1 KORINTUS 5:7 - Tanou Moonsoi Timugon

⁷ Patiri' galing ragi ra nakalair, ioginio tula, maa' raginio masauk kau ra ruti' ondo' nakabagu, mapasau intor ra ragi nakalair. Makapandai aku ra gagayaan min ginio. Sabap ra Pangiantakan ra Paska nasuku' noyo, am i Kristus ondo' nasauk ra anak domba ru Paska takau, sinimbalui noyo.

1 KORINTUS 5:7 ပူးပေါင်းရင်းမြစ်များ

KAINGKUALAN 12:15

Indagu Tuhan, “Buoi katuluan kalo makaakan kau ra ruti' linatakan ra ragi. Mangakan ayuk ra ruti' kalo linatakan ra ragi. Paat ra orou kasaa' musiti' kau mamatir ra ngaangai' ragi ondo' soroi ralalom baloi min. Amon ru mokoondo' sasangulun mangakan ra ruti' linatakan ra ragi buoi katuluan no, kalo boo karaan ulun no ra ulun Kuno.

MATIUS 13:33

Nantunung poyo i Jisus risilo ra rondo' abig. “Paat ri Aki Kapuuno' mamarinta, baal no koson ra ragi ondo' inalap ru sangulun ruandu'. Porotoko' no ra apat ngoopor ngakilo ra tapung, am samput boo tapung i.”

MARKUS 14:12

Paat ra orou kasaa' ra Pangiantakan ra Ruti' Kalo Linatakan ra Ragi, paat ra ulun manimbalui ra anak domba ru Pangiantakan Paska, maamaya' ri Jisus no mindagu Riso, “Ati intok kasagaan Muno ra pagakanan ru Paska?”

JUANIS 1:29

Io suabon ragili, nakito ri Juanis i Jisus minatong riso, am indagu io, “Ilai' min, gitio noyo Anak Domba ri Aki Kapuuno' ondo' mamuso ra tula ru ulun ru tana' ti!

JUANIS 1:36

Kakito no ra i Jisus nansail, indagu io, “Ilai', ginio noyo Anak Domba ri Aki Kapuuno'!”

JUANIS 19:14

Paat ragili maar noyo tanga' ru orou ra orou Tampasan ra Pangiantakan ra Paska noyo. Indagu i Pilatus ra ulun masuang no, “Ilai', gitio noyo raja' min.”

ROMA 3:25

Ginio ra i Jisus Kristus pinataak ri Aki Kapuuno' ra potoyon maa' raginio ra pinatayan Nano, tula ru ulun ampunon amon ru mangintopot ilo Riso. Binaal ri Aki Kapuuno' ginio koson manulu' ra kinabanis ru guang Nano, sabap ra galing i mataan guang Nano ra tula ru ulun saboi kalo nangukum risilo.

1 KORINTUS 10:17

Sabap ra rondo' ayuk ruti' no, itakau pana masauk ra rondo' inan, kabalu' pana itakau masuang, sabap ra itakau ngaangai' makapagagapu ra rondo' ruti'.

IPISUS 4:22

Sabap raginio, iruo' min noyo kaayagan ra nakalair i ondo' nangkinibit ramuyun ragili – ioginio kasagaan nakalair ondo' namuso ra paliso am nampalayau ramuyun i.

PINAINTALANG 5:12

Narimbai ilo ra bolos mosongou: “Anak Domba ondo' pinatoi ragili maaya' noyo mangapu ra kuasa', kalangkayaan, kapintaran, ikang, urumat am ompor!”