1 KORINTUS 4:10 - Tanou Moonsoi Timugon

¹⁰ Sabap ri Kristus, akai nasauk koson ayuk ra sasambungon, kaa' akau nasauk ra ulun Kristian ondo' mapintar. Akai malawo, kaa' akau maikang! Akai asabin, kaa' akau urumaton tupo.

1 KORINTUS 4:10 ပူးပေါင်းရင်းမြစ်များ

2 RAJA'-RAJA' 9:11

Saguli' i Jigu ra panglima-panglima ra bokon no. Pangkuot ilo riso, “Atan kia tanou ondo' inibit nani? Kua ratong ulun mantuyang ni rirun?” Pangkuot i Jigu, “Kalo kia nakapandai kau?”

AMSAL 11:12

Magasab ra ulun bokon ioginio sasambungon. Ulun ra mapintar masaga' poyo mongkoror.

JISAYA 53:3

Asabin am minggalur takau riso, ulun ondo' nototop ra imbolo' am maubas magiba' ra karualan. Kolondo' sangulun pana masaga' magilong riso, am kalo lioon takau io.

GOSIA 9:7

Orou pangukuman nakasaboi noyo, orou koson mangapu ra pambalos. Makapandai boo Israil paat baal ragitio masauk. Kamin, “Nabi ti sasambungon. Ulun sinusub ri Aki Kapuuno' ti mantuyang.” Masisang kau kaga' raki' sabap ra tula min maayo kaga'.

MATIUS 24:9

“Akau pana rokopon boo am imboloon am potoyon. Ngaangai' ru ulun masisang ramuyun sabap ra akau maya' Raki'.

MATIUS 5:11

Pakaansuk kano amon ru asabin, imboloon am niayuk ilaaton kau ru ulun, sabap ra akau mangintopot Raki'.

LUKAS 10:16

Indagu i Jisus ra maamaya' Nano, “Osoi ayuk mangkirongog ra raguon mino, mangkirongog niayuk Raki'. Kaa' osoi ayuk manggal ramuyun, manggal niayuk Raki'. Osoi ayuk manggal Raki', manggal niayuk Riso ondo' nanusub Raki'.”

LUKAS 18:9

Tinunung niayuk ri Jisus abig ragitio ra ulun-ulun ondo' mangkara' ra ilo ayuk galama' motopot am magasab ilo poyo ra ulun bokon.

LUKAS 6:22

“Pakaansuk kano ondo' kasisangin, kalo apuon, asabin am raguon ra ulun malaat sabap ra mangintopot kau ra Anak ru Ulun!

RINALATAN 17:18

Mokoondo' mangingila' ra pangilaan ru Ipikuros am Stoikos nakimantaam riso, konilo, “Atan nua' raguon ru naupa' ti?” Kaa' bokon i poyo minindagu, “Mampatanou io po lair intor ra dewa ru ulun bansa' ru bokon.” Rinagu nilo ginio sabap ra nambala' i Paulus ra i Jisus ti naayag saguli' intor ra kapatayan.

RINALATAN 17:32

Paat ra ilo nakaining ri Paulus minindagu ra ulun matoi maayag saguli' intor ra kapatayan, kuriti' io boo ru kukula' ngaulun. Kaa' mokoondo' niayuk minindagu ra, “Masaga' akai mangkirongog poyo raginio.”

RINALATAN 26:24

Liliwa' nagisaung i Paulus, golok boo i Pistus, kono, “Paulus, totopot kou no sasambungon! Inigigilaan muno ra najanjayan ondo' nangkinibit rirun mantuyang!”

RINALATAN 9:16

Aku galama' manulu' riso ra suang ru kapaganan ondo' mauma' no sabap ra Aku.”

1 KORINTUS 1:21

Sumugut ra kapintaran Nano, nangaru' i Aki Kapuuno' ra osoi ayuk kalo makaulig Riso maya' ra kapintaran nano galama'. Kaa' Io no mamayag risilo ondo' mangintopot Riso minumbaya' ra tanou ondo' posoboyon maino, ondo' karaan ru ulun ru tana' ti ra ragu sasambungon.

