1 KORINTUS 7:2 - Tanou Moonsoi Timugon

² Kaa' koson kalo makinibitan kau ru paliso pansasawaan, moonsoi poyo ru moonong ungkuyon makaandu' sigagama' am niayuk moonong ruandu' makaralaki sigagama'.

1 KORINTUS 7:2 ပူးပေါင်းရင်းမြစ်များ

AMSAL 18:22

Ulun ondo' makaandu', makaalap ra ondo' moonsoi. Baal koson ragitio arati' no kasagain io ru Tuhan.

AMSAL 19:14

Baloi am rapu' matungkus intor ra matuo, kaa' andu' ondo' mapintar ioginio taak intor ra Tuhan.

MALIAKI 2:14

Mangkuot kou ra sasaban no ra Io kalo boo mangapu ra taak muno. Koson raginio baal no sabap ra Tuhan nakapandai ra okou kalo boo giminagaya' ra ruandu' inandu' muno paat ra akau mamulok. Ruandu' no rangan ru kaayagan am andu' min, kaa' liminungkang kou ra bantu' riso, kabalu' pana binantu' mu noyo ra saang ri Aki Kapuuno' koson magulayun gumagaya' riso.

MATIUS 5:32

Kaa' raino ti balain takamin: Osoi ayuk pana mangali ra andu' nano, kaa' ondo' ayuk ra io lumapau, io ti mangkinibit ra andu' nali lumapau amon ru mangindalaki io poyo. Ungkuyon ondo' manangandu' ra ruandu' i niayuk makaaya' ra baal lumapau.”

1 KORINTUS 6:18

Inggaluri' min noyo pansasawaan. Atan ayuk tula ra bokon ondo' baalon ru sasangulun, kalo mangkinibit ra inan nano. Kaa' ulun ondo' mansawa', io galama' mangkinibit ra inan nano makatula.

1 KORINTUS 7:1

Raino masaga' aku manaam ra pangkuatan ru surat min i raki'. Amon ru sangulun ungkuyon kalo manangandu', ginio moonsoi.

1 KORINTUS 7:3

Kalo moonsoi sangulun ralaki magimpong ra andu' nano. Am mogondo' niayuk kalo moonsoi sangulun andu' magimpong ra ralaki nano; musiti' ilo mapaansuk ra rondo' am bokon.

1 KORINTUS 7:9

Kaa' amon ru kalo moorot min laai ru guang mino, paguot kano. Sabap ra mulu' poyo bonsoi no ra akau maguot, intor ra gumaai poyo laai ru guang mino.

IPISUS 5:28

Mogondo' raginio, moonong ralaki musiti' motogom ra andu' nano koson io monogom ra inan nano galama'. Osoi ayuk motogom ra andu' nano, kaayagan nano galama' niayuk tagamin no. (

IPISUS 5:33

Ginio pana makakulawit niayuk ramuyun: moonong ralaki musiti' motogom ra andu' nano koson riso galama', am niayuk moonong andu' musiti' gumagaya' ra ralaki nano.

1 TISALONIKA 4:4

Moonong ungkuyon musiti' mapandai ati kulaan mangurumat ra andu' nano, bagu ginio mapabansuk ra guang ri Aki Kapuuno' am poyo ra ulun.

1 TIMOTIUS 4:3

Ilo ti mangila' ra kalo matagandu' am kalo makaakan ra kukula' akanon. Kaa' sotopot no, akanon raginio sinauk ri Aki Kapuuno' koson apuon mabaya' ra paringkuanangan ru ulun ondo' mangintopot am makatutun ra katapatan.

TINGGANAI RU BANSA' 21:22

Amon ama' kapoam pabukat ungkuyon nilo matong am mansang, paraguon min, ‘Iowo' akai no manangandu' ra ralaa mino, sabap kalo tinalingaau mai ilo ralalom ru pangayawan. Mulu' poyo ra kalo pinataak min ilo ramon. Ginio ra kolondo' sala min sabap kalo liminungkang kau ra ibot.’ ”