1 KORINTUS 5:8 - Tanou Moonsoi Timugon

⁸ Ginio poyo, ibok iantako' takau bunsag ra Ruti' Kalo Linatakan ra Ragi no, ioginio kapasawan ru guang am ondo' kasagain ri Aki Kapuuno'. Pai' takau iantako' bunsag no ra ruti' ondo' linatakan ra ragi nakalair, ioginio makatula am kalaatan.

1 KORINTUS 5:8 ပူးပေါင်းရင်းမြစ်များ

MAZMUR 32:2

Pakaansuk noyo ulun ondo' kalo inuwan ru Tuhan sabap ra kalaatan nilono, am ondo' kalo masaga' mamparuung.

MAZMUR 42:4

Orou rondom aku mantangi', lomou ayuk akanon kuno; magail ayuk pantula' kuno mangkuot raki', “Ati kia i Aki Kapuuno' muli?”

KAINGKUALAN 12:15

Indagu Tuhan, “Buoi katuluan kalo makaakan kau ra ruti' linatakan ra ragi. Mangakan ayuk ra ruti' kalo linatakan ra ragi. Paat ra orou kasaa' musiti' kau mamatir ra ngaangai' ragi ondo' soroi ralalom baloi min. Amon ru mokoondo' sasangulun mangakan ra ruti' linatakan ra ragi buoi katuluan no, kalo boo karaan ulun no ra ulun Kuno.

KAINGKUALAN 12:19

Buoi katuluan, kalo paulion ragi ra baloi min, sabap ra osoi ayuk mangakan ra ruti' linatakan ra ragi, io no ulun bansa' ru bokon kapoam ulun ru Israil, kalo boo karaan io ra ulun Kuno.”

KAINGKUALAN 12:8

Tampilon ra rondom no, kual ru bibiag no musiti' patunuon am akanon ra sayur mapait am niayuk ruti' kalo latakin ra ragi.

KAINGKUALAN 13:6

Musiti' kau mangakan ra ruti' kalo linatakan ra ragi buoi katuluan, am paat ra orou ra katulu' no baalon min pangiantakan koson mangurumat ra Tuhan.

KAINGKUALAN 13:7

Buoi tulu' ngoorou no, musiti' kau mangakan ra ruti' ondo' kalo linatakan ra ragi. Giu' ra titikop ru pagun min, kalo mataak makaragi kapoam atan ayuk pana makaragi.

JISAYA 25:6

Giti ra Bulur Sion, Tuhan Ondo' Maayo' Kaga' Kuasa' mangatang ra pagakanan maayo koson mampaakan ra ngaangai' bansa' ra tana' ti. Pasulungon No akanon ra mangaamis am wain ra pinili'.

JISAYA 30:29

Kaa' akau ngai' ulun ri Aki Kapuuno', makaansuk am marimbai koson ra rondom pangiantakan ru ugama! Maansukan kau koson risilo ondo' mugar ondo' sinumbaya' ru tulali sumuku' ra Baloi ru Tuhan, manungka' ru Israil.

IMAMAT 23:6

Paat ra orou koopor am limo, tumalimpuun Pangiantakan ra Ruti' Kalo Linatakan ra Ragi. Buoi katuluan akau kalo makaakan ra ruti' latakin ra ragi.

MATIUS 16:12

Bagu no maamaya'-maamaya' ri Jisus nakarati' ra kon ri Jisus ni sala' ka mangkara' ra ragi ondo' porotokon mambaal ra ruti', kaa' koson ra pangilaan ru ulun ru Parisi am ulun ru Saduki.

MATIUS 16:6

Indagu i Jisus risilo, “Tataani' am ilalai' min ragi ru ulun ru Parisi am ulun ru Saduki.”

MARKUS 8:15

Nampakara' i Jisus risilo, ragu Nano, “Ilalai' min ragi ru ulun-ulun ru Parisi am ragi ru Irodis.”

LUKAS 12:1

Liliwa' ra kukula' ngaribu ngaulun nagigisok, saboi mangakinjangan nilo kalayam ru rondo' am bokon, indagu galing i Jisus ra maamaya' Nano, “Ilalai' min pangilaan ru ulun-ulun ru Parisi, ioginio pagabawan nilai.

