1 KORINTUS 4:15 - Tanou Moonsoi Timugon

¹⁵ Sabap ra kabalu' pana akau mokoondo' lair mopor ngaribu ngaulun mangingila' ra Kristian, kaa' sangulun ayuk ama' min. Ginio ra ralalom kaayagan mino koson ra sangulun Kristian, aku noyo ama' min, sabap ra aku no nampabala' ramuyun ra Tanou Moonsoi ri Jisus Kristus.

1 KORINTUS 4:15 ပူးပေါင်းရင်းမြစ်များ

UNTABAN 11:12

Kalo tininai' am kalo inanak ku ilo. Kua panusub Kou raki' magalung am magiba' risilo koson ra lalagang, buoi ru pangkiralanan mongoi ra tana' ondo' binantu' Muno ra kinamatuaan nilai?

ROMA 15:20

Moogot aku mampabala' ra Tanou Moonsoi ra intok ru ulun ondo' kalo igondo' nakaining ra tanou ri Kristus. Maa' raginio, sala' ka manunggul aku ra kandoi ondo' tinalimpuunan ru ulun ra bokon.

1 KORINTUS 1:30

Kaa' i Aki Kapuuno' noyo ondo' nampasimpung ramuyun ri Jisus Kristus. Am ralalom ri Kristus, i Aki Kapuuno' nangani' ritakau ra kapintaran Nano. Ralalom inggalan Nano niayuk, pinobonsoi am pinalabus takano ri Aki Kapuuno' masauk ra ulun Nano ondo' mangandoi ayuk Riso.

1 KORINTUS 15:1

Pabukat kau ngaangai', raino masaga' aku mampakara' saguli' ramuyun ra Tanou Moonsoi intor ri Aki Kapuuno' ondo' pinasaboi kuno ramuyun ragili. Ginio inapu min am nangintopot kau ri Kristus sabap ra tanou raginio.

1 KORINTUS 3:10

Maya' ra kapintaran ondo' pinataak ri Aki Kapuuno' raki', aku noyo nambaal ra turungan ru lugu' am ulun boo ra bokon manunggul panambaloi. Kaa' musiti' pagilalain ru moonong ulun ati kulaan io manunggul ra kandoi ti.

1 KORINTUS 3:6

Aku mantanom am i Apolos manguas, kaa' i Aki Kapuuno' galama' mapatuu' ra tatanom no.

1 KORINTUS 3:8

Ginio ra ondo' mantanom am ondo' manguas mogondo' ayuk; sabap ri Aki Kapuuno' mangani' ra ampos ra moonong ulun sumugut ra kandoi nilono sigagama'.

1 KORINTUS 9:12

Amon ru ulun ra bokon no makakuasa' lumansan ramuyun, mulu' poyo akai ka ilo. Kaa' kalo poyo igondo' ku pasalulaa' kuasa' raginio. Mulu' poyo bonsoi no ru aku ayuk galama' maguyum ra kaukapan ru akanon ka mampajajou ra pampatanawan ra Tanou Moonsoi ri Jisus Kristus.

1 KORINTUS 9:14

Ginio ra Tuhan pana nangaru' ra ulun ondo' mampasaboi ra Tanou Moonsoi no musiti' makaapu ra akanon songongorou intor ra kandoi no raginio.

1 KORINTUS 9:16

Kalo maaya' aku lumimbau amon ru mampabala' aku ra Tanou Moonsoi, sabap ra aku ti sinusub ri Aki Kapuuno'. Mapara' boo usung kuno amon ru kalo mampatanou aku ra Tanou Moonsoi no.

1 KORINTUS 9:18

Ginio poyo, atan kia ampos raki'? Gitio noyo ampos ti: makapampasaboi aku ra Tanou Moonsoi am kalo mantipagon ra ulun bokon mampaakan raki'. Sabap ra koson sangulun mampatanou ra Tanou Moonsoi no, kalo gogoton ku atan-atan poboloson.

1 KORINTUS 9:23

Ngaangai' ti baalon ku sabap ra kaatangan ru Tanou Moonsoi no, maa' raginio aku pana mabarakat.

2 KORINTUS 4:5

Pai' ru mampasaboi akai ra tanou mai galama', kaa' tanou ra i Jisus Kristus noyo Tuhan, am akai ti ulipon min ayuk sabap ri Jisus.

GALATIA 3:24

Koson raginio noyo Ukum ri Musa nagalung ritakau saboi ra rinatangan ri Kristus, maa' raginio mobonsoi takau saguli' ri Aki Kapuuno' sabap ra pangintapatan takau ri Kristus.

GALATIA 3:25

Kaa' raino nasuku' noyo paat ru ulun mangintopot ri Kristus, ginio ra Ukum ri Musa kalo pana boo magalung ritakau.

GALATIA 4:19

Anak-anak ra tagamin ku! Mapara' boo imamang kuno ramuyun sabap ra paliso ri Kristus kalo poyo norondon toojo ra guang min. Gitio koson ra ruol ru sangulun ruandu' matipaganak.

2 TIMOTIUS 4:3

Sabap ra masuku' paat nano ra kalo boo masaga' ulun mangapu ra pangilaan motopot. Kaa' sotopot no maya' ilo boo ra kasagaan ru guang nilo galama' am mampalulur ilo boo ra masuang mangingila' ondo' masaga' mangila' ra atan ondo' sumangut ra guang nilai.

TITUS 1:4

Titus, pinakaanak tokou niayuk sabap ra mogondo' ayuk pangintapatan tati. Gama' ru i Aki Kapuuno', Ama' takau am i Jisus Kristus, Mamamayag takau, manaak rirun ra barakat am pabansayan Nano.

PILIMON 1:19

Ilai', gitio noyo tinatanduan kutu: Aku i Paulus, ondo' mambayar ayuk saguli' ra ngaangai' no. (Kapoam pakaraan tokou po kia ra sotopot no okou galama' makautang raki', ioginio kaayagan bagu muno koson sangulun Kristian).

JAKUBUS 1:18

Sumugut ra kasagaan Nano galama', itakau pinakaanak No mansail ra bala' Nano ra motopot ondo' pinasaboi ritakau. Ginio sabap ra nangani' Io poyo ritakau ra intok kasaa' intor ra ngaangai' sinauk Nano.

1 PITRUS 1:23

Sabap ra mansail ra bala' ri Aki Kapuuno' ondo' maayag am mantilayun, akau sinauk ra ulun nakabagu ondo' sala' ka sayat ru ulun, kaa' sotopot no sayat kau ri Ama' ondo' mantilayun.