1 KORINTUS 7:21 - Tanou Moonsoi Timugon

²¹ Amon ru ulipon kou paat ri Aki Kapuuno' nampiau rirun, pai' kapagon mangkara' raginio. Kaa' amon ru makakaluagan kou koson lumabus intor ra pangulipanan, alapo' noyo kaluagan raginio.

1 KORINTUS 7:21 ပူးပေါင်းရင်းမြစ်များ

LUKAS 12:29

“Ginio ra sala' ka magalabo kau ayuk mangkara' ra atan akanon am inumon.

LUKAS 21:34

“Ilalai' min! Pai' kau bunsag am magiginum ayuk, kapoam magalabo ra kaayagan mino ayuk, saboi Orou ru Tuhan mamulali' matong am kalo makatampos kau.

1 KORINTUS 12:13

Koson niayuk ritakau ngaangai': ulun ru Jaudi kapoam sala' ka Jaudi, ulipon kapoam sala' ka ulipon; riniu' takau ngaangai' masauk ra rondo' inan ri Kristus ralalom ru Ambiluo ri Aki Kapuuno'. Itakau ngaangai' inanian ra Ambiluo raginio ondo' rondo' ayuk.

1 KORINTUS 7:20

Moonong ulun musiti' maayag sumugut ra tayar ru kaayagan ondo' soroi riso paat ri Aki Kapuuno' nampiau riso.

1 KORINTUS 7:22

Sabap ra sangulun ulipon ondo' piniau ru Tuhan, sotopot no pinalabus io no ru Tuhan. Mogondo' niayuk ra sangulun sala' ka ulipon ondo' piniau ru Tuhan, uliponon io no ri Kristus.

GALATIA 3:28

Raino kalo boo nansasala' ulun ru Jaudi am ulun sala' ka Jaudi, ulipon am sala' ka ulipon, kapoam ungkuyon am ruandu'. Sabap ra rondo' kau ayuk ngai' ralalom ri Kristus Jisus.

PILIPI 4:11

Pai' ru rinagu ku gitio sabap ra nailusan aku: sabap ra naubas aku no ra atan ayuk.

PILIPI 4:6

Pai' kano kaimamang ra atan ayuk pana, kaa' kasalok noyo pasalulaa' ayuk ri Aki Kapuuno' atan ondo' kitaakon mino. Am baalo' min gitio mabaya' ra pakiasian am paringkuanangan.

KOLOSI 3:11

Koson boo raginio, kalo boo maatang mangkara' osoi ulun ru Jaudi kapoam osoi sala' ka ulun ru Jaudi; osoi nasunatan kapoam kalo; osoi bansa' ra bokon kapoam osoi bansa' ra kolondo' guang; am poyo osoi ulipon kapoam kalo. Kaa' ondo' maatang am i Kristus, sabap ra Io puun ru ngaangai' no am sumimpung Io ra ngaangai'.

IBRANI 13:5

Pai' noyo pagingkaut ayuk ra ruit, kaa' karaan min ayuk ra sama' noyo atan ondo' soroi ramuyun no. Sabap ra minindagu noyo i Aki Kapuuno', “Kalo noyo toojo polosoon kapoam iruanin takamin.”

1 PITRUS 5:7

Pataaki' noyo ngaangai' pagalabaan mino ri Aki Kapuuno', Sabap ra maayo toojo guang Nano magalung ramuyun.