1 KORINTUS 4:12 - Tanou Moonsoi Timugon

¹² mirot akai mangandoi maguyum ra balanja' mai galama'. Paat ra akai simbaalin ra ragu, ruliin mai ra barakat; paat ra akai imboloon, oroton mai ayuk;

1 KORINTUS 4:12 ပူးပေါင်းရင်းမြစ်များ

MATIUS 5:11

Pakaansuk kano amon ru asabin, imboloon am niayuk ilaaton kau ru ulun, sabap ra akau mangintopot Raki'.

MATIUS 5:44

Kaa' raino ti balain takamin: Tagami' noyo pantula' mino am pakiasi' kano koson ra ulun ondo' mangimbolo' ramuyun,

LUKAS 23:34

Indagu i Jisus, “Ama', ampuno' ilo no, sabap ra kalo makatutun ilo ra atan baalon nilo ti.” Pagugundi' ilo poyo koson mantayar ra bayang ri Jisus.

LUKAS 6:28

Barakati' min ulun ondo' magasab ramuyun, am pakiasi' kano ri Aki Kapuuno' ra ulun ondo' malaat ramuyun no.

JUANIS 15:20

Karaa' min rinagu Kuli; ‘Sangulun ulipon kalo maatang intor ra tuan nano.’ Amon ru nangimbolo' ilo Raki', mangimbolo' ilo niayuk ramuyun. Amon ru ragu Kuli sinugut nilo, ragu mino pana gagayaan nilo.

RINALATAN 18:3

am siminimpung risilo, sabap ra nogondo' ayuk kondoyon nilo, koson mambaal ra kim.

RINALATAN 20:34

Akau galama' nakapandai noyo ra akanon kutu am niayuk akanon ru rangan-rangan ondo' minaya' raki' ra pangkiralanan ti, intor ra kandoi kuno galama'.

RINALATAN 7:60

Igulatur io am pompogolok poyo ra mosongou, “Tuhan, pai' polosoo' tula ti sumaboi risilo!” Paat ragili niayuk i Stipanus minatoi.

ROMA 12:14

Pakiasi' noyo ri Aki Kapuuno' koson mambarakat ra ulun ondo' mangimbolo' ramuyun. Iou, pabarakatin ilo am sala' ka ulason.

ROMA 12:20

Kaa' tinulisan poyo ra Buuk Kitab, “Amon ru pantula' muno maitilan, paakano' io. Amon ru pantula' muno pinaason, painumo' io. Sabap ra maa' raginio mampakauyu' kou boo riso.”

ROMA 8:35

Mokoondo' kia makapanginga' ri Kristus monogom ritakau? Kapaganan kia? Pagalabaan kia? Kaimbalaan kia? Bitilan kia? Kunsikang kia? Baal makalalaa' kia? Kapoam kapatayan kia? Maaru' kolondo'!

1 KORINTUS 9:6

Kapoam akai ruo ri Barnabas ayuk kia musiti' maguyum ra kaukapan ru akanon mai galama'?

2 KORINTUS 11:8

Koson ayuk boo ra nangingkaut aku ra pasimpungan ulun Kristian ra bokon no ondo' nampagaji' raki', maa' raginio makapangandoi aku ramuyun.

IPISUS 4:28

Osoi ayuk mantatakou, moonsoi langgain no am mangandoi koson maginakan io galama' am niayuk makapangindangan boo ra ulun musikin.

1 TISALONIKA 2:9

Pabukat ku ngai', maaru' makara' min noyo kandoi am bagui maili paat ra akai nampasaboi ra Tanou Moonsoi ri Aki Kapuuno' ti ramuyun. Mangalandaman akai nangandoi koson kalo nantipagon ra osoi ayuk pana intor ramuyun.

2 TISALONIKA 3:8

Kalo noyo nakipakan akai ra osoi ayuk pana. Kaa' sotopot no orou-rondom minirot akai toojo nangandoi, koson kalo nantipagon akai ra sangulun kon pana intor ramuyun.

1 TIMOTIUS 4:10

Gitio nai puun ru bagui am kandoi takau: malansan takau toojo ri Aki Kapuuno' ondo' Maayag; Io Mamamayag ru ngaangai' ulun, mulu' poyo ilo ondo' mangintopot Riso.

1 PITRUS 2:23

Paat ra Io inasaban, kalo niayuk nambalos Io pagasab. Paat ra Io sinindualan, kalo noyo nompololob Io risilo. Kaa' liminansan Io ayuk ri Aki Kapuuno', Akim ondo' mabanis guang no.

1 PITRUS 3:14

Kaa' amon ru imboloon kau sabap ra mambaal kau ra motopot, pakaansuk kano. Pai' kano kalaa' ra osoi ayuk pana am pai' pagalabo poyo.

1 PITRUS 3:9

Pai' min noyo balasi' kalaatan ru ulun ra kalaatan niayuk, kapoam unjaka' ra unjaka' niayuk; kaa' sotopot no kitaaki' min ilo ra barakat. Sabap ra binarakat kano ri Aki Kapuuno' paat ra Io nampiau ramuyun.

1 PITRUS 4:19

Ginio nai ra osoi ayuk maimbolo' sabap ra gitio noyo inatang ri Aki Kapuuno', rayusin nilo ayuk mambaal ra moonsoi am pataakon nilo boo kaayagan nilo galama' Riso ondo' nampasauk risilo am Io maalap kalansani'.

JUDAS 1:9

Kaa' Tingganai ru malaikat, i Maikol galama', kalo noyo igondo' pakakau' nambaal koson raginio. Paat ra io am Tingganai ru riwato no nagaau ra baangkai ri nabi Musa i, kalo noyo nakakau' i Maikol ti nagibot riso ra ragu magasab. Minindagu io ayuk ra, “Tuhan galama' mangukum rirun!”