1 KORINTUS 4:8 - Tanou Moonsoi Timugon

⁸ Indoson min kia ra mokoondo' kano ngaangai'? Langkaya' kano tupo. Mamarinta kano koson ra raja'. Kaa' akai ti kalo. Mapara' boo bonsoi no amon ru totopot niayuk nasauk kau ra raja', maa' raginio makapabaya' takau mamarinta.

1 KORINTUS 4:8 ပူးပေါင်းရင်းမြစ်များ

AMSAL 13:7

Mokoondo' ulun sumalu ra langkaya', sotopot no kolondo' atan-atan linonggom no. Mokoondo' niayuk sumalu ra ulun musikin, sotopot no langkaya' io.

AMSAL 25:14

Ulun ondo' kalo manugut ra bantu' nano koson ayuk ra gaun am angin ondo' kalo magibit ra rasam.

JISAYA 5:21

Aibui boo ramuyun! Pangkaraan min, mapintar kau am mapandai toojo!

JIRIMIA 28:6

“Moonsoi! Malansan aku ra Tuhan mambaal raginio! Gama' ru saukon No inala' muno ra totopot masauk, am ibiton No saguli' kuliamos ru Baloi ru Tuhan intor ra Babilonia mababaya' ra ngaangai' ulun ondo' pinatiran ra giu' no.

UNTABAN 11:29

Taam i Musa, “Mangkara' kou kia ra baal kutu? Malansan aku kaga' ra manaak Tuhan ra Ambiluo Nano ra ngaangai' ulun Nano, am mambaal risilo ngaangai' mampiau koson ra nabi!”

MATIUS 5:1

Ilai' ri Jisus ulun masuang no, pagaloi Io boo ra bulur am panturung. Maamaya'-maamaya' Nano timinimung liput Riso,

LUKAS 6:25

“Aibui boo ramuyun ondo' naasug ra raino ti, mangaitilan kau ra maagu no! “Aibui boo ramuyun ondo' pasakurit ra raino ti sabap ra mangiluk guang am mantangi' kau ra maagu no!

RINALATAN 26:29

Taam i Paulus, kono, “Mataki' kia kapoam mabuoi, ginio kalo maatang, kaa' makiasi' aku ri Aki Kapuuno' ra okou am ngaangai' ondo' mangkirongog raki' ra orou raiti' masauk niayuk ra Kristian koson raki'. Kaa' ondo' ayuk kalo am makaaya' rantayon.”

ROMA 12:3

Sabap ra asi' ri Aki Kapuuno' raki', mindagu aku ra moonong ramuyun: Pai' kano minsawat guang, ioginio majanjayan intor ra ondo' sotopot no. Kaa' moonsoi ra akau minggana' guang am karaa' kaayagan mino maya' ra kapandayan ondo' tinaakan ri Aki Kapuuno' ramuyun sigagama' sabap ra mangintopot akau ri Jisus.

1 KORINTUS 1:5

Sabap ra masuang boo katutunan min ralalom ngaangai' baal, niayuk ondo' raguon am kapandayan min.

1 KORINTUS 4:18

Kaa' mokoondo' kukula' ngaulun intor ramuyun masumbung nai boo, sabap ra indos nilo kalo boo mongoi aku pagilong ramuyun.

1 KORINTUS 5:6

Kalo moonsoi kau masumbung koson raginio. Nakapandai kano lair ragu ragitio, “Ragi ra sanganu ayuk mampagayo ra ngaangai' ru ruti', ioginio tapung linatakan ra timug am umau.”

2 KORINTUS 11:1

Malansan aku ra pokoorot kau raki' kabalu' pana raino ilain ayuk ra sasambungon aku koborok. Maaru' moorot min.

2 KORINTUS 13:9

Maansayan akai amon ru malawo akai am akau maikang. Makiasi' akai ri Aki Kapuuno' koson tumanda' kau boo toojo.

GALATIA 6:3

Amon ru sasangulun mangkara' ra io no maatang, am sotopot no kalo, io galama' ayuk miruruung.

PILIPI 1:27

Raino ondo' maatang toojo, kaayag kano sumugut ra Tanou Moonsoi ri Kristus. Maa' raginio, maampon ru moongoi takamin kailai' kapoam kalo, morongog takamin niayuk ra mingkotog kau poyo koson rondo' ayuk pangintapatan am niayuk rondo' guang min. Maa' raginio, makakau' kau mampabala' ra pangintapatan ondo' inimpuun ra Tanou Moonsoi no.

PILIPI 2:12

Sabap raginio pabukat ondo' tagamin kuno, koson masalok kau niayuk giminagaya' raki' paat ra aku soroi ramuyun, mulu' poyo gagaya' mino ra raino ti ra itakau nakapaginggalur. Pirot kano mompogogot ra kaansayan ru pamayagan minti, ioginio mansail ra ati kulaan kinapirot ru guang min sumugut am mangurumat toojo ri Aki Kapuuno'.

PINAINTALANG 3:17

Minindagu kau, ‘Langkaya' aku; kalo nalimusan aku ra atan ayuk pana.’ Kaa' kalo nakapandai kau ra makaasi'-asi' baal mino! Kunsikang kau, nagibabaang am bolou.

PINAINTALANG 5:10

Nampasauk Kou risilo koson ra imam ondo' mabaya' Rirun mangandoi ri Aki Kapuuno', am mamarinta ilo ra tana' ti.”