1 KORINTUS 5:1 - Tanou Moonsoi Timugon

¹ Sotopot no binalaan aku ra mokoondo' intor ramuyun mansawa', mokoondo' sangulun liminapau ra ina' nanukapu riso. Ginio malaat toojo intor ra kaindalaman ru ulun ondo' kalo makaulig ra Tuhan.

1 KORINTUS 5:1 ပူးပေါင်းရင်းမြစ်များ

KASAUKAN 35:22

Buoi ri Jakub minayan ra giu' no, rulug i Rubin ri Bilga, iono ruandu' parulug ru ama' nano. Kaala' i Jakub raginio am siminangit io kaga'. Anak ungkuyon ri Jakub mokoondo' mopor am ruo ngaulun.

KASAUKAN 37:2

Gitio noyo tunung ri Jakub sambaloi: I Jusup sangulun buayoi ondo' umur nano mopor am tulu' ngambilor. Magalung io ra domba am kambing nababaya' ra pagaka' ungkuyon no ra bokon, iono anak ri Bilga am i Jilpa. Ilo ti ruandu' parulug ru ama' nano. Balain ri Jusup ama' nano ra baalon mangalaat ru pagaka'-pagaka' nano.

KASAUKAN 49:4

Mogondo' kou koson ra liur ondo' marapai, kaa' kalo masauk kou ra maatang. Sabap ra riminulug kou ra ruandu' parulug kuno i Bilga, jinaka' mu pambalangan ru ama' muno.

2 SAMUIL 16:22

Rondo' kim boo biningkal koson ri Absalom giu' ra rasawat ru taap ru istana ondo' marata' no. Kopongo raginio ra saang ru ngaangai' ulun, umpos i Absalom ra ralalom ru kim no am rulug ra ruandu' parulug ru ama' nano.

2 SAMUIL 20:3

Pakasaboi Raja' Daut ra istana nano giu' ra Jirusalim, mopor ngaulun ruandu' parulug ondo' tinatang no mayan ra istana, pinaayan no ra baloi ondo' inalungan ru ulun mantamung. Inukapan ilo ru Raja' Daut, kaa' kalo boo igondo' io rulug risilo. Minayan ilo ra intok ondo' inalungan, am maayag koson ra napuor saboi matoi.

1 TUNUNG RU BANSA' ISRAIL 5:1

Gitilo noyo papag ri Rubin, anak katuaan ri Jakub. (Sabap ra rinulug ri Rubin sangulun ruandu' parulug ru ama' nali, io pana natatakan ra tungkuson no koson ra anak katuaan. Tungkuson raginio tinaakan ri Jusup.

JIRIMIA 2:33

Mapandai kau toojo maguyum ra ralan koson mangambi' ra guang ru ambai. Ruandu' ra malaat toojo pana lakat poyo makaigila' ra kalaatan intor ramuyun!

YEHEZKIEL 16:47

Kalo majala' kou tumilu risilo ondo' makauyuyu' no. Sangkinolor ayuk am okou pana manampaliso ra malaat poyo intor risilo.”

YEHEZKIEL 22:10

Mokoondo' ulun ondo' marulug ra andu' ru ama' nilo. Mokoondo' ulun ondo' mampajajal ra ruandu' tatanga' liuran koson marulug risilo.

IMAMAT 18:8

Pai' asabi' ama' muno ra marulug ra sangulun intor ra andu' nano.

IMAMAT 20:11

Sangulun ondo' narulug ra sangulun intor ra andu' ru ama' nano, magasab ra ama' nano; musiti' io am ruandu' no ukumin ra matoi. Matoi ilo sabap ra kasalaan nilo galama'.

AMOS 2:7

Kikinjangin nilo ulun malawo ondo' kalo maikang am manginggi' ra ulun musikin. Ama' am anak ungkuyon nano narulug ra ulipon ra ruandu' ondo' nogondo', saboi nampajamar ra inggalan Kuno ondo' matulai.

RINALATAN 15:20

Kaa' tulisin takau ayuk ilo ra surat, koson kalo mangakan ilo ondo' majamol maya' ra kaulayan ru ugama, ioginio; akanon ondo' pinasulung ra sinungkalalaing, mangakan ra kual bibiag ondo' pinatoi sikako' kapoam mangakan ra raraa'; am niayuk minggalur intor ra baal pansasawaan.

RINALATAN 15:29

Pai' kau pangakan ra akanon ondo' pinasulung ra sinungkalalaing; pai' kau pangakan ra raraa'; pai' kau pangakan ra kual ru bibiag ondo' pinatoi ra sikako' am poyo inggalur kau noyo intor ra baal pansasawaan. Amon ru sumugut kau ra susuban raginio, moonsoi niayuk. Ginio ayuk, kaansayan ramuyun!”

