1 KORINTUS 7:22 - Tanou Moonsoi Timugon

²² Sabap ra sangulun ulipon ondo' piniau ru Tuhan, sotopot no pinalabus io no ru Tuhan. Mogondo' niayuk ra sangulun sala' ka ulipon ondo' piniau ru Tuhan, uliponon io no ri Kristus.

1 KORINTUS 7:22 ပူးပေါင်းရင်းမြစ်များ

MAZMUR 116:16

Ulipon Muno aku, iou Tuhan; koson ri ina' kuli ragili, aku ti pana mangandoi ayuk Rirun. Binayag Mu aku intor ra kapatayan.

ROMA 1:1

Pabukat kau ngaangai', aku i Paulus, ulipon ri Jisus Kristus am rasul ondo' pinili' am piniau ri Aki Kapuuno' mampabala' ra Tanou Moonsoi Nano.

1 KORINTUS 7:21

Amon ru ulipon kou paat ri Aki Kapuuno' nampiau rirun, pai' kapagon mangkara' raginio. Kaa' amon ru makakaluagan kou koson lumabus intor ra pangulipanan, alapo' noyo kaluagan raginio.

1 KORINTUS 9:19

Aku ti sala' ka ulipon ru osoi ayuk pana. Kaa' aku galama' siminauk ra ulipon ru ngaangai' ulun, maa' raginio makapangkimait aku ra masuang ulun mangintopot ri Kristus.

1 KORINTUS 9:21

Mogondo' niayuk ra aku sumimpung ra ulun ondo' sala' ka Jaudi, paliso kuno koson ayuk ra ulun sala' ka Jaudi, maa' raginio makapangkimait aku risilo mangintopot ri Kristus. Arati' nati, sala' ka kalo gumagaya' aku ra susuban ri Aki Kapuuno'; sotopot no sumugut aku ra susuban ri Kristus.

GALATIA 1:10

Ati boo kulaan, maguyum aku kia ra pangiawan intor ra ulun? Kalo, pangiawan intor ri Aki Kapuuno' ayuk gogoton kuno. Makikiilong aku kia ra ulun? Kalo, amon ru koson raginio sala' ka ulipon aku ri Kristus.

GALATIA 5:1

Itakau raino mokoondo' noyo ra kaluagan sabap ra pinalabus takano ri Kristus! Intor raginio, porondon kau ra kaluagan no, am pai' kau kasaga' uliponon poyo saguli'.

GALATIA 5:13

Kaa' koson ramuyun, pabukat kau ngaangai', napiau kano masauk ra ulun nakalabus. Kaa' pai' min polosoo' kaluagan raginio mangkinibit ramuyun makatula, koson mampagagaya' kau ayuk ra kasagaan ru guang min. Ondo' ayuk am gitio; kotogom am koonsoi kano ra rondo' am bokon.

KOLOSI 4:12

Bilin kaansayan poyo intor ri Ipapras. Akau niayuk ra ulun. Io ti ulipon ri Jisus Kristus am masalok io mapirot mangkara' ramuyun ralalom pakiasian nano. Intor noyo ra pakiasian nano ri Aki Kapuuno' maikang kau am totopot makaintutun am poyo sumugut niayuk ra ngaangai' ru kasagaan ri Aki Kapuuno'.

PILIMON 1:16

Am raino sala' ka sangulun ulipon io ayuk, kaa' mulu' poyo intor raginio, io sangulun pabukat muno ra Kristian ondo' tagamin mu. Mokoonong io raki' am mulu' poyo rirun, koson ra sangulun ulipon am niayuk ra sangulun pabukat muno ondo' mangintopot ra Tuhan.

1 PITRUS 2:16

Kaayag kano koson ra ulun ondo' kalo boo uliponon ru tula, kaa' pai' polosoo' pampalabusan min ti mapasibuni ra tula min, kaa' pakapaliso kano koson ra ulipon ri Aki Kapuuno'.

2 PITRUS 1:1

Surat ti intor raki', i Simon Pitrus, sangulun ulipon am rasul ri Jisus Kristus. Gitio posoboyon ku ramuyun, pabukat kau sabap ra mansail ra katapatan ri Jisus Kristus io no i Aki Kapuuno', Mamamayag takau, mangintopot kau toojo mogondo' ramon.

JUDAS 1:1

Aku i Judas, sangulun ulipon ri Jisus Kristus am pabukat niayuk ri Jakubus. Pabukat kau ondo' piniau am ondo' tagamin ri Aki Kapuuno', Ama' takau, am ondo' alungin ri Jisus Kristus: