1 KORINTUS 7:14 - Tanou Moonsoi Timugon

¹⁴ Sangulun ralaki ondo' sala' ka Kristian iowon niayuk ri Aki Kapuuno' sabap ra nasimpung io ra andu' Kristian nano. Sangulun andu' ondo' sala' ka Kristian niayuk iowon ri Aki Kapuuno' sabap ra nasimpung io ra ralaki Kristian nano. Amon ru kalo, anak nilono mogondo' ra anak ru ulun ondo' kalo iowon ri Aki Kapuuno'; kaa' sotopot no anak-anak raginio iowon niayuk ri Aki Kapuuno'.

1 KORINTUS 7:14 ပူးပေါင်းရင်းမြစ်များ

TITUS 1:15

Ngaangai' niayuk karaan mapasau ru ulun ondo' mapasau guang, kaa' kolondo' rondo' pana karaan mapasau ru ulun ondo' malaat guang am kolondo' pangintapatan. Sabap ra pangkaraan am bolos ru guang nilo malaat ayuk.

1 TIMOTIUS 4:5

Sabap ra ngaangai' raginio kinapasau ralalom bala' ri Aki Kapuuno' am ra pakiasian ru paringkuanangan.

JISAYA 52:1

Luat noyo, okou Jirusalim, luat noyo! Ikango' guang muno! Sulungi' bayang moonsoi kaga' muno! Okou Jirusalim, bandar ondo' matulai, ulun majamol kalo boo sumubol ra kulobon garabang muno.

ROMA 11:16

Amon ru sampilang kasaa' intor ra rondo' ruti' pataakin ri Aki Kapuuno', arati' no ngaangai' ruti' binaal i Io tatangan. Amon ru bakat ru tataun pataakon ri Aki Kapuuno', arati' no raan no pana Io tatangan.

RINALATAN 10:23

Kimaiti' ilo boo ri Pitrus mombolong ra inayanan nano buoi sorondom. Io suabon, tampos i Pitrus am baya' risilo. Mokoondo' niayuk kukula' ngaulun nangintopot pana intor ra Jopi minaya' riso.

1 KORINTUS 7:13

Amon ru sangulun ruandu' Kristian makaralaki ra sala' ka ulun Kristian, am ralaki no masaga' masimpung riso, moonsoi kalo alion no ralaki nano.