1 KORINTUS 1:11

Sabap ra mokoondo' kukula' ngaulun pabukat ri Koloi nambala' raki' ra nansasangor kau.

1 KORINTUS 5:11

Kaa' ondo' kon kuli, pai' kano latok ra ulun ondo' migiangku ra io Kristian, kaa' mansawa', makalit, sumamba ra sinungkalalaing, manimbaal ra ragu ra ulun bokon, gagaukon, kapoam mantatakou. Gumulung riso mangakan pana am pai'!

1 KORINTUS 6:13

Mokoondo' niayuk ulun mindagu ra, “Akanon pasuangon ra tinai', am tinai' papasuangan ra akanon.” Ginio motopot: Kaa' karuruo no pusoon ri Aki Kapuuno'. Kaa' kalo moonsoi amon ru ulun mansasawa' ayuk, kaa' musiti' takau mangurumat ra Tuhan ra inan takano pana. Bagu alungin ru Tuhan inan takati.

1 KORINTUS 6:18

Inggaluri' min noyo pansasawaan. Atan ayuk tula ra bokon ondo' baalon ru sasangulun, kalo mangkinibit ra inan nano. Kaa' ulun ondo' mansawa', io galama' mangkinibit ra inan nano makatula.

1 KORINTUS 6:9

Maaru' natutunan min ra ulun malaat kalo masauk ra ulun ri Aki Kapuuno'. Pai' kano iruung; ulun ondo' mansawa', sumamba ra sinungkalalaing, lumapau am ungkuyon homoseksual,

2 KORINTUS 12:21

Malaa' aku ra paat ra aku matong ra maagu no, tauyuon aku ri Aki Kapuuno' ra saang min, am tangiin ku ulun makatula no ondo' kalo poyo timinalikur intor ra pansasawaan am baal nilo ra majamol am makauyuyu' no.

2 KORINTUS 2:5

Amon ru mokoondo' noyo nangkinibit ra sasangulun mangiluk guang sabap ra tula nano, pai' ru aku ayuk pangilukon no, kaa' sotopot no akau ngaangai', kapoam santayaran, ondo' nakaliman raginio. (Mindagu aku koson raginio sabap ra marara' aku mampagaai ra kapaganan ti.)

2 KORINTUS 7:12

Ginio ra kabalu' pana natulisan ku noyo surat i, sala' ka koson ra kaatangan ru sangulun makatula i ayuk, kapoam ra ulun ondo' sininduol i ayuk, kaa' koson kaatangan min niayuk. Maa' raginio makatutun kau ra saang ri Aki Kapuuno' ati kulaan kinotogom min ramon.

GALATIA 5:19

Kinibit ru paliso ru ulun nauligan noyo: Ioginio baal ru pansasawaan, baal majamol am baal makauyuyu';

IPISUS 5:3

Akau ti noyo ulun ri Aki Kapuuno'. Ginio ra atan ayuk baal ru pansasawaan, baal makauyuyu' kapoam mangangkum, kalo masauk ra tatanga' min.

SAGULION 22:30

“Kolondo' sangulun pana makapanuyu' ra ama' nano ra rumulug ra sangulun intor ra andu' ru ama' nano.”

SAGULION 27:20

“ ‘Kaulas noyo ulun ondo' manauyu' ra ama' nilono sabap namparulug ra sangulun intor ra andu' ru ama' nilono.’ “Ngaangai' ulun tumaam ra, ‘Amin!’

KOLOSI 3:5

Ginio ra patiri' noyo kasagaan ra pansasawaan, mansalinut baal ra makauyuyu', kasagaan ru guang malaat am maringkumaa' (sabap ra paliso raginio mogondo' ayuk koson sumamba ra sinungkalalaing).

1 TISALONIKA 4:7

Kalo piniau takau ri Aki Kapuuno' koson maayag ra pansasawaan, kaa' koson maayag ra mapasau.

PINAINTALANG 2:21

Nangani' Aku noyo riso ra kaluagan tumalikur intor ra tula nano, kaa' marara' io tumalikur intor ra pansasawaan nano.

PINAINTALANG 21:8

Kaa' ulun matalou, ulun kalo boo mangintopot, ulun homoseks am lesbian ra makauyuyu' am majamol, mamamatoi, mansasawa', ulun makakapandayan malaat, sumamba ra sinungkalalaing am ngaangai' magagabau – ampos nilono giu' ra tasik ru apui ondo' naratok ra balirang mapaang, ioginio kapatayan ra kainduo.”

1 SAMUIL 2:24

Pai' min boo inganai' ginio, anak kau. Malaat kaga' baal ondo' rinagu ru ulun ru Tuhan no intor ramuyun.