1 KORINTUS 2:6 - Tanou Moonsoi Timugon

⁶ Kabalu' pana koson raginio, koson ra ulun ondo' nakaintutun noyo toojo ra kaayagan Kristian, motopot mindagu aku risilo ra kapintaran. Kaa' kapintaran ti sala' ka intor ra tana' ti kapoam intor ra mangunguasa' ondo' mamarinta ra tana' ti, sabap ra pamarintaan koson raginio mapuso.

1 KORINTUS 2:6 ပူးပေါင်းရင်းမြစ်များ

AYUP 1:1

Giu' ra tana' Us, minayan sangulun ungkuyon makainggalan ri Ayup. Sumamba io ri Aki Kapuuno' am gumagaya' Riso. Io ti moonsoi guang, ondo' masalok no pagilalain maa' raginio kalo mambaal ra malaat.

AYUP 12:19

pinainggana' No imam-imam am ulun makakuasa'.

AYUP 12:21

Tinauyu' No ilo ondo' makakuasa', am namupus ra kuasa' ru ulun-ulun mamarinta.

MAZMUR 146:4

Bulintok ra ilo matoi sumaguli' ilo ra tana'; paat orou raginio ngaangai' inatang nilono mapuso.

MAZMUR 33:10

Inatangan ru bansa'-bansa' ampangin ru Tuhan; pinuso no atan ondo' gogoton nilono.

MAZMUR 37:37

Urioo' min noyo ulun ra moonsoi am ondo' motopot no; ulun ondo' masaga' ra pababansayan makaalap ra papag;

JISAYA 40:23

Ratuin No pamarinta ra nanguasa', am liomon kuasa' nilo.

MATIUS 13:22

Sampug ondo' naratu' ra tatanga' ru bulungkut no koson ra ulun ondo' mangkirongog niayuk ra tanou no, kaa' maimamang ilo ra kaayagan nilai am pamaguangan nilo ra lumangkaya' mamisi' ra tanou no saboi kalo mangkawa' ilo.

MATIUS 19:21

Indagu i Jisus riso, “Amon ru masaga' kou matanda', ongoyo' talano' ngaangai' kuliamos muno am ruit no pataaki' ra ulun musikin, am okou pana makarapu' giu' ra suruga'. Mopongo raginio ibok, baya' no Raki'.”

MATIUS 5:48

Sauk kano ra ulun matanda', koson ri Ama' min giu' ra suruga' no matanda'.”

LUKAS 16:8

Inompor ru ulun langkaya' i manijor ondo' kalo kalalansanan no sabap ra mapintar io. Sabap ra ulun ru tana' ti mapintar toojo maguyum ra rangan ka ulun ondo' makaulig ri Aki Kapuuno'.”

1 KORINTUS 1:28

Pinili' No ondo' karaan ru ulun ru tana' ti koson kolondo' pangkat, kalo maatang am kolondo' onong. Maa' raginio maliom boo ri Aki Kapuuno' ondo' karaan ru ulun ru tana' ti maatang.

1 KORINTUS 12:8

Ambiluo no mangani' ra sangulun ra taak mindagu ra mapintar toojo. Ulun ra bokon inanian poyo ru Ambiluo raginio ra taak mambala' ra kapandayan intor ri Aki Kapuuno'.

1 KORINTUS 14:20

Pabukat kau ngaangai', pai' kau pangkara' koson ra lalaing, kaa' musiti' kau makapaliso koson ra ulun nasukor, ondo' ayuk am ralalom baal kalaatan, tilu kano ra lalagang.

1 KORINTUS 2:1

Pabukat kau ngaangai', paat ra aku minatong ramuyun am nampatanou ra katapatan ri Aki Kapuuno' ondo' kalo igondo' pinabala', kalo nampatanou aku ra ragu ondo' kalo naratian min am kalo binaya' ku kapintaran ru tana' ti.

1 KORINTUS 2:13

Ginio nga ra sasanggilan ayuk akai mambala' ra katapatan ri Aki Kapuuno' risilo ondo' nokoowot noyo ra Ambiluo ri Aki Kapuuno', kalo mindagu akai sumugut ra kapintaran ru ulun, kaa' sumugut ra pangilaan ru Ambiluo Nano.

1 KORINTUS 2:8

Kolondo' sangulun intor ra mangunguasa' ru tana' ti nakarati' ra kapintaran raginio. Amon ru nakarati' ilo, maaru' kalo masalip nilo Tuhan ondo' matulai kaga' i.

