1 KORINTUS 6:8 - Tanou Moonsoi Timugon

⁸ Kaa' akau boo galama' mangkalaat ra rondo' am bokon am migagaau ra rondo' am bokon, ioginio pabukat min ra Kristian.

1 KORINTUS 6:8 ပူးပေါင်းရင်းမြစ်များ

IMAMAT 19:13

“Pai' pamparuung ra ulun, am pai' takawi' osoi pana. Pai' ingai' pambayar muno ra ulun ondo' nangandoi noyo rirun, pai' ingai' gaji' nano kabalu' ra sorondom pana.

MIKA 2:2

Paat ilo mompogogot ra umo, gumaau ilo ra umo ru ulun bokon. Paat ra ilo mompogogot ra baloi, gumaau ilo ra baloi ru ulun bokon. Kolondo' sambaloi ru osoi pana, kapoam rapu' ru osoi pana ondo' mabayag.

MALIAKI 3:5

Mindagu Tuhan Ondo' Maayo Kaga' Kuasa', “Matong Aku koson mangakim ramuyun. Mataki' Aku masauk ra sasi' koson manggal ra ulun mapandai kaga' ra sihir, ulun mansawa', ulun mangani' ra inono' kalo motopot, ulun nambaal ra malaat ralalom ru baal mampagaji' ra ulun mangandoi, ulun ondo' mangimbolo' ra ruandu' napuor, nailusan ra matuo, am ulun bansa' ra bokon, am niayuk ra ngaangai' ulun ondo' kalo mangurumat Raki'.”

MATIUS 20:13

Tatangan ra umo ru anggur ti timinaam ra sangulun intor ra nangkuot no: ‘Rangan, pai' ru namparuung aku ramuyun. Sala' ka kia nangiou kou ra gaji' rondo' ruit pirok songorou?

MARKUS 10:19

Okou maaru' makapandai ra susuban ri Aki Kapuuno': ‘Pai' pampatoi, pai' lapau, pai' pantakou, pai' panguu' ra ulun bokon amon ru kalo motopot, pai' pamparuung, urumato' noyo ina' am ama' muno.’ ”

KOLOSI 3:25

Am osoi ayuk ondo' mambaal ra tula, io galama' magiba' ra balos ru tula nano sabap ra ukum ri Aki Kapuuno' pogondoon ra ngaangai' ulun.

1 TISALONIKA 4:6

Intor ra baal ragitio, pai' kano pambaal ra kasalaan kapoam mamparuung ra pabukat min ra Kristian. Sabap ra nakapansawai akai noyo toojo ramuyun ragili ra Tuhan noyo ondo' mangukum ra ngaangai' baal koson raginio.

JAKUBUS 5:4

Kalo nampagaji' kau ra ulun ondo' nanantab ra bilor mino. Rongogo' noyo tangi' ru nangkausan nilai ti! Bobolos ru nanantab no naining noyo ri Aki Kapuuno' Ondo' Maayo Kaga' Kuasa'.