1 KORINTUS 6:19 - Tanou Moonsoi Timugon

¹⁹ Musiti' makapandai kau ra inan mino noyo ayanan ru Ambiluo ri Aki Kapuuno', ondo' tinaakan Nano koson paayanon ra guang min. Ginio ra inan mino sala' ka akau galama' tatangan, kaa' i Aki Kapuuno'.

1 KORINTUS 6:19 ပူးပေါင်းရင်းမြစ်များ

1 RAJA'-RAJA' 20:4

Taam Raja' Agab, “Balai' Raja' Bingadad no ra mangiou aku. Iowon io mangalap raki' am ngaangai' rapu' kuno.”

1 TUNUNG RU BANSA' ISRAIL 29:14

Aku am mamagun kuno sotopot no kalo makapangani' ra atan pana Rirun, sabap ra ngaangai' tinaakan Muno am atan ondo' taakin maiti longgom Muno niayuk.

MAZMUR 100:3

Iowo' noyo ra Tuhan no i Aki Kapuuno'. Io namangun ritakau, am itakau longgom Nano; itakau ulun Nano, bansa' ra inalungan Nano.

MAZMUR 12:4

Langgai' noyo taligamis raginio, iou Tuhan, am pororoo' noyo kabang ra maayo ragu,

JUANIS 2:21

Kaa' Baloi Tuhan kon ri Jisus ni, sotopot no inan Nano galama'.

ROMA 8:9

Kaa' akau no kalo maayag maya' ra paliso ru ulun, kaa' maya' ra Ambiluo ri Aki Kapuuno' – amon ru totopot Ambiluo ri Aki Kapuuno' no maningganai ramuyun. Osoi ayuk kolondo' ra Ambiluo ri Kristus, io no sala' ka i Kristus tatangan.

1 KORINTUS 3:16

Kalo kia nakapandai kau ra akau koson ra baloi ri Aki Kapuuno' am Ambiluo Nano sumimpung ramuyun.

1 KORINTUS 6:13

Mokoondo' niayuk ulun mindagu ra, “Akanon pasuangon ra tinai', am tinai' papasuangan ra akanon.” Ginio motopot: Kaa' karuruo no pusoon ri Aki Kapuuno'. Kaa' kalo moonsoi amon ru ulun mansasawa' ayuk, kaa' musiti' takau mangurumat ra Tuhan ra inan takano pana. Bagu alungin ru Tuhan inan takati.

1 KORINTUS 6:3

Kalo kia nakapandai kau ra itakau niayuk mangakim ra malaikat-malaikat? Intor raginio, mulu' poyo masalasai min niayuk kapaganan ru kaayagan min ra moonong orou ti.

2 KORINTUS 5:15

I Kristus minatoi noyo koson ra alig ru ngaangai' ulun, maa' raginio ngaangai' ulun ondo' maayag kalo boo mampakaatang ra kaayagan nilo galama' ayuk, kaa' mangkara' ayuk boo Riso, ondo' minatoi am binayag saguli' koson kaatangan ilo.

2 KORINTUS 6:16

Mokoondo' kia sinungkalalaing sambaan ra Baloi Tuhan? Maaru' kolondo'! Itakau ti noyo Baloi Tuhan, ioginio i Aki Kapuuno' ondo' maayag. Sabap ra i Aki Kapuuno' galama' minindagu, “Rumondon Aku risilo am luminjau Aku ra tatanga' nilo. Masauk Aku ra Tuhan nilo, am masauk ilo noyo ra ulun Kuno.

TITUS 2:14

Pinataak No painawo Nano, maa' raginio makapamayag Io ritakau am mampainggalur ritakau intor ra nansalinut kalaatan am makapagibit ritakau masauk ra ulun Nano ondo' mirot poyo mambaal ra kandoi moonsoi.

JAKUBUS 4:5

Kaa' indos min kia ra raragu ayuk ondo' tinulisan ra Buuk Kitab ra, “Pinorondon noyo ri Aki Kapuuno' Ambiluo Nano ra guang takau sigagama', am maayo toojo kasagaan Nati ra Io ayuk tagamin takau.”

1 PITRUS 2:5

Akau pana mogondo' ra batu naayag. Ginio ra polosoo' noyo kaayagan min alapon ru Ambiluo ri Aki Kapuuno' mambaal ra Baloi Tuhan. Bagu masauk kau koson ra imam Nano ondo' mapasau, am sabap ri Jisus Kristus makapangani' kau ri Aki Kapuuno' ra taak ondo' iowon Nano, maya' ra indangan ru Ambiluo Nano.