1 KORINTUS 7:11 - Tanou Moonsoi Timugon

¹¹ Kaa' amon ru iniruanan no noyo, “Pai' pangindalaki ra bokon!” kapoam, “Saguli' poyo ra ralaki muno!” Sangulun ralaki pana, “Pai' alio' andu' muno!”

1 KORINTUS 7:11 ပူးပေါင်းရင်းမြစ်များ

JISAYA 50:1

Tuhan mindagu ri Israil, “Okou ulun Kuno, indos mu inggalarin Tokou koson ra sangulun ralaki mangali ra andu' nano? Koon poyo raginio, ati surat pangalian nano? Indoson muno tinalan Tokou, koson ra sangulun ama' nantalan ra anak nano ra mansisika' ra utang? Sala'! Okou rinakop am pinatiran, sabap ra tula am kalaatan muno galama'!

JIRIMIA 3:1

Indagu Tuhan, “Paat ra sangulun ralaki mangali ra andu' nano, am ruandu' no pana nasauk ra andu' ru ulun bokon, ralaki lair nano pana kalo makapamuli' saguli' riso koson ra andu', sabap ra baal raginio makajaka' ra titikop pagun ti. Okou Israil, mokoondo' noyo ra masuang kaga' ambai, am raino masaga' kou piboo sumaguli' Raki'!

MATIUS 5:32

Kaa' raino ti balain takamin: Osoi ayuk pana mangali ra andu' nano, kaa' ondo' ayuk ra io lumapau, io ti mangkinibit ra andu' nali lumapau amon ru mangindalaki io poyo. Ungkuyon ondo' manangandu' ra ruandu' i niayuk makaaya' ra baal lumapau.”

MARKUS 10:12

Koson niayuk ra ruandu' mangali ra ralaki nano am mangindalaki ra bokon, io pana lumapau niayuk.”

MARKUS 10:2

Kukula' ngaulun ru Parisi minatong koson mangkinam ri Jisus. Pangkuot ilo, “Sumugut ra Ukum ri Musa, ioginio ukum ru ugama takau, iowon kia sangulun mangali ra andu' nano?”

LUKAS 16:18

Osoi mangali ra andu' nano am maguot ra ruandu' bokon, lumapau io. Koson niayuk ra ungkuyon ondo' maguot ra ruandu' ondo' nangali ra ralaki, io ti pana lumapau.”

1 KORINTUS 7:10

Koson ra ilo ondo' nakapaguot noyo, gitio panusuban kutu. (Sotopot no sala' ka intor raki', kaa' Tuhan); koson ra sangulun ruandu', “Pai' iruani' ralaki muno!”

1 KORINTUS 7:12

Pabukat ra bokon, karaa' min ragu ragitio, (gitio intor raki' am sala' ka Tuhan); amon ru sangulun ungkuyon Kristian makaandu' ra sala' ka ulun Kristian, am masaga' andu' no masimpung riso, moonsoi kalo alion no andu' nano.

SAGULION 22:19

Musiti' ilo niayuk mantagi' ra ungkuyon no suang maatus ngampila' ruit pirok. Musiti' pataakon ruit no ra iwan ungkuyon nano, sabap ra napakauyu' ungkuyon no ra sangulun ruandu' ru Israil. Ra am poyo, magulayun ruandu' no masauk ra andu' ru ungkuyon no am kalo maali buoi ru bayag nano.