1 KORINTUS 4:14 - Tanou Moonsoi Timugon

¹⁴ Tinulisan ku gitio sala' ka koson mampakauyu' ramuyun, kaa' mangila' ramuyun koson ra anak kuno galama' ondo' tagamin kuno.

1 KORINTUS 4:14 ပူးပေါင်းရင်းမြစ်များ

YEHEZKIEL 3:21

Amon ru mampakara' kou ra sasangulun ondo' moonsoi maa' raginio kalo mambaal ra tula, am io pana sumugut ra bilin muno am kalo makatula, am io pana maayag am okou pana maayag.”

RINALATAN 20:31

Ilalai' min! Karaa' min ra buoi talu ngambilor orou rondom aku nangila' ra moonong ramuyun mabaya' ra lomou.

1 KORINTUS 15:34

Tandaa' noyo pangkaraan mino, am pai' boo pambaal ra tula. Sotopot no mauyu' kau ra mokoondo' intor ramuyun ondo' lakat ayuk poyo kalo makaulig ri Aki Kapuuno'.

1 KORINTUS 4:15

Sabap ra kabalu' pana akau mokoondo' lair mopor ngaribu ngaulun mangingila' ra Kristian, kaa' sangulun ayuk ama' min. Ginio ra ralalom kaayagan mino koson ra sangulun Kristian, aku noyo ama' min, sabap ra aku no nampabala' ramuyun ra Tanou Moonsoi ri Jisus Kristus.

1 KORINTUS 4:17

Ginio kuayan ra mompoongoi aku ri Timotius ramuyun. Koson sangulun Kristian, io ti anak kuno ondo' tagamin kuno am malansanan. Io mampakara' ramuyun ra ati kulaan kaayagan kuno koson ra sangulun ondo' mangintopot ri Kristus. Ginio noyo pangilaan kuno ra ngaangai' pasimpungan ulun Kristian ra ati ayuk intok.

1 KORINTUS 6:5

Mapara' boo uyu' no! Maaru' mokoondo' intor ramuyun ondo' mapintar koson manalasai ra pansasangaran ra gino ngai' ru ulun Kristian.

1 KORINTUS 9:15

Kabalu' pana koson raginio, kalo poyo igondo' ku pasalulaa' kuasa' raginio koson makitaak ra atan ayuk pana. Am raino pana, aku nanulis ra surat ti, sala' ka mapasalula' aku ra rondo' pakitaakan. Moonsoi poyo matoi aku galing ka matatakan ra kaansukan kutu raginio.

2 KORINTUS 11:11

Kua indagu aku koson raginio? Sabap ra aku kalo motogom ramuyun? Sala'. Nakapandai i Aki Kapuuno' ra motogom aku ramuyun.

2 KORINTUS 12:19

Pabukat ondo' tagamin ku, indoson min lair ra buoi ti nagisaung akai ramuyun. Makapandai i Aki Kapuuno' ra ngaangai' ondo' rinagu mai gumagaya' niayuk ra kasagaan ri Kristus, am ngaangai' ondo' binaal mai koson mampasingkot ramuyun.

2 KORINTUS 7:3

Mindagu aku raginio sala' ka koson mononsol ramuyun. Sabap ra nakaindagu aku no alia ra maayag kapoam matoi motogom akai ramuyun.

KOLOSI 1:28

Ginio nai ra mampasaboi akai ra tanou ri Jisus Kristus ra ulun masuang. Mampakara' am mangila' akai ra moonong ulun mabaya' ra kapintaran. Kuayan mai maa' raginio moonong ulun maapu ri Aki Kapuuno' sabap ra makapasimpung ilo ri Kristus koson ra ulun kolondo' boo sala.

1 TISALONIKA 2:11

Nakapandai kano ra paliso mai ramuyun sigagama', ioginio mogondo' ra sangulun ama' am anak-anak nano.

1 TISALONIKA 5:14

Pabukat ku ngai', makitaak akai poyo ramuyun ra sawayo' min noyo ulun ondo' mangatiar, kaikango' min noyo guang ru ulun ondo' malaa', indangano' min noyo ulun ondo' malawo am kataan kano ra ngaangai' ulun.

2 TISALONIKA 3:14

Amon ru mokoondo' ulun kalo gumagaya' ra pambalaan ru surat maiti, pagilalai' min am pai' kano latok risilo, maa' raginio mauyu' ilo.

PILIMON 1:10

Gitio noyo kitaakon kutu rirun, pakaasi' no ri Onisimus ondo' pinakaanak kutu. Sabap ra aku ti noyo ondo' nagibit riso minintopot ri Jisus Kristus giti ra pangaputan ti.

1 JUANIS 2:1

Pabukat kau ngaangai'! Tulisin takamin ragitio, maa' raginio kalo boo mambaal kau ra tula. Kaa' amon ru mokoondo' poyo mambaal ra tula, mokoondo' mangingindangan ritakau, ioginio i Jisus Kristus ondo' motopot. I Jisus Kristus mangindangan ritakau makiasi' ri Aki Kapuuno'.

3 JUANIS 1:4

Kolondo' atan-atan mapabansuk ra guang kuno intor ra nangkirongog ra bayag ru pabukat-pabukat kuno maya' ra susuban ri Aki Kapuuno'.