1 KORINTUS 6:9 - Tanou Moonsoi Timugon

⁹ Maaru' natutunan min ra ulun malaat kalo masauk ra ulun ri Aki Kapuuno'. Pai' kano iruung; ulun ondo' mansawa', sumamba ra sinungkalalaing, lumapau am ungkuyon homoseksual,

1 KORINTUS 6:9 ပူးပေါင်းရင်းမြစ်များ

KASAUKAN 19:5

Piawo' nilo i Lot am pangkuot, “Ati kia ulun ondo' minatong pombolong ra baloi muti? Pataako' ilo ramon maa' raginio makarulug akai risilo!”

KAINGKUALAN 23:1

“Pai' potonowo' tanou ra magabau, am pai' indangan ra ulun ondo' makasala am mangani' ra inono' kalo motopot.

AMSAL 11:1

Masisang Tuhan ra ulun ondo' pakuan no ra timbangan kalo motopot, kaa' maansukan Io ra ulun ondo' motopot pakuan no ra timbangan.

AMSAL 22:8

Ulun mapatias ra kalo matimpok mangkumos ra karaat, am kuasa' nano koson mangimbolo' ra ulun bokon pupusin.

AMSAL 7:27

Amon ru mongoi kau ra baloi nano, arati' no mongoi kau ra pagun ru ulun matoi. Ginio noyo ralan magantos sumuku' ra kapatayan.

JISAYA 55:7

Musiti' ulun malaat mapatanda' ra bayag nano, am mangulau ra ralan ru pangkaraan nano. Polosoon io sumaguli' ra Tuhan, maa' raginio makaalap io ra kaasian Nano. Musiti' io tumingkuang ri Aki Kapuuno' takau, sabap ra Tuhan mangampun am mataau.

YEHEZKIEL 18:11

ondo' kalo igondo' binaal ru ama' nano. Nangakan anak no ra taak simbalui ondo' pinataak giu' ra intok-intok sambayangan am suminto ra andu' ru ulun ra bokon.

IMAMAT 18:20

Pai' parulug ra andu' ru ulun bokon, baal raginio mampajamol rirun.

IMAMAT 18:22

Ungkuyon kalo parulugon ra ungkuyon ra bokon. Masisang i Aki Kapuuno' ra baal raginio.

IMAMAT 19:15

“Pai' jajajou paat ra akau mambisara' ra baalon ru ulun. Pai' pansalaa', ondo' kia ra ulun musikin kapoam langkaya'.

IMAMAT 20:13

Amon ru sangulun ungkuyon marulug ra ungkuyon ra bokon, nambaal ilo ra baal makauyuyu'. Musiti' ilo ruo no ukumin ra matoi; matoi ilo sabap ra kasalaan nilo galama'.

JAKARIA 5:3

Kopongo raginio indagu io raki', “Giu' ra naskhah rinulun no mokoondo' tinulisan pagulasan ra titikop ru pagun ti. Giu' ra rondo' tayar ru naskhah rinulun no mokoondo' tinulisan ra moonong mantatakou patirin intor ra pagun ti, am giu' ra tayar ru sapapa' ru naskhah rinulun no mokoondo' tinulisan ra moonong ulun ondo' nagibot ra kalo motopot patirin niayuk.

MATIUS 19:29

Osoi ayuk mangiruan ra baloi, kapoam pabukat no ra ungkuyon, kapoam pabukat no ra ruandu', kapoam ina' am ama', kapoam anak nano, kapoam lanau am umo nano; ulun ragitio makaalap maatus ruli' ra raino ti am niayuk aniin io ra kaayagan mantilayun.

MATIUS 25:34

Raja' ti boo mindagu ra ulun ra pamiris Nano: ‘Akau ondo' binarakat ru Ama' Kuno, ayan kano ra pamarintaan ondo' inaru' ramuyun intor ra tana' ti biningkal.