JUANIS 1:47

Kakito ri Jisus i Natanil matong Riso, indagu Io, “Gitio noyo sangulun bansa' ru Israil ra motopot; ulun ti mabanis guang.”

1 KORINTUS 3:3

Sabap ra paliso mino lakat ayuk poyo koson ra ulun ru tana' ti. Mangusolon am mansasangor kau ra rondo' am bokon. Sala' kia ka gitio mampakito ra kaayagan min lakat ayuk poyo sumugut ra paliso ru ulun ondo' kalo makaulig ri Aki Kapuuno'?

1 KORINTUS 5:1

Sotopot no binalaan aku ra mokoondo' intor ramuyun mansawa', mokoondo' sangulun liminapau ra ina' nanukapu riso. Ginio malaat toojo intor ra kaindalaman ru ulun ondo' kalo makaulig ra Tuhan.

1 KORINTUS 5:6

Kalo moonsoi kau masumbung koson raginio. Nakapandai kano lair ragu ragitio, “Ragi ra sanganu ayuk mampagayo ra ngaangai' ru ruti', ioginio tapung linatakan ra timug am umau.”

2 KORINTUS 1:12

Maringkuanang akai toojo sabap ra bolos ru guang mai maminson ramon ra kiralan ru kaayagan mai ra tana' ti, mulu' poyo pabukatan mai ti ramuyun, masalok mabanis am matanda'. Ginio mabaal mai ralalom ru kuasa' ri Aki Kapuuno' am asi' Nano galama', am sala' ka mansail ra kapintaran ru ulun.

2 KORINTUS 2:17

Sabap ra akai ti pai' ru koson ra ulun bokon ondo' mampasaboi ra bala' ri Aki Kapuuno' sabap ra masaga' lumangkaya'. Sala', kaa' intor ra guang mapasau am sabap ra sinusub akai ri Aki Kapuuno', mampasaboi akai ra tanou ti koson ra ulipon ri Kristus.

2 KORINTUS 8:8

Bilin kutu am sala' ka karaan min ra rondo' panusuban. Kaa' mambala' aku ayuk ra kapiratan ru ulun-ulun bokon no mangani' ra pangindanganan no, masaga' aku makapandai ra motogom kau kia toojo ra ulun bokon.

IPISUS 6:24

Gama' ru i Aki Kapuuno' mambarakat ra ngaangai' ulun ondo' mantilayun monogom ri Jisus Kristus, Tuhan takau.

SAGULION 16:16

“Ngaangai' ungkuyon ru bansa' min musiti' matong koson sumambayang ra Tuhan i Aki Kapuuno' min intalu sambilor, giu' ra rondo' intok sambayangan: paat ra pangiantakan Paska, Pangiantakan ra mangkumos am Pangiantakan Mangkalukub ra Raun. Moonong ungkuyon musiti' magibit ra taak

SAGULION 16:3

Paat ra akau magakan ra bunsag raginio, pai' pangakan ra ruti' ondo' linatakan ra ragi. Buoi tulu' ngoorou musiti' mangakan ra ruti' ondo' kalo linatakan ra ragi, koson ondo' binaal min ragili paat ra akau nagiru' ra naagou-agou intor ra Misir. Akano' noyo ruti' ondo' kalo linatakan ra ragi – ruti' ondo' sabiton ra ruti' kaimbalaan – maa' raginio buoi ru bayag mino, makara' min orou ra akau nangiruan ra Misir, intok pangimbalaan no.

JOSUA 24:14

“Ginio nai ra,” kon ri Josua, “urumato' noyo Tuhan am mangandoi ayuk Riso ra totopot am gumagaya'. Patiri' noyo tuhan-tuhan ra bokon ondo' sinamba ru kinamatuaan min giu' ra Misopotamia am giu' ra Misir ra galing i. Mangandoi ayuk ra Tuhan.

1 PITRUS 4:2

Gagaya' kano ra kasagaan ri Aki Kapuuno' buoi ru kaayagan min am pai' noyo bayaa' kinibit ru guang min.