1 KORINTUS 3:17 - Tanou Moonsoi Timugon

¹⁷ Osoi ayuk mampalunsai ra baloi ri Aki Kapuuno', io pana lunsayon ri Aki Kapuuno'. Sabap ra matulai toojo ayanan ri Aki Kapuuno' am akau noyo ayanan Nano.

1 KORINTUS 3:17 ပူးပေါင်းရင်းမြစ်များ

KASAUKAN 28:17

Nalaa' io am indagu, “Mapara' boo makalalaa' intok ragitio! Maaru' baloi gitio ri Aki Kapuuno', kulobon garabang umpasan ra suruga'.”

1 TUNUNG RU BANSA' ISRAIL 29:3

Suai raginio, pinataak ku noyo pirok am mas intor ra rapu' longgom kuno galama' sabap ra togom kuno ra baloi ri Aki Kapuuno' kuno.

MAZMUR 74:3

Ratong no ra intok ondo' napuso ti; nansalinut suang ru Baloi Muno pinuso ru pantula' mai.

MAZMUR 79:1

Mazmur ri Asap. Iou Aki Kapuuno', ulun ondo' kalo makaulig Rirun minayan ra tana' Muno. Jinamol nilo Baloi Muno ondo' matulai am manuyas ra Jirusalim.

MAZMUR 93:5

Ukum Muno mantilayun, iou Tuhan, am Baloi Muno matulai ra sabuoi-buoi no.

MAZMUR 99:9

Omporo' noyo Tuhan, i Aki Kapuuno' takau am sambaan Io giu' ra tampak ru bulur Nano ondo' matulai! Tuhan, i Aki Kapuuno' takau ra matulai.

KAINGKUALAN 3:5

Indagu Tuhan, “Pai' inggaar. Paguso' kasut muno, sabap ra intok binigaran muno matulai,

JISAYA 64:11

am Baloi ru Tuhan, baloi ra matulai am makaantak, intok ru kinamatuaan maili mongompor ra Tuhan ra galing i, inumpo ru apui. Ngaangai' intok ra kasagaan mai nasauk boo ra naluyuan.

YEHEZKIEL 43:12

Gitio noyo ukum kasaa' intor ra Baloi ru Tuhan: Titikop intok giu' ra libung nano giu' ra tampak ru gunung no matulai kaga'.”

YEHEZKIEL 5:11

“Aku noyo i Aki Kapuuno' ondo' maayag, Tuhan Raja', am gitio no ragu Kutu: Sabap ra jinamalan mu Baloi Kuno ra baal malaat am makauyuyu', umokon Tokou ra kalo makaasi'.

YEHEZKIEL 7:22

Kalo mongoi aku labit paat ra Baloi Kuno ondo' tagamin Kuno jamalin ru ulun, paat ulun mantatakou sumubol am mampajamol raginio.

IMAMAT 15:31

Ginio noyo nanusub Tuhan ri Musa mapakara' ra ulun ru Israil maa' raginio mangkaili ra paat ilo majamol, maa' raginio kalo mapajamol ilo ra Kim ru Tuhan giu' ra tatanga' nilo. Amon ru jamalin nilo Kim ru Tuhan no, matoi ilo.

IMAMAT 20:3

Osoi ayuk mapataak ra sangulun intor ra anak nano ra Dewa Molok, mapajamol ra Kim Kuno am magasab ra inggalan Kuno ondo' matulai. Mangukum Aku riso am kalo boo karaan io ra ulun Kuno.

JIPANYA 3:4

Nabi-nabi ru bandar no kalo malansanan am kalo maintopot; imam-imam nampajamol ra atan ondo' pakayon ra tayar ru Tuhan ayuk am napatimpurok ra ukum ri Aki Kapuuno' koson ra kaatangan nilo galama'.

UNTABAN 19:20

Osoi ondo' masauk ra majamol kaa' kalo mambaal ra upacara pamasawan ra inan, magulayun majamol sabap ra timug ru upacara pamasawan kalo poyo pinawas riso. Napajamol ulun no ra Kim ru Tuhan am kalo boo karaan ra ulun ri Aki Kapuuno'.

1 KORINTUS 3:16

Kalo kia nakapandai kau ra akau koson ra baloi ri Aki Kapuuno' am Ambiluo Nano sumimpung ramuyun.

1 KORINTUS 3:18

Pai' sasangulun pana miruruung galama'. Amon ru mokoondo' intor ramuyun makapangkaraan ra mapintar io sumugut ra pagilangan ru ulun ru tana' ti, moonsoi ulun no mangkara' ra io sasambungon, am maa' raginio totopot io mapintar.