LUKAS 21:8

Indagu i Jisus, “Ilalain koson kalo ruungon kau! Sabap ra masuang ulun matong am manabit ra inggalan Kutu, konilo, ‘Aku no Io!’ am, ‘Maar noyo masuku' paat nano!’ Kaa' pai' kau baya' risilo.

RINALATAN 20:32

Raino, pataakin takamin ri Aki Kapuuno' am ra pambalaan ru asi' Nano ondo' makapagalung ramuyun. Io ti mokoondo' ra kuasa' mampaikang ramuyun am niayuk mangani' poyo ra barakat ondo' pinongo Nano ra ngaangai' ulun ondo' mangintopot Riso.

RINALATAN 24:25

Kaa' paat ri Paulus nanunggul ra ragu nali intor ra kataawan, kaaratan am niayuk intor ra ukum ra Orou Pupus, nalaa' i Piliks am indagu, “Moonsoi sumaguli' kou raino am amon ru makakaluagan aku poyo, piawon tokou saguli'.”

ROMA 1:18

Intor ra suruga' nampaintalang noyo i Aki Kapuuno' ra sangit am ukum Nano ra ngaangai' tula am kalaatan ru ulun, sabap raginio mongompong ra ulun mintutun ra pangilaan motopot intor ri Aki Kapuuno'.

1 KORINTUS 15:33

Pai' kau karuung ru ulun. Pangkubayawan ra malaat mampakalaat ra paliso moonsoi.

1 KORINTUS 15:50

Pabukat kau ngaangai', ondo' kon kuli ra inan takau, iono kual am raraa', kalo makasubol ra Tana' Bagu ri Aki Kapuuno'; sabap ra inan ondo' mapandai mapuso no kalo noyo mantilayun.

1 KORINTUS 3:16

Kalo kia nakapandai kau ra akau koson ra baloi ri Aki Kapuuno' am Ambiluo Nano sumimpung ramuyun.

1 KORINTUS 5:1

Sotopot no binalaan aku ra mokoondo' intor ramuyun mansawa', mokoondo' sangulun liminapau ra ina' nanukapu riso. Ginio malaat toojo intor ra kaindalaman ru ulun ondo' kalo makaulig ra Tuhan.

1 KORINTUS 5:10

Kon kuli am sala' ka ulun kalo nakaulig ra Tuhan ondo' mansawa', makalit, mamparuung kapoam ondo' sumamba ra sinungkalalaing. Sala' ka ilo kon kuli; sabap ra amon ru minggalur kau intor risilo, moonsoi marayus iruanin min tana' ti.

1 KORINTUS 5:11

Kaa' ondo' kon kuli, pai' kano latok ra ulun ondo' migiangku ra io Kristian, kaa' mansawa', makalit, sumamba ra sinungkalalaing, manimbaal ra ragu ra ulun bokon, gagaukon, kapoam mantatakou. Gumulung riso mangakan pana am pai'!

1 KORINTUS 6:10

ondo' mantakou, makalit, gagaukon, manimbaal ra ragu ra ulun bokon, am poyo ulun mampagaau – ngaangai' ulun raginio kalo masauk ra ulun ri Aki Kapuuno'.

1 KORINTUS 6:18

Inggaluri' min noyo pansasawaan. Atan ayuk tula ra bokon ondo' baalon ru sasangulun, kalo mangkinibit ra inan nano. Kaa' ulun ondo' mansawa', io galama' mangkinibit ra inan nano makatula.

1 KORINTUS 6:19

Musiti' makapandai kau ra inan mino noyo ayanan ru Ambiluo ri Aki Kapuuno', ondo' tinaakan Nano koson paayanon ra guang min. Ginio ra inan mino sala' ka akau galama' tatangan, kaa' i Aki Kapuuno'.

1 KORINTUS 9:24

Pabukat kau, maaru' nakapandai kano ra ralalom pagugulaan masimbul, moonong ulun ondo' maya' raginio masimbul, kaa' sangulun ayuk mokoowot ra taak kamanangan. Pasimbul kano koson riso, saboi mokoowot kau ra taak raginio.