1 KORINTUS 3:1

Pabukat kau ngaangai', sotopot no ragili kalo nakaindagu aku ramuyun koson ra ulun ondo' nokoowot ra Ambiluo ri Aki Kapuuno'. Kaa' rinagu ku ayuk ramuyun koson ra ulun ondo' maayag sumugut ra kasagaan ru tana' ti, ioginio kalo maikang pangintapatan mino ri Kristus.

2 KORINTUS 1:12

Maringkuanang akai toojo sabap ra bolos ru guang mai maminson ramon ra kiralan ru kaayagan mai ra tana' ti, mulu' poyo pabukatan mai ti ramuyun, masalok mabanis am matanda'. Ginio mabaal mai ralalom ru kuasa' ri Aki Kapuuno' am asi' Nano galama', am sala' ka mansail ra kapintaran ru ulun.

2 KORINTUS 13:11

Pupusin ku pabukat kau ngaangai', tumoojo kau! Pirot kano toojo tumanda' am rongogo' noyo bilin kutu. Pogogondoo' noyo guang min am koonsoi kano ra rondo' am bokon. Gama' ru i Aki Kapuuno' ondo' monogom am manaak ritakau ra pabansayan mabaya' ramuyun.

2 KORINTUS 4:3

Amon ru nakasibuni Tanou Moonsoi ondo' posoboyon maiti, ginio nakasibuni ayuk ra ulun ondo' makalayau.

2 KORINTUS 4:4

Guang ru ulun ondo' kalo mangintopot ti kinolondom ru tingganai malaat ondo' mamarinta ra tana' ti. Io noyo ondo' manginga' risilo makakito ra sinda intor ra Tanou Moonsoi, ioginio katulayan ri Kristus ondo' mogondo' ri Aki Kapuuno'.

IPISUS 2:2

Paat ragili minaya' kau ayuk ra paliso malaat ru ulun ru tana' ti. Giminagaya' kau ra tingganai ru mangunguasa' ra limbowon, am raino pana manguasa' ra ulun ondo' minanggal ri Aki Kapuuno'.

KOLOSI 1:28

Ginio nai ra mampasaboi akai ra tanou ri Jisus Kristus ra ulun masuang. Mampakara' am mangila' akai ra moonong ulun mabaya' ra kapintaran. Kuayan mai maa' raginio moonong ulun maapu ri Aki Kapuuno' sabap ra makapasimpung ilo ri Kristus koson ra ulun kolondo' boo sala.

KOLOSI 4:12

Bilin kaansayan poyo intor ri Ipapras. Akau niayuk ra ulun. Io ti ulipon ri Jisus Kristus am masalok io mapirot mangkara' ramuyun ralalom pakiasian nano. Intor noyo ra pakiasian nano ri Aki Kapuuno' maikang kau am totopot makaintutun am poyo sumugut niayuk ra ngaangai' ru kasagaan ri Aki Kapuuno'.

IBRANI 5:14

Kaa' pangilaan malandom intor ri Aki Kapuuno' maratian ayuk ru ulun ondo' siminingkot ra pangintapatan, ginio mogondo' ra akanon ondo' sapaan ru ulun nasukor ayuk, ondo' nakaili' noyo am makaulig ra atan moonsoi am atan malaat.

IBRANI 6:1

Ginio ra, tatango' takau noyo puun ru pangilaan Kristian no am sumingkot poyo ra pangilaan malandom. Pai' takano ruli'-ruli' makiila' poyo ra puun pangilaan, koson tumalikur intor ra baal ra kolondo' onong, mangintopot ri Aki Kapuuno',

JAKUBUS 3:15

Ginio sala' ka kapintaran intor suruga'. Kaa' intor io ayuk ra tana' ti, intor ayuk ra paliso ru ulun am intor poyo ra riwato.

JAKUBUS 3:2

Itakau ngai' kalo noyo makapagiru' intor ra mansalinut kasalaan. Kaa' ulun ondo' kalo igondo' pakasala sabap ra kinibit ru raguon nano, io sangulun matanda' am makapagalung io ra ngaangai' sauk ru kaayagan nano.

1 PITRUS 5:10

Kaa' kaimbalaan ragitio sangkinolor ayuk, i Aki Kapuuno' mapatanda' ramuyun, mapakataan am mampaikang ramuyun am poyo moporondon Io ra guang min. Sabap ri Aki Kapuuno' ti noyo puun ru ngaangai' kataawan, am ralalom ri Kristus, Io nampiau ramuyun makaliman ra urumat Nano ondo' mantilayun.