

Pamupusan ru tana' ti mamaar noyo sumuku', pagilalai' am pantataan guang, maa' raginio makapakiasi' kau.

1 JUANIS 2:17

Tana' ti am ngaangai' suang nano ondo' gogoton ru ulun, tumalimpuun mapuso. Kaa' ulun ondo' gumagaya' ra susuban ri Aki Kapuuno', maayag io ra sabuoi-buoi no.