1 KORINTUS 3:19 - Tanou Moonsoi Timugon

¹⁹ Sabap ra ondo' karaan ru ulun ru tana' ti ra mapintar, karaan ri Aki Kapuuno' ra sasambungon. Sabap ra mokoondo' tinulisan ra Buuk Kitab, “Linandak ri Aki Kapuuno' ulun mangapintar ra kapintaran nilo galama'.”

1 KORINTUS 3:19 ပူးပေါင်းရင်းမြစ်များ

2 SAMUIL 15:31

Paat ra Raja' Daut binalaan ra i Agitopil niayuk minaya' gumuor ri Absalom, pakiasi' Raja' Daut, “Iou Tuhan, sulango' bilin ri Agitopil!”

2 SAMUIL 16:23

Paat raginio moonong bilin ri Agitopil inapu toojo, koson ayuk ra ngaangai' no ragu ri Aki Kapuuno' galama'; ra Raja' Daut am niayuk i Absalom manugut ra bilin ri Agitopil.

2 SAMUIL 17:14

Kopongo i Absalom am ngaangai' ulun ru Israil nokorongog ra inatangan raginio, konilo, “Moonsoi poyo bilin ri Gusai intor ra bilin ri Agitopil.” Inaru' noyo ru Tuhan koson mongompong ra bilin ri Agitopil ondo' moonsoi no, maa' raginio matiu' i Absalom ra karaat.

2 SAMUIL 17:23

Paat ri Agitopil nakapandai ra bilin nano kalo binaya', patampako' no palana ra kaladai nano am uli' ra bandar nano galama'. Kopongo nanalasai ra ngaangai' baalon nano, tair io galama'. Kopongo raginio linobong io ra kalabangan ru sasambaloi nano.

ESTER 7:10

Koon raginio noyo i Gaman tinair ra lugu' pampatairan ondo' binaal nano ra tayar ri Mordikai. Kopongo raginio bagu no sangit ru raja' no siminalui.

MAZMUR 141:10

Polosoo' ilo galama' makasulung ra jajaling ondo' pinataan nilono, kaa' aku mokoowos am maayag.

KAINGKUALAN 1:10

Amon ru makamasauk pangayawan, maaru' lair magamung ilo ra pantula'-pantula' koson manggal ritakau am magiru' manatang ra pagun ti. Musiti' takau maguyum ra ralan koson suang nilono kalo boo rumuang.”

KAINGKUALAN 18:11

Nakapandai aku ra Tuhan maayo poyo intor ra ngaangai' tuhan, sabap ra nambaal Io ra ngaangai' no paat ra liminaat ulun ru Misir ra ulun ru Israil.”

AMSAL 14:8

Ulun mapintar makapandai ra atan baalon nilo; ulun sasambungon maruung ru kabuduan nilo galama'.

AMSAL 21:30

Kapintaran, katasikan am kapandayan ru ulun kolondo' onong amon ru Tuhan kalo masaga' ritakau.

JISAYA 44:25

Kinuli-kuli Ku ulun mangingilong, kinuli-kuli Ku nanalaan ru sangulun nujum. Kalo iowon ku guangon ru ulun mapintar, am mapabala' ra kapintaran nilono sasambungon.

1 KORINTUS 2:6

Kabalu' pana koson raginio, koson ra ulun ondo' nakaintutun noyo toojo ra kaayagan Kristian, motopot mindagu aku risilo ra kapintaran. Kaa' kapintaran ti sala' ka intor ra tana' ti kapoam intor ra mangunguasa' ondo' mamarinta ra tana' ti, sabap ra pamarintaan koson raginio mapuso.

1 KORINTUS 4:6

Pabukat kau ngaangai', aku am i Apolos nampagagaya' noyo ra ngaangai' ni. Akai galama' alapon min ra tiluan, maa' raginio makaigigila' kau ra atan arati' ru ragu ragitio; “Gagayaa' min noyo aturan ra motopot.” Koson raginio noyo ra kolondo' sangulun pana ramuyun mongompor ra sasangulun kapoam magasab ra bokon.

IPISUS 4:14

Bagu no itakau kalo boo makapaliso koson ra lalaing, ondo' lilingganon ru kinulun am sisiabin ru angin, ioginio mangintopot ra mangingila' ondo' mapandai toojo mamparuung am mampalayau ra ulun.

JAKUBUS 3:15

Ginio sala' ka kapintaran intor suruga'. Kaa' intor io ayuk ra tana' ti, intor ayuk ra paliso ru ulun am intor poyo ra riwato.