1 KORINTUS 3:12 - Tanou Moonsoi Timugon

¹² Kaa' mansalinut poyo kuliamos pananambaloi ru ulun; mokoondo' intor ra mas, pirok am poyo batu parmata. Kaa' mokoondo' poyo manambaloi ayuk intor ra tataun, sakot ra mapua' kapoam rami.

1 KORINTUS 3:12 ပူးပေါင်းရင်းမြစ်များ

MAZMUR 119:72

Kara' ku, Ukum Muno mokologo poyo ka mas kapoam pirok ra tana' ti.

MAZMUR 19:10

Mangandoi ayuk ra Tuhan no moonsoi, kolondo' pupus no. Nangaruan ru Tuhan no matimpok, kalo magimbas ra sapapa'.

KAINGKUALAN 5:12

Ginio ra ongoi ulun ru Israil ra titikop pagun ru Misir maguyum ra rami.

AMSAL 16:16

Moonsoi poyo makaalap ra kapintaran am katutunan ka makaalap ra mas am pirok.

AMSAL 30:6

Amon ru ruangin min atan rinagu Nano, mansawai Io ramuyun am pabalaan No ra akau no magabau.”

AMSAL 8:10

Guango' min pangilaan kuno makasail poyo intor ra pirok; kaatango' min noyo katutunan makasail poyo ra mas kopoyo.

JISAYA 60:17

Ibitin Tokou ra mas koson suali ru gangsa', pirok koson suali ru basi', gangsa' koson suali ru tataun, am basi' koson suali ru batu. Ilo mangunguasa' muno kalo boo mangimbolo' rirun; mangkinibit Aku risilo mamarinta ra matimpok am kalinuos ayuk.

JIRIMIA 23:28

Nabi ondo' naginupi musiti' no mindagu, ‘Ginio inupi ayuk.’ Kaa' nabi ondo' nangapu ra tanou intor Raki' musiti' mampasaboi ra tanou no ra sotopot no. Atan kia rami no amon ru pinogondo' ra gandum!

RINALATAN 20:30

Mokoondo' niayuk kukula' ngaulun intor ramuyun no magabau am mampalayau ra ulun Kristian koson maya' boo risilo.

ROMA 16:17

Pabukat kau ngaangai', kitaakon takamin toojo, pagilalai' noyo ilo ondo' mampatuliar am mampalingou ra pangintapatan ru ulun Kristian. Pangilaan nilo kalo mogondo' ra nangilaan ramuyun i. Ginio ra inggalur kano risilo!

1 KORINTUS 3:11

Sabap ri Aki Kapuuno' galama' nangatang ri Jisus Kristus ti rorondo' ayuk puun ru panambalayan no.

1 KORINTUS 3:13

Kaa' bonsoi ru kandoi ru moonong ulun no makito niayuk paat ra orou ratangan saguli' ri Kristus. Sabap ra paat raginio, kandoi ru moonong ulun makito am bonsoi ru kandoi nano pana kinamin ru apui.

2 KORINTUS 2:17

Sabap ra akai ti pai' ru koson ra ulun bokon ondo' mampasaboi ra bala' ri Aki Kapuuno' sabap ra masaga' lumangkaya'. Sala', kaa' intor ra guang mapasau am sabap ra sinusub akai ri Aki Kapuuno', mampasaboi akai ra tanou ti koson ra ulipon ri Kristus.

2 KORINTUS 4:2

Iniruanan mai noyo ngaangai' baal ra nakasibuni ondo' makauyuyu'. Kalo mamparuung akai ra ulun kapoam mampajajou ra bala' ri Aki Kapuuno'. Io noyo sasi' mai ra kalo sinokon mai mampabala' ra Tanou Moonsoi am niayuk miloloso akai urioon ru ngaangai' ulun maya' ra bolos ru guang nilai.

KOLOSI 2:8

Ginio nga ra ilalai' min, maa' raginio kolondo' sangulun pana mamparuung ramuyun ra pangilaan ru ulun ondo' abau no ayuk am kolondo' onong, sabap ra mampakalayau ayuk ginio. Sala' ka i Jisus Kristus intor ru gitio, kaa' binaal ayuk ru ulun kapoam rondo' pangilaan ru kaulayan ayuk.

1 TIMOTIUS 6:3

Osoi ayuk mangila' ra pangilaan ra bokon am kalo mangiou ra pangilaan motopot intor ra Tuhan takau i Jisus Kristus kapoam pangilaan ru ugama takau,

2 TIMOTIUS 2:20

Ralalom ru baloi ru ulun langkaya' nansalinut kakamot. Mokoondo' binaal intor ra pirok am mas, am niayuk ondo' binaal intor ra tataun kapoam tana' labu'. Masuai niayuk ondo' masalok pakayon am ondo' pakayon paat ra tambuluyon.

2 TIMOTIUS 3:13

Kaa' ulun ondo' mangalaat am mamparuung no, gumaai poyo kinalaat nilai no. Ilo mamparuung ra ulun ra bokon, kaa' ilo pana galama' maruung niayuk.

2 TIMOTIUS 3:7

Ruandu' ra gitilo magail ayuk makiila', kaa' kalo noyo makarati' ilo toojo ra katapatan no.

2 TIMOTIUS 4:3

Sabap ra masuku' paat nano ra kalo boo masaga' ulun mangapu ra pangilaan motopot. Kaa' sotopot no maya' ilo boo ra kasagaan ru guang nilo galama' am mampalulur ilo boo ra masuang mangingila' ondo' masaga' mangila' ra atan ondo' sumangut ra guang nilai.

IBRANI 13:9

Pai' kano karuung ra nansalinut pangilaan ondo' mampakalayau, kaa' musiti' mangapu takau ra kataawan ri Aki Kapuuno', maa' raginio kaikangon guang takau Riso. Pai' takano boo baya' ra kaulayan intor ra atan kia maakan kapoam kalo, sabap raginio kalo noyo nakapangindangan risilo ondo' sumugut raginio.

1 PITRUS 1:7

Sotopot no, ginio rondo' pangkinaman ayuk ru toojo kau kia mangintopot ri Aki Kapuuno' kapoam kalo. Mas pana, ondo' maalap kalunsai, solobon niayuk ra apui. Atan poyo ra pangintapatan mino ondo' mologo poyo intor ra mas, maaru' kinamin niayuk, maa' raginio maikang boo. Am intor raginio maaya' kau koompor am kaurumat ra Orou Papaintalangan ri Jisus Kristus.

PINAINTALANG 2:14

Kaa' mokoondo' kalo kaansayan Kuno ramuyun; mokoondo' kukula' ramuyun minaya' ra pangilaan ri Biliam. Sabap ra nangila' i Biliam ri Balak ra mangkinibit ra ulun ru Israil mambaal ra tula, koson mangkinibit risilo mangakan ra akanon ondo' pinataak ra sinungkalalaing am inila' ra mansasawa'.

PINAINTALANG 21:18

Timbok no binaal intor ra batu baiduri masasansam am bandar no binaal intor ra mas kopoyo, maniol koson ra galas.

PINAINTALANG 3:18

Sabap raginio balain takamin, balio' mas Kuno, mas kopoyo, maa' raginio langkaya' kau! Bayang mapulak pana balio', koson mampasibuni ra nagibabaang kau ra makauyuyu'! Tatapis ra mato pana balio', maa' raginio makakito kau!