1 KORINTUS 4:6 - Tanou Moonsoi Timugon

⁶ Pabukat kau ngaangai', aku am i Apolos nampagagaya' noyo ra ngaangai' ni. Akai galama' alapon min ra tiluan, maa' raginio makaigigila' kau ra atan arati' ru ragu ragitio; “Gagayaa' min noyo aturan ra motopot.” Koson raginio noyo ra kolondo' sangulun pana ramuyun mongompor ra sasangulun kapoam magasab ra bokon.

1 KORINTUS 4:6 ပူးပေါင်းရင်းမြစ်များ

MAZMUR 146:3

Pai' lansan ra kuasa' ru ulun, kolondo' sangulun pana makapamayag ramuyun.

MAZMUR 8:4

Paat ra aku mantingaa' ra limbowon ondo' sinauk Muno, bulan am butitin ondo' pinaatang Muno,

JISAYA 2:22

Ginio ra, pai' pangintopot ra ulun mapandai matoi sabap kolondo' logo nilo.

RINALATAN 18:24

Mokoondo' poyo sangulun ru Jaudi makainggalan i Apolos. Io inanak ra bandar Aliksandria am bagu io ayuk minongoi ra Ipisus. Mapintar io toojo mindagu am niayuk makaintutun toojo ra ragu ru Buuk Kitab.

RINALATAN 19:1

Paat ri Apolos soroi ra Korintus, i Paulus nangkiralan mongoi ra intok nakaujok ra pagun ti am pupus i nakasuku' io ra Ipisus. Giu' i nakatuum io ra kukula' ngaulun ondo' nangintopot ri Jisus.

ROMA 12:3

Sabap ra asi' ri Aki Kapuuno' raki', mindagu aku ra moonong ramuyun: Pai' kano minsawat guang, ioginio majanjayan intor ra ondo' sotopot no. Kaa' moonsoi ra akau minggana' guang am karaa' kaayagan mino maya' ra kapandayan ondo' tinaakan ri Aki Kapuuno' ramuyun sigagama' sabap ra mangintopot akau ri Jisus.

1 KORINTUS 1:12

Kon kutu ra sigagama' kau mindagu ra, “Maya' aku ri Paulus,” am kon ru bokon, “Maya' aku ri Apolos,” kon poyo ru bokon, “Maya' aku ri Pitrus,” am mokoondo' niayuk mindagu ra, “Maya' aku ri Kristus.”

1 KORINTUS 1:19

Sabap ra tinulisan noyo ra Buuk Kitab: “Kon ri Aki Kapuuno', ‘Pusoon Ku kapintaran ru ulun mapintar, am liomon Ku pangaratian ru ulun mapandai.’ ”

1 KORINTUS 1:31

Ginio ra tinulisan ra Buuk Kitab, “Osoi ayuk masaga' lumimbau, moonsoi io no mongompor ra atan ondo' binaal ru Tuhan.”

1 KORINTUS 13:4

Ulun ondo' motogom ra ulun bokon no mataan guang am maluoi makaasi'. Ulun no kalo maingot kapoam lumimbau, am poyo kalo masumbung.

1 KORINTUS 3:19

Sabap ra ondo' karaan ru ulun ru tana' ti ra mapintar, karaan ri Aki Kapuuno' ra sasambungon. Sabap ra mokoondo' tinulisan ra Buuk Kitab, “Linandak ri Aki Kapuuno' ulun mangapintar ra kapintaran nilo galama'.”

1 KORINTUS 3:21

Sabap raginio, pai' kau limbau ra kapandayan ru ulun, sabap ra ngaangai' no pinataak noyo ramuyun ri Aki Kapuuno':

1 KORINTUS 5:2

Kabalu' pana koson raginio, lakat kau ayuk poyo masumbung. Sotopot no akau musiti' mangiluk guang, am ulun ondo' mansawa' no, pasuayo' min intor ra pasimpungan mino.

1 KORINTUS 5:6

Kalo moonsoi kau masumbung koson raginio. Nakapandai kano lair ragu ragitio, “Ragi ra sanganu ayuk mampagayo ra ngaangai' ru ruti', ioginio tapung linatakan ra timug am umau.”

1 KORINTUS 8:1

Raino manaam aku ra pangkuatan min poyo ra bokon intor ra akanon ondo' pinampakan ra sinungkalalaing. Motopot ragu ru ulun ra, “Itakau ngaangai' makakapandayan.” Kaa' kapandayan no mangkinibit ra ulun masauk masumbung; kaa' togom mompokoonsoi ra paliso ru ulun.

