1 KORINTUS 3:7 - Tanou Moonsoi Timugon

⁷ Sala' ka ulun ondo' mantanom kapoam manguas no maatang. Kaa' i Aki Kapuuno' ayuk maatang, sabap ra Io noyo mapatuu' ra tatanom no.

1 KORINTUS 3:7 ပူးပေါင်းရင်းမြစ်များ

MAZMUR 115:1

Sala' ka akai, iou Tuhan, sala' ka akai, kaa' Okou ayuk maaya' katulayon am omporon, sabap ra Okou mampagagaya' toojo am monogom ramon.

MAZMUR 90:17

Iou Tuhan, i Aki Kapuuno' mai, barakato' akai no, am anii' akai ra ampos moonsoi ra atan ayuk kondoyon mai.

JISAYA 40:17

Ngaangai' bansa' kolondo' arati' no Riso, koson ayuk ra kolondo' minatong ra saang Nano.

JISAYA 41:29

Ngaangai' dewa no kolondo' onong, kolondo' atan-atan mabaal. Dewa-dewa no sinungkalalaing ayuk, lamuoi am kolondo' lulu'.”

DANIL 4:35

Ulun ra tana' ti kolondo' arati' Riso; malaikat giu' ra suruga' am ulun ra tana' ti, ngaangai' ragana' ru kuasa' Nano. Kolondo' osoi pana makaanggal ra kasagaan Nano, kapoam mangkuot ra binaal Nano.

JUANIS 15:5

Aku noyo puun ru anggur am akau noyo pango. Osoi ayuk rumondon Raki', am Aku rumondon riso, makapangkawa' io ra maawas; kaa' amon ru kalo mangindangan Aku ramuyun, kalo makapambaal kau ra atan ayuk pana.

1 KORINTUS 13:2

Kabalu' pana mapandai aku mampasaboi ra tanou intor ri Aki Kapuuno', kapoam makarati' ra katapatan ri Aki Kapuuno' ondo' kalo igondo' pinabala', am makapandai ra ngaangai' am poyo pangintapatan ku ri Aki Kapuuno' maikang kaga', saboi gunung no pana maalap ku pakabanding, kaa' amon kalo motogom aku ra ulun bokon, kolondo' noyo onong kuti.

1 KORINTUS 3:6

Aku mantanom am i Apolos manguas, kaa' i Aki Kapuuno' galama' mapatuu' ra tatanom no.

1 KORINTUS 3:8

Ginio ra ondo' mantanom am ondo' manguas mogondo' ayuk; sabap ri Aki Kapuuno' mangani' ra ampos ra moonong ulun sumugut ra kandoi nilono sigagama'.

2 KORINTUS 12:11

Akau no nangkinibit raki' mindagu koson ra sasambungon. Akau ondo' sotopot no musiti' mongompor raki'. Kabalu' pana aku ti kolondo' kon onong, kaa' kalo noyo nakatauli aku intor ra “rasul-rasul” ondo' kinaatang mino.

2 KORINTUS 12:9

Kaa' taam Io, “Kataawan Kuno sama' noyo rirun, sabap ra kinaikang ru kuasa' Kuno makaintalang mansail ra kalawaan.” Sabap raginio maansayan aku poyo ra aku malawo, maa' raginio kuasa' ri Kristus sumimpung am magalung raki'.

GALATIA 6:3

Amon ru sasangulun mangkara' ra io no maatang, am sotopot no kalo, io galama' ayuk miruruung.