1 KORINTUS 3:9 - Tanou Moonsoi Timugon

⁹ Akai masisinggau' mangandoi ri Aki Kapuuno'; am akau koson ra umo Nano. Koson ra tinambalayan kau niayuk ri Aki Kapuuno'.

1 KORINTUS 3:9 ပူးပေါင်းရင်းမြစ်များ

1 PITRUS 2:5

Akau pana mogondo' ra batu naayag. Ginio ra polosoo' noyo kaayagan min alapon ru Ambiluo ri Aki Kapuuno' mambaal ra Baloi Tuhan. Bagu masauk kau koson ra imam Nano ondo' mapasau, am sabap ri Jisus Kristus makapangani' kau ri Aki Kapuuno' ra taak ondo' iowon Nano, maya' ra indangan ru Ambiluo Nano.

2 KORINTUS 6:1

Sabap ra akai mangandoi mabaya' ri Aki Kapuuno', makitaak akai ramuyun ra pai' min polosoo' ayuk kataawan ri Aki Kapuuno' ondo' naapu min i.

1 KORINTUS 3:16

Kalo kia nakapandai kau ra akau koson ra baloi ri Aki Kapuuno' am Ambiluo Nano sumimpung ramuyun.

MARKUS 16:20

Ilo pana ugar mampabala' ra Tanou Moonsoi ra ati-ati ayuk, am Tuhan maya' pangandoi am mampainono' ra tanou no motopot ralalom ru tatandu' ondo' binaal nilo.] [

MATIUS 9:37

Indagu i Jisus ra maamaya'-maamaya' Nano, “Kumoson ti mauli' kaga', kaa' ulun mangkumos kalo masuang.

JISAYA 61:11

Koson ra unor pinatias tumuu' am sumawat, ginio niayuk ra Tuhan Raja' mamayag ra ulun Nano, am ngaangai' bansa' mongompor riso.

1 KORINTUS 3:6

Aku mantanom am i Apolos manguas, kaa' i Aki Kapuuno' galama' mapatuu' ra tatanom no.

KOLOSI 2:7

Polosoo' Io no sumauk ra puun ru kaayagan min. Pangintapatan mino Riso ondo' koson ra puun nano mulu' poyo ikang no sumugut ra atan ondo' inila' ramuyun i. Kasalok kano mongongompor mabaya' ra ragu paringkuanangan.

IPISUS 2:10

I Aki Kapuuno' noyo nambaal ritakau, am sabap ra pasimpungan takau ri Kristus Jisus, nangatang Io ra kiralan ru kaayagan takau koson mambaal ra moonsoi. Gitio ondo' tinampos no kalalair ra pabaalin ritakau.

1 KORINTUS 6:19

Musiti' makapandai kau ra inan mino noyo ayanan ru Ambiluo ri Aki Kapuuno', ondo' tinaakan Nano koson paayanon ra guang min. Ginio ra inan mino sala' ka akau galama' tatangan, kaa' i Aki Kapuuno'.

RINALATAN 4:11

I Jisus noyo kon ru ragu ti ra Buuk Kitab, ‘Batu ondo' inimpayan ru ulun manambaloi, – ioginio akau galama' – nasauk ra batu maatang kaga'.’

3 JUANIS 1:8

Ginio ra itakau ulun Kristian musiti' mangindangan ra ulun Kristian ti, maa' raginio makapangindangan ra kondoyon nilo mampatanou ra pambalaan motopot intor ri Aki Kapuuno'.

1 TIMOTIUS 3:15

Kaa' amon ru kalo makaratong aku ra mataki', okou mokoondo' noyo ra kaintutunan ra ati kulaan musiti' takau maayag koson ra anak ri Aki Kapuuno', ioginio pasimpungan ru ulun ondo' mangintopot ri Aki Kapuuno' ondo' maayag. Itakau noyo ondo' mampabala' am manungka' ra katapatan.

JISAYA 61:3

koson mapabansuk ra ulun ondo' mangulir giu' ra Sion, maansayan am niayuk maansukan, sala' ka pangilukan, rimbai pangamparan, sala' ka pangilukan. Masauk ilo koson ra puun ondo' tinanom galama' ru Tuhan. Mambaal ilo ra atan ondo' motopot, am i Aki Kapuuno' omporon sabap binaal Nano.

2 KORINTUS 6:16

Mokoondo' kia sinungkalalaing sambaan ra Baloi Tuhan? Maaru' kolondo'! Itakau ti noyo Baloi Tuhan, ioginio i Aki Kapuuno' ondo' maayag. Sabap ra i Aki Kapuuno' galama' minindagu, “Rumondon Aku risilo am luminjau Aku ra tatanga' nilo. Masauk Aku ra Tuhan nilo, am masauk ilo noyo ra ulun Kuno.

JIRIMIA 2:21

Nantanom Aku rirun koson ra puun ru anggur linili' intor ra unor ondo' moonsoi kaga'. Kaa' ilai' boo, nakulau kou! Nasauk kou ra puun ru anggur lumayau ondo' kolondo' onong.

MAZMUR 118:22

Batu pinatiran ru ulun-ulun mambabaal ra baloi no nasauk boo ra lugu' maatang.

MAZMUR 72:16

Gama' ru makabujuk bilor no ra titikop ru pagun; gama' ru matitip bulur no ra tatanom, koson kinalabung ru tatanom ra Libanon. Gama' ru mososok bandar no ra ulun, koson ra sakot tumuu' ra limayak.

IBRANI 3:6

Kaa' i Kristus gumagaya' koson ra Anak ondo' maningganai ra ngaangai' ulun ri Aki Kapuuno'. Itakau ti noyo ulun Nano amon ru makakau' takau am mangintopot ra makaalap atan ondo' lansanin takau.

MATIUS 16:18

Ginio ra balain Tokou: okou no i Pitrus, koson ra batu maikang, am tampak ru batu ti mampabigor Aku ra pasimpungan Kuno. Kuasa' ru kapatayan pana kalo makagula' raginio.

JISAYA 61:5

Akau ulun Kuno, ulun bansa' suai mangandoi ramuyun. Ilo magalung ra bibiag mino am mangandoi ra tana' am umo ru anggur mino.

JISAYA 32:20

Mapara' piboo bansuk ru ngaangai' ulun sabap ra tatanom makatimug ra lumuab, am padang ru sakot masauk ra intok ondo' kalinuos ayuk am ayanin ru kaladai am sapi'.

AMSAL 9:1

Mapintar mambaal ra baloi nano, mapatansok tulu' ngantaun lugu' ru baloi no.

MATIUS 15:13

Taam i Jisus, “Moonong tatanom ondo' kalo tinanom ru Ama' Kuno giu' ra suruga' maaru' bubulon.