1 KORINTUS 6:13 - Tanou Moonsoi Timugon

¹³ Mokoondo' niayuk ulun mindagu ra, “Akanon pasuangon ra tinai', am tinai' papasuangan ra akanon.” Ginio motopot: Kaa' karuruo no pusoon ri Aki Kapuuno'. Kaa' kalo moonsoi amon ru ulun mansasawa' ayuk, kaa' musiti' takau mangurumat ra Tuhan ra inan takano pana. Bagu alungin ru Tuhan inan takati.

1 KORINTUS 6:13 ပူးပေါင်းရင်းမြစ်များ

1 KORINTUS 6:19

Musiti' makapandai kau ra inan mino noyo ayanan ru Ambiluo ri Aki Kapuuno', ondo' tinaakan Nano koson paayanon ra guang min. Ginio ra inan mino sala' ka akau galama' tatangan, kaa' i Aki Kapuuno'.

1 KORINTUS 3:16

Kalo kia nakapandai kau ra akau koson ra baloi ri Aki Kapuuno' am Ambiluo Nano sumimpung ramuyun.

ROMA 6:12

Intor raginio, pai' noyo polosoo' tula manguasa' ra kaayagan mino ondo' mapuso, maa' raginio kalo boo mampagagaya' kau ra kinibit ru guang malaat.

1 KORINTUS 6:15

Nakapandai kano ra inan mino koson ra santayaran ru inan ri Kristus. Ginio poyo, moonsoi kia ru alapon santayaran ra inan ri Kristus no am pasimpungo' ra ruandu' mantalan ra inan? Kalo, kalo noyo toojo.

IPISUS 5:23

Sabap ra ralaki noyo ondo' maningganai ra andu' nano, mogondo' ri Kristus maningganai ra pasimpungan ulun Kristian, ioginio inan Nano.

MATIUS 15:17

Kalo kia nakarati' kau? Atan ondo' sumubol ra kabang ru sasangulun, sumuang ra tinai' am mingkual poyo saguli' intor ra inan nano.

ROMA 14:17

Sabap ra amon ru mamarinta i Aki Kapuuno' ra kaayagan ru sasangulun, akanon am inumon sala' ka boo maatang. Kaa' gitio noyo ondo' maatang; gumagaya' ra kasagaan Nano, katasuan ru guang am kaansukan, ondo' ringai' no pataakin ru Ambiluo ri Aki Kapuuno'.

ROMA 12:1

Pabukat kau ngaangai', sabap ra i Aki Kapuuno' makaasi' ritakau kitaakon takamin tojojo: Patimpoko' noyo kaayagan mino ri Aki Kapuuno' ayuk koson ra rondo' taak ondo' maayag, am ginio noyo mapabansuk Riso. Ginio noyo bayaan ra matanda' sumamba ri Aki Kapuuno'.

2 KORINTUS 11:2

Maayo guang kuno ramuyun am i Aki Kapuuno' pana koson raginio. Akau ti karaan koson ra ralaa mapasau toojo ondo' pawatin ku ra rondo' ayuk toojo ungkuyon, ioginio i Kristus.

2 KORINTUS 5:15

I Kristus minatoi noyo koson ra alig ru ngaangai' ulun, maa' raginio ngaangai' ulun ondo' maayag kalo boo mampakaatang ra kaayagan nilo galama' ayuk, kaa' mangkara' ayuk boo Riso, ondo' minatoi am binayag saguli' koson kaatangan ilo.

ROMA 7:4

Pabukat kau ngaangai', koson niayuk raginio ramuyun. Maya' ra pagilangan Ukum ri Musa koson ra minatoi kau noyo, sabap ra siminimpung kau ra inan ri Kristus. Akau raino i Kristus noyo tatangan, Io ondo' binayag saguli' intor ra kapatayan, maa' raginio kaayagan takau mokoonong ri Aki Kapuuno'.

JUANIS 6:49

Kinamatuaan mini minatoi niayuk, kabalu' pana nangakan ilo ra manna giu' ra tana' kaagisan.

JUANIS 6:27

Pai' kano paguyum ra akanon ondo' mataki' malaat. Kaa' paguyum kano ra akanon ondo' tumaan, ioginio mangani' ra kaayagan motopot am mantilayun. Anak ru Ulun noyo mangani' ramuyun ra akanon ragitio, sabap ra i Aki Kapuuno' noyo galama' nangiou Riso.”

MARKUS 7:19

Sabap ra ondo' sumubol kalo maya' ra guang nano, kaa' sumubol ra tinai' nano am tauli mingkual poyo intor ra inan nano.” (Ragu-ragu ondo' rinagu ri Jisus ni, nambala' Io ra ngaangai' akanon maakan.)

MATIUS 15:20

Baal raginio noyo mampajamol ra ulun. Mangakan ra kalo mabaguan kalindu' maya' ra aturan ru ugama, kalo mangkinibit ra sasangulun no majamol!”

GALATIA 5:24

Am ondo' maamaya' ri Kristus Jisus, koson nasalip nilo noyo guang malaat nilai mabaya' ra ngaangai' ru kasagaan am ondo' gogoton ru guang.