1 KORINTUS 9:23

Ngaangai' ti baalon ku sabap ra kaatangan ru Tanou Moonsoi no, maa' raginio aku pana mabarakat.

2 KORINTUS 10:12

Motopot noyo ra kalo makimogondo' akai ra kaayagan mai ra ulun, ondo' mangkara' ra ilo ayuk maatang kaga'. Sasambungon ulun raginilo! Mitutuku' ilo ra tutuku' binaal nilo galama'.

2 KORINTUS 10:15

Kalo niayuk lumimbau akai ra atan ondo' kinandoi ru ulun bokon, ondo' ak am atan ondo' inaru' noyo ramon ri Aki Kapuuno'. Kaa' malansan akai ra mikang poyo pangintapatan min, saboi makakaluagan akai poyo mangandoi ra gino ngai' min, ra morontop ra ondo' inaru' ri Aki Kapuuno'.

2 KORINTUS 10:7

Akau mangakim maya' ra ondo' makito min ayuk. Osoi ayuk makaliman ra io galama' i Kristus tatangan, moonsoi ra mangkara' io niayuk ra akai ti pana i Kristus tatangan, mogondo' riso.

2 KORINTUS 11:4

Nailian takamin ra maluoi kau manguma' ra osoi ayuk matong mampabala' ra i Jisus, kaa' kalo mogondo' ra atan ondo' pinatanou maili. Mangapu kau niayuk ra ambiluo am tanou moonsoi ra bokon ondo' sala' ka toojo Ambiluo ri Aki Kapuuno' am Tanou Moonsoi ondo' inapu min noyo intor ramon.

2 KORINTUS 12:19

Pabukat ondo' tagamin ku, indoson min lair ra buoi ti nagisaung akai ramuyun. Makapandai i Aki Kapuuno' ra ngaangai' ondo' rinagu mai gumagaya' niayuk ra kasagaan ri Kristus, am ngaangai' ondo' binaal mai koson mampasingkot ramuyun.

2 KORINTUS 12:20

Maimamang aku ra paat ra mongoi aku ramuyun, ilain ku sala' kau boo intor ra atan ondo' lansanin kuli, am aku pana sala' boo intor ra atan ondo' lansanin min. Maimamang aku ra akau mansasangor, magugusolon, mansisang, matayar-tayar, magagasab, mangilaat ra ulun, malilimbau am kumuliangi-angi kau.

2 KORINTUS 12:6

Kaa' amon ru lumimbau aku pana, pai' ru sasambungon aku, sabap ra motopot raguon kutu. Kalo masaga' aku lumimbau sabap ra papakitanan i, kaa' maya' ra atan ayuk ondo' binaal am rinagu kuli.

2 KORINTUS 4:15

Ngaangai' kaimbalaan no masauk koson ra kaatangan min. Sabap raginio rumuang ulun ondo' makaapu ra kataawan ri Aki Kapuuno', ondo' mulu' poyo maringkuanang am mangurumat ilo ri Aki Kapuuno'.

KOLOSI 2:18

Ginio nai ra pai' polosoo' ra akau ruungon ru ulun ondo' migiangku minggana' guang, am ondo' sumamba ra malaikat. Ulun koson raginio masumbung sabap ra rokoon nilo masuang baal ru suruga' pinakito risilo, kaa' pangkaraan ragitio sumugut ayuk ra paliso malaat nilo galama'.

1 TISALONIKA 1:5

Ginio nai ra pampatanawan mai ra Tanou Moonsoi ti ramuyun i, sala' ka raragu ayuk, kaa' mabaya' ra kuasa' ru Ambiluo ri Aki Kapuuno' am mabaya' poyo ra kapandayan ra Tanou Moonsoi no motopot. Nakapandai kano ati kulaan kiralan ru kaayagan maili paat ra akai soroi ramuyun, koson nampakaatang akai ayuk ramuyun.

2 TIMOTIUS 2:10

Ginio sabap ra tumaan aku ra ngaangai' ti koson ra kaatangan ru ilo ondo' pinili' noyo ri Aki Kapuuno', maa' raginio ilo pana mokoowot ra pamayagan ondo' taakin ralalom inggalan ri Jisus Kristus am ondo' mabaya' ra urumat mantilayun.