1 KORINTUS 3:15 - Tanou Moonsoi Timugon

¹⁵ Kaa' amon ru kandoi ru ulun no mosolob, matatakan io raginio; kaa' io galama' bayagon koson sangulun magiru' intor ra baloi mosolob.

1 KORINTUS 3:15 ပူးပေါင်းရင်းမြစ်များ

2 JUANIS 1:8

Ginio ra ilalai' min! Maa' raginio kalo matatakan kau ra atan ondo' kinandoi maili ramuyun, kaa' makaalap kau ra atan ondo' taakin ri Aki Kapuuno' ramuyun.

JUDAS 1:23

Bayago' ilo ondo' makaili' ra baal makapatoi, koson mamayag ra ulun intor ra apui. Ra bokon poyo, pakaasi' kano risilo, kaa' ilalai' min niayuk kaayagan mino galama', koson minggalur kau poyo intor ra baal malaat nilai ondo' maya' ayuk ra kasagaan ru guang makatula nilai.

PINAINTALANG 3:18

Sabap raginio balain takamin, balio' mas Kuno, mas kopoyo, maa' raginio langkaya' kau! Bayang mapulak pana balio', koson mampasibuni ra nagibabaang kau ra makauyuyu'! Tatapis ra mato pana balio', maa' raginio makakito kau!

1 PITRUS 4:18

Koson tinulisan noyo ra Buuk Kitab; “Amon ru mapagon ra ulun moonsoi bayagon, mulu' poyo mapagon ra ulun makatula ondo' kalo makaulig ra Tuhan!”

JAKARIA 3:2

Malaikat ru Tuhan minindagu ra Tingganai ru riwato, “Gama' ru mangukum Tuhan rirun, okou Tingganai ru riwato! Gama' ru Tuhan ondo' motogom ra Jirusalim mangukum rirun. Ulun ti koson ra polompor ru tataun ondo' binunduk intor ra apui.”

MAZMUR 66:12

Polosoon Mu pantula' manginjang ramon; pansailan maino liur am apui, kaa' raino inibit Mu akai ra intok ondo' langkaya'.

AMOS 4:11

“Pusoon Ku santayaran intor ramuyun koson ra Aku namuso ra Sodom am Gomora. Ulun ondo' lakat poyo naayag ra gino kau po ngai' koson ra putul ru luton ondo' inalap intor ra apui. Kabalu' pana raginio, kalo niayuk sumaguli' kau Raki'.

RINALATAN 27:21

Nabuoi noyo kalo nangakan ulun-ulun no, bigor boo i Paulus ra tatanga' nilai am indagu, “Pabukat kau ngaangai'! Amon ru giminagaya' kau ayuk ra ragu kuli ra kalo masundoi intor ra Krita, kalo lair maluusan am malunsayan takau koson ragitio.

RINALATAN 27:44

Ondo' bokon siminunu' ayuk boo ra giminuut ra kuliamos ra makalabui kapoam pilang ru kapal i. Koson raginio noyo nakasuku' akai ngai' ra lantur am naayag.

AYUP 23:10

Kaa' nakapandai i Aki Kapuuno' ra moonong tumpang kuno; amon ru kinamin aku, mainono' kinapasau ru guang kuno.

MAZMUR 66:10

Iou Aki Kapuuno', nangkinam Kou ramon, koson ra pirok inisasan ra apui.