1 KORINTUS 7:17 - Tanou Moonsoi Timugon

¹⁷ Kaayag kano sigagama' sumugut ra tinaakan ru Tuhan ramuyun, ioginio tayar ru kaayagan min paat ri Aki Kapuuno' nampiau ramuyun. Ginio noyo pangilaan kuno ra moonong pasimpungan ulun Kristian.

1 KORINTUS 7:17 ပူးပေါင်းရင်းမြစ်များ

MATIUS 19:12

Mokoondo' niayuk ulun ra kalo makapaguot ra io inanak koson raginio. Mokoondo' ulun kalo makapaguot ra io ti naintalian, am mokoondo' niayuk kalo maguot sabap ra io ti mangandoi ayuk ri Aki Kapuuno'. Osoi makaapu ra pangilaan ragitio moonsoi sumugut io.”

1 KORINTUS 10:32

Kaayag kano koson raginio am pai' pangkinibit ra osoi ayuk pana makatula; koson ra ulun ru Jaudi, ulun sala' ka Jaudi kapoam ulun Kristian.

1 KORINTUS 11:16

Amon ru mokoondo' magagansang raginio, ginii ayuk susuban intor ramon am niayuk intor ra pasimpungan ulun Kristian ra bokon koson ra aturan ra sumambayang.

1 KORINTUS 11:34

Osoi maitilan, musiti' io mangakan galing giu' ra baloi, maa' raginio kalo ukumin kau ri Aki Kapuuno' sabap ra pasimpungan mino. Ondo' kapaganan ra bokon, balain takamin ayuk paat ra aku sumaguli' poyo ramuyun.

1 KORINTUS 14:33

Sabap ra i Aki Kapuuno' marara' ra jajajou, kaa' masaga' Io ritakau matanda' am makakaansayan. Koson ra kaindalaman ru ngaangai' pasimpungan ulun Kristian,

1 KORINTUS 16:1

Raino, intor ra ruit paindanganon min ra ulun ri Aki Kapuuno' giu' ra Judia. Bayaa' min ayuk atan ondo' nanusuban kuno ra pasimpungan ulun Kristian giu' ra pagun Galatia.

1 KORINTUS 4:17

Ginio kuayan ra mompoongoi aku ri Timotius ramuyun. Koson sangulun Kristian, io ti anak kuno ondo' tagamin kuno am malansanan. Io mampakara' ramuyun ra ati kulaan kaayagan kuno koson ra sangulun ondo' mangintopot ri Kristus. Ginio noyo pangilaan kuno ra ngaangai' pasimpungan ulun Kristian ra ati ayuk intok.

1 KORINTUS 7:18

Amon ru sangulun nasunatan noyo paat ri Aki Kapuuno' nampiau riso, ulun no kalo pana makiiru' ra sunat nano. Koson niayuk ra sangulun ondo' kalo poyo sinunatan paat ri Aki Kapuuno' nampiau riso, ulun no kalo pana makisunat.

1 KORINTUS 7:24

Pabukat kau ngaangai', simpung kano ri Aki Kapuuno' am kaayag kano sigagama' sumugut ra tayar ru kaayagan ondo' soroi ramuyun paat ra akau piniau ragili.

1 KORINTUS 7:7

Sotopot no, maansayan aku toojo amon ru ngaangai' ulun koson raki', ra kalo maguot; kaa' sigagama' mokoondo' ra taak nano intor ri Aki Kapuuno', sangulun mokoondo' ra taak koson ragitio, am kalo mogondo' taak ru bokon no.

2 KORINTUS 11:28

Am makakapaganan poyo bokon, koson ra moonong orou maimamang aku ra atan masauk ra ngaangai' pasimpungan ulun Kristian.

2 KORINTUS 8:18

Sangulun poyo ungkuyon pamarangan mai ri Titus. Io mauligan ru ngaangai' pasimpungan ulun Kristian ragiti sabap ra kinapandai no mampabala' ra Tanou Moonsoi.

GALATIA 1:22

Kaa' paat ragili kalo nauligan aku ru pasimpungan ulun Kristian giu' ra Judia.

1 TISALONIKA 2:14

Pabukat ku ngai', akau pana nakaliman ra atan ondo' nasauk ra pasimpungan ulun Kristian giu' ra Judia, ioginio ilo ondo' nangintopot ri Jisus Kristus. Kaimbalaan ondo' malimanan min ti intor ra bansa' min galama', mogondo' niayuk ra sauk ru ulun Kristian ru Judia ra ilo inimbolo' ru ulun ru Jaudi.

2 TISALONIKA 1:4

Ginio ra akai galama' maansukan mantunung ra pasimpungan ulun Kristian no ra ati kulaan kinaikang ru pangintapatan mino ri Kristus paat ra maimbolo' am mapagon ondo' malimanan min.