1 KORINTUS 1:23

Kaa' itakau ti mampatanou ayuk ra tanou ri Kristus ondo' minatoi ra sinalip. Tanou raginio mampakaruol ra guang ru ulun ru Jaudi am poyo karaan ru ulun sala' ka Jaudi ragu sasambungon.

1 KORINTUS 1:25

Sabap ra ondo' karaan ayuk koson ra sambung ri Aki Kapuuno', sotopot no mapintar toojo ka kapintaran ru ulun; am pinatayan ri Kristus ondo' ilain ayuk ra kalawaan ri Aki Kapuuno', sotopot no maikang toojo ka ikang ru ulun.

1 KORINTUS 10:12

Pagilalai' noyo ulun ondo' indos no maikang pangintapatan nano maa' raginio kalo boo maratu' io.

1 KORINTUS 2:14

Ulun ondo' kalo nokoowot ra Ambiluo ri Aki Kapuuno', io kalo makaapu ra taak intor ra Ambiluo no. Totopot kalo makarati' io ra taak no. Pangkaraan no, ginio sasambungon ayuk. Sabap ra kalo makarati' io amon ru kalo indanganon ru Ambiluo ri Aki Kapuuno' no.

1 KORINTUS 2:3

Gili boo ra aku soroi ramuyun, malawo guang kuno am nalaa' aku toojo saboi nonontol.

1 KORINTUS 3:18

Pai' sasangulun pana miruruung galama'. Amon ru mokoondo' intor ramuyun makapangkaraan ra mapintar io sumugut ra pagilangan ru ulun ru tana' ti, moonsoi ulun no mangkara' ra io sasambungon, am maa' raginio totopot io mapintar.

1 KORINTUS 3:2

Ginio nai ra koson ra susu' ayuk pinataak kuno ramuyun, sala' ka koson ra akanon ondo' mapagon sapaan, sabap ra kalo poyo nasukor kau toojo koson mangapu raginio. Am raino pana lakat kau ayuk poyo kalo makaapu ra pangilaan malandom ti.

1 KORINTUS 4:8

Indoson min kia ra mokoondo' kano ngaangai'? Langkaya' kano tupo. Mamarinta kano koson ra raja'. Kaa' akai ti kalo. Mapara' boo bonsoi no amon ru totopot niayuk nasauk kau ra raja', maa' raginio makapabaya' takau mamarinta.

2 KORINTUS 10:10

Mokoondo' mindagu ra, “Surat-surat ri Paulus malarom am moporos, kaa' paat ra io mokosoroi ritakau, malawo ulun no am ragu nano pana kalo sama' iningon.”

2 KORINTUS 11:19

Maansayan kau ra guang mataan ra ulun sasambungon no, sabap ra akau ti rokoon mapintar toojo.

2 KORINTUS 11:29

Amon ru sasangulun no malawo, aku pana makaliman ra kalawaan no. Amon ru sasangulun no makatula, aku pana mangiluk toojo guang.

2 KORINTUS 13:9

Maansayan akai amon ru malawo akai am akau maikang. Makiasi' akai ri Aki Kapuuno' koson tumanda' kau boo toojo.

2 KORINTUS 4:12

Arati' ragitio, sabap ra akai masalok makauma' ra baal makapatoi, akau makaapu ra kaayagan intor ri Aki Kapuuno'.

2 KORINTUS 6:8

Urumaton akai am niayuk asabin; omporon akai am niayuk ilaaton. Kabalu' pana mabanis guang mai, uwin akai ra maabau-abau.

1 TISALONIKA 4:8

Ginio nai ra osoi ayuk kalo mangapu ra pangilaan ti, sala' ka ulun ayuk ondo' kalo apuon nati, kaa' i Aki Kapuuno' galama', ondo' mangani' ra Ambiluo Nano ramuyun.

1 PITRUS 4:14

Pakaansuk kano kabalu' pana ra asabin kau sabap ra maamaya' kau ri Kristus. Arati' no, mokoondo' noyo Ambiluo Maayo Kaga' Kuasa', ioginio Ambiluo ri Aki Kapuuno' rumondon ramuyun.