1 KORINTUS 4:4 - Tanou Moonsoi Timugon

⁴ Kolondo' nai malimanan ku ra aku makasala, kabalu' pana ra mokoondo' lair. Kaa' Tuhan ayuk mangakim raki'.

1 KORINTUS 4:4 ပူးပေါင်းရင်းမြစ်များ

AYUP 15:14

Topot-topot kia ulun kolondo' pilat? Maalap kia ulun iowon giu' ra saang ri Aki Kapuuno'?

AYUP 25:4

Maaru' lair ra mapasau ulun ra pagilangan ri Aki Kapuuno'? Maaru' lair ra malunau ulun ra pagilangan Nano?

AYUP 27:6

Kalo langgain ku mindagu ra motopot aku; guang kuno kalo mononsol raki'.

AYUP 40:4

“Minindagu aku koson ra ulun sasambungon, iou Tuhan. Taam ra atan kia ondo' pataakon kuno? Kolondo' boo ondo' masaga' kuno paraguon.

AYUP 9:20

Aku ti gumagaya' am kolondo' sala, kaa' ragu-ragu kuno rongogon koson makasala, moonong ragu ondo' mingkual intor ra kabang kuno koson ayuk mononsol raki'.

MAZMUR 130:3

Amon ru rayusin Mu mangkara' ra tula maino, osoi kia makalabus ra ukuman?

MAZMUR 143:2

Aku ulipon Muno, pai' aku akimi'; kolondo' sangulun pana ondo' kalo makasala ra saang Muno.

MAZMUR 19:12

Mangngandoi Muno pinakara' ru ngaangai' raginio; balos moonsoi atangon ra ulun ondo' gumagaya' riso.

MAZMUR 26:12

Naayag aku intor ra nansalinut makalalaa'; mongompor aku ra Tuhan ralalom pantimungan ru ulun Nano.

MAZMUR 50:6

Limbowon napatanou ra katimpakan ri Aki Kapuuno', sabap ri Aki Kapuuno' noyo akim.

AMSAL 21:2

Pangkaraan ru ulun nansalinut binaal nilono moonsoi; kaa' karaa' noyo, mapandayan ru Tuhan suang ru guang ru ulun.

AMSAL 29:26

Masuang ulun lumansan ra sungka' ru mangunguasa', kaa' Tuhan ayuk manaak ra katimpakan.

JUANIS 21:17

Kaintalu ri Jisus nangkuot riso, “Simon anak ri Juanis, motogom kou kia Raki'?” Mangiluk guang ri Pitrus sabap ra nangkuot i Jisus riso saboi intalu ra, “Motogom kou kia Raki'?” Indagu io Riso, “Tuhan, nakapandai Kou ra ngaangai'. Okou noyo nakapandai ra motogom aku Rirun.” Indagu i Jisus riso, “Alungi' noyo domba-domba Kuno.

RINALATAN 23:1

Tantangi' boo ri Paulus ngaangai' ulun ru Majlis Ugama i am indagu, “Pabukat kau ngaangai'! Polos ra orou raiti', bolos ru guang kuno mambala' raki' ra kaayagan kuno kolondo' sala ra pagilangan ri Aki Kapuuno'.”

ROMA 2:13

Sala' ka ilo ondo' mangkirongog ayuk ra Ukum ri Musa no mobonsoi saguli' ri Aki Kapuuno', kaa' ilo ondo' mambaal no.

ROMA 4:2

Amon ru i Abragam pinobonsoi saguli' ri Aki Kapuuno' sabap ra binaal nali, makasasaban io lumimbau. Kaa' sotopot no ra pagilangan ri Aki Kapuuno' kolondo' sasaban io lumimbau.

1 KORINTUS 4:3

Kalo gagayaan ku panguwan mino raki', kapoam panguwan ru osoi ayuk pana. Kalo miguguu' aku galama'.

1 KORINTUS 4:5

Ginio ra pai' kau pangakim ra osoi ayuk pana ru kalo poyo masaboi paat ra orou inaru' no. Pangukuman ra pupus inaanin takau saboi Tuhan matong saguli'. Io noyo mambala' ra ngaangai' ondo' nakasibuni ra kalandaman, am mapaingkual ra ngaangai' suang ru guang ru ulun. Paat raginio bagu no moonong ulun mangapu ra ompor intor ri Aki Kapuuno' sumugut ra binaal nilono sigagama'.

2 KORINTUS 1:12

Maringkuanang akai toojo sabap ra bolos ru guang mai maminson ramon ra kiralan ru kaayagan mai ra tana' ti, mulu' poyo pabukatan mai ti ramuyun, masalok mabanis am matanda'. Ginio mabaal mai ralalom ru kuasa' ri Aki Kapuuno' am asi' Nano galama', am sala' ka mansail ra kapintaran ru ulun.

2 KORINTUS 5:10

Sabap ra itakau ngaangai' paumaan niayuk ri Kristus am akimin no. Moonong ulun ruliin boo sumugut ra atan ondo' binaal nali giti ra tana' ti, moonsoi kapoam malaat.