2 KORINTUS 12:21

Malaa' aku ra paat ra aku matong ra maagu no, tauyuon aku ri Aki Kapuuno' ra saang min, am tangiin ku ulun makatula no ondo' kalo poyo timinalikur intor ra pansasawaan am baal nilo ra majamol am makauyuyu' no.

GALATIA 6:7

Pai' kano miruruung. Kolondo' sangulun pana makapamparuung ri Aki Kapuuno'. Ondo' tonomon ru sasangulun, ginio niayuk kumoson nano.

SAGULION 22:22

“Amon ru sangulun ungkuyon narampatan paat narulug ra andu' ru ulun bokon, ilo karuruo musiti' ukumin ra matoi. Koson raginio noyo akau namuso ra kalaatan no.

SAGULION 22:5

“Ruandu' kalo iowon mambayang ra bayang ru ungkuyon, am ungkuyon kalo iowon mambayang ra bayang ru ruandu'; masisang Tuhan i Aki Kapuuno' min ra ulun ondo' mambaal koson raginio.

SAGULION 23:17

“Ulun ru Israil, iou pana ungkuyon kabalu' pana ruandu', kalo iowon masauk ra mantatalan ra inan giu' ra kuil-kuil ru sinungkalalaing.

KOLOSI 3:5

Ginio ra patiri' noyo kasagaan ra pansasawaan, mansalinut baal ra makauyuyu', kasagaan ru guang malaat am maringkumaa' (sabap ra paliso raginio mogondo' ayuk koson sumamba ra sinungkalalaing).

IBRANI 12:14

Gogot kano pobonsoi ra ngaangai' ulun am poyo kaayag kano ra mapasau, sabap ra kolondo' sangulun pana makakito ra Tuhan, amon ru kalo maya' io raginio.

IBRANI 12:16

Ilalai' noyo ra kolondo' sangulun mansawa' kapoam tumilu ri Isau ondo' kalo nangurumat ri Aki Kapuuno' ragili. Tayar tungkuson nali koson ra anak katuaan inaligan no ra samangkuk akanon ayuk.

IBRANI 13:4

Kaulayan ru paguatan musiti' no urumaton ru ngaangai' ulun, ra moonong ralaki kapoam andu' kalo iowon sumimpung ra bokon. Sabap ra ulun ondo' lumapau kapoam mansawa' pana, ukumin ri Aki Kapuuno'.

JAKUBUS 1:16

Pabukat kau ngai' ondo' tagamin ku, pai' kano karuung!

1 JUANIS 3:7

Pabukat kau ngaangai', pai' min polosoo' osoi ayuk pana mamparuung ramuyun. Ulun ondo' mambaal ra kasagaan ri Aki Kapuuno', io ti ulun motopot koson ri Jisus Kristus niayuk motopot.

PINAINTALANG 21:8

Kaa' ulun matalou, ulun kalo boo mangintopot, ulun homoseks am lesbian ra makauyuyu' am majamol, mamamatoi, mansasawa', ulun makakapandayan malaat, sumamba ra sinungkalalaing am ngaangai' magagabau – ampos nilono giu' ra tasik ru apui ondo' naratok ra balirang mapaang, ioginio kapatayan ra kainduo.”

PINAINTALANG 22:15

Kaa' ulun mambaal ra makauyuyu' am majamol, ulun makakapandayan malaat, mansasawa', mamamatoi, ondo' sumamba ra sinungkalalaing, am ulun magagabau – iou pana maya' ra ragu kapoam binaal nano; ngaangai' ulun ragitio intok nilo ra liwar ru bandar no.

TINGGANAI RU BANSA' 19:22

Tatanga' ilo maansukan, pulusat ru kukula' ngaulun ondo' jajajou paliso intor ra bandar no nagawang ra baloi no, am tumalimpuun maningkag ra kulobon. Indagu ilo ra ulun matutuo no, “Pataako' ungkuyon ondo' giu' ra baloi muno. Masaga' akai rumulug riso!”