1 KORINTUS 3:1 - Tanou Moonsoi Timugon

¹ Pabukat kau ngaangai', sotopot no ragili kalo nakaindagu aku ramuyun koson ra ulun ondo' nokoowot ra Ambiluo ri Aki Kapuuno'. Kaa' rinagu ku ayuk ramuyun koson ra ulun ondo' maayag sumugut ra kasagaan ru tana' ti, ioginio kalo maikang pangintapatan mino ri Kristus.

1 KORINTUS 3:1 ပူးပေါင်းရင်းမြစ်များ

MATIUS 16:23

Pangkaili i Jisus am indagu Io boo ri Pitrus, “Pagiru' intor Raki', okou Tingganai ru riwato! Okou mongompong ra ralan Kuno. Pamaguangan muno pamaguangan ru ulun, sala' ka pamaguangan ri Aki Kapuuno'!”

ROMA 7:14

Makapandai takau noyo ra Ukum ri Musa no intor ra Ambiluo ri Aki Kapuuno', kaa' aku ti ulun ayuk ondo' inulipon ru tula.

1 KORINTUS 14:20

Pabukat kau ngaangai', pai' kau pangkara' koson ra lalaing, kaa' musiti' kau makapaliso koson ra ulun nasukor, ondo' ayuk am ralalom baal kalaatan, tilu kano ra lalagang.

1 KORINTUS 14:37

Osoi ayuk mangkara' ra io no sinusub ri Aki Kapuuno', kapoam mokoondo' ra kapandayan ra bokon intor ra Ambiluo ri Aki Kapuuno', ulun no musiti' makatutun ra atan ondo' tinulisan kuni, io no susuban ru Tuhan.

1 KORINTUS 2:6

Kabalu' pana koson raginio, koson ra ulun ondo' nakaintutun noyo toojo ra kaayagan Kristian, motopot mindagu aku risilo ra kapintaran. Kaa' kapintaran ti sala' ka intor ra tana' ti kapoam intor ra mangunguasa' ondo' mamarinta ra tana' ti, sabap ra pamarintaan koson raginio mapuso.

GALATIA 6:1

Pabukat kau ngaangai', amon ru marampatan min sasangulun no makasala, akau ondo' maikang toojo pangintapatan musiti' magibit ra ulun no sumaguli' ra katapatan mabaya' ra ragu mamunduk riso. Am ilalai' min galama' ra akau pana kalo matiu' ru pangkinaman.

IBRANI 5:13

Akau ti koson ayuk poyo ra lalagang ondo' tumiti' ra gatas am kolondo' poyo katutunan no ra atan motopot am atan nasala.

1 JUANIS 2:12

Anak kau ngaangai', tulisin takamin ra tula min inampun noyo sabap ra ondo' binaal ri Jisus Kristus.