1 KORINTUS 4:21 - Tanou Moonsoi Timugon

²¹ Ati kia rondo' kasagaan min? Masaga' kau kia ra aku mongoi panangit ramuyun kapoam mongoi pangila' ra molomoi am makaasi'?

1 KORINTUS 4:21 ပူးပေါင်းရင်းမြစ်များ

1 KORINTUS 4:18

Kaa' mokoondo' kukula' ngaulun intor ramuyun masumbung nai boo, sabap ra indos nilo kalo boo mongoi aku pagilong ramuyun.

1 KORINTUS 5:5

Polosoo' min ak ulun no kuasaan ru Tingganai ru riwato koson mamuso ra inan nano, maa' raginio bayagon boo ambiluo nano paat ra Tuhan matong saguli'.

2 KORINTUS 1:23

I Aki Kapuuno' noyo toojo sasi' kuno am makapandai Io ra ngaangai' suang ru guang kuno! Kalo nasugut ku mongoi ra Korintus, sabap ra makara' ku ginio mampakaruol ra guang min.

2 KORINTUS 10:6

Mopongo kau mampainono' ra pampagagayaan min ri Kristus, bagu no akai tumampos mangukum ra osoi ayuk ondo' kalo gumagaya'.

2 KORINTUS 10:8

Kalo mauyu' aku, kabalu' pana lumimbau aku toojo ra kuasa' ondo' pinataak ramon ru Tuhan. Sabap ra kuasa' ti tinaakan koson mampaikang ra pangintapatan min, sala' ka mampalawo ramuyun.

2 KORINTUS 12:18

Pinoongoi ku tupo i Titus ramuyun, am sinusub ku poyo pabukat Kristian ra bokon mabaya' riso. Nangingkaut kia i Titus ramuyun? Maaru' kalo, sabap ra rondo' guang mai ri Titus am mogondo' niayuk ralan mai mangandoi.

2 KORINTUS 13:10

Ginio nai ra aku nanulis ra surat ti paat ra aku maalur ramuyun; maa' raginio ra aku mongoi ramuyun ra maagu no, kalo pana boo malasang ragu kuno ramuyun sumugut ra kuasa' ondo' pinataak raki' ru Tuhan – kaa' sala' ka kuasa' koson mamuso, kaa' mampaikang ra pangintapatan min.

2 KORINTUS 13:2

Paat ra aku minongoi ramuyun ra kainduo i, nampakara' aku toojo ramuyun ngaangai' ra mangukum aku risilo ondo' kalo lumonggo' mambaal ra tula. Raino maalur aku ramuyun, kaa' sagulio' ku poyo, paat ra aku makasuku' ra kaintalu ti kolondo' makapagiru' intor ra pangukuman.

2 KORINTUS 2:1

Ginio sabap ra nangkara' aku toojo ra kalo boo mongoi ramuyun koson mampangiluk ra guang min.

2 KORINTUS 2:3

Ginio nai ra tinulisan ku ramuyun koson raginio, sabap ra marara' aku mongoi ramuyun am pangilukon guang kutu ru ulun ondo' sotopot no mapakaansuk raki'. Sabap ra mangintopot aku toojo ra ondo' kaansukan kuno am kaansukan min niayuk.

2 KORINTUS 3:10

Sotopot no amon ru pogondoon takau ati kulaan kinatulai ru Nabantuan Bagu ra raino ti, katulayan ru Ukum ri Musa i nalulu' noyo.

GALATIA 6:1

Pabukat kau ngaangai', amon ru marampatan min sasangulun no makasala, akau ondo' maikang toojo pangintapatan musiti' magibit ra ulun no sumaguli' ra katapatan mabaya' ra ragu mamunduk riso. Am ilalai' min galama' ra akau pana kalo matiu' ru pangkinaman.

1 TISALONIKA 2:7

kabalu' pana akai ti, koson ra rasul ri Jisus Kristus, maaya' akai makitaak ra atan-atan ayuk intor ramuyun. Kaa' kinolomoi mai guang mai paat ra akai soroi ramuyun, koson ra sangulun ina' ra io mantalaanak.

JAKUBUS 3:17

Kaa' kapintaran ondo' intor ra suruga', kasaa' no io mapasau am kolondo' sala; am poyo masaga' ra pabansayan, masamba, minsugut; mapanu' ra asi' am baal moonsoi; kalo mainggi' io am mabanis ayuk guang.