1 KORINTUS 2:4 - Tanou Moonsoi Timugon

⁴ Tanou am pangilaan ondo' pinasaboi kuli ramuyun, kalo minaya' ra kapintaran ru ulun ondo' makabunduk ra guang, kaa' pinainono' ku ati kulaan kuasa' ru Ambiluo ri Aki Kapuuno'.

1 KORINTUS 2:4 ပူးပေါင်းရင်းမြစ်များ

AMSAL 20:19

Ulun masalok mangalimut kalo makapampauli ra inopot, pai' pakimangkubayau ra ulun ondo' masuang ragu.

AMSAL 7:21

Ginio noyo pantaligamis ru ruandu' no ra buayoi no saboi nasinggayawan guang ru buayoi no.

JIRIMIA 20:10

Mokorongog aku ra ulun mongkonos ra ati ayuk, “Kalaanan gumaai-gaai! Ibok pabalaa' takau riso ondo' makakuasa'!” Niayuk poyo ngaangai' rangan moonsoi kuno maginaa ra karatuan kuno. Konilo, “Maaru' lair ra pamparuungan, makapangala takau riso, maa' raginio itakau makapansuli' riso.”

YEHEZKIEL 13:6

Pinaintalang risilo no kalo motopot am ondo' inala' nilo pana kalo motopot. Mangiou ilo ra mampasaboi ra ragu Kuno, kaa' kalo nanusub Aku risilo. Kaa' malansan ilo maa' raginio ondo' inala' nilono masauk.

RINALATAN 20:27

Kalo igondo' aku nompoloso ra kandoi kutu koson mambala' ramuyun ra ngaangai' kasagaan ri Aki Kapuuno' no ramuyun.

RINALATAN 26:28

Taam boo i Agripa ri Paulus, “Indoson muno kia ra mampasauk kou raki' ra Kristian ra mataki'?”

ROMA 15:13

Gama' ru i Aki Kapuuno', puun ru kalansanan takau, mangani' ramuyun ra kaansukan am katasuan ru guang ralalom ru pangintapatan min Riso. Maa' raginio, ralalom ru kuasa' ru Ambiluo ri Aki Kapuuno', mikang poyo kalansanan mino Riso.

ROMA 15:19

ralalom ru tatandu' am kaimuagan am ralalom niayuk ru kuasa' ru Ambiluo ri Aki Kapuuno'. Pinabala' ku noyo Tanou Moonsoi intor ri Kristus ra ati-ati ayuk, inintaran ku ra bandar Jirusalim suku' ra libung ru Ilirikum.

ROMA 16:18

Sabap ra ilo ondo' mambaal raginio kalo mampakaatang ri Kristus, Tuhan takau, kaa' mampakaatang ayuk ra kasagaan nilo galama'. Ragu nilo ra mangaamis am mangambi' mamparuung ra ulun ondo' kalo maindalom ra kalaatan.

1 KORINTUS 1:17

Sinusub aku ri Kristus sala' ka mampariu' ra ulun, kaa' mampabala' ra Tanou Moonsoi; am ginio pana musiti' ku baalon, kaa' kalo maya' ra kapintaran ru ulun ayuk toojo, maa' raginio pinatayan ri Kristus ra salip kalo mairuan ra kuasa'.

1 KORINTUS 2:1

Pabukat kau ngaangai', paat ra aku minatong ramuyun am nampatanou ra katapatan ri Aki Kapuuno' ondo' kalo igondo' pinabala', kalo nampatanou aku ra ragu ondo' kalo naratian min am kalo binaya' ku kapintaran ru tana' ti.

1 KORINTUS 2:13

Ginio nga ra sasanggilan ayuk akai mambala' ra katapatan ri Aki Kapuuno' risilo ondo' nokoowot noyo ra Ambiluo ri Aki Kapuuno', kalo mindagu akai sumugut ra kapintaran ru ulun, kaa' sumugut ra pangilaan ru Ambiluo Nano.

1 KORINTUS 4:20

Sabap ra amon ru i Aki Kapuuno' mamarinta ra kaayagan ru sasangulun no, makito ra makakuasa' kaayagan nano am sala' ka ragu ayuk.

2 KORINTUS 6:6

Mabaya' ra guang mapasau, kapintaran, guang mataan, guang mataau, indangan ru Ambiluo ri Aki Kapuuno' am togom ra motopot, pinakito mai noyo ra akai ti ulipon ayuk ri Aki Kapuuno'.

GALATIA 1:10

Ati boo kulaan, maguyum aku kia ra pangiawan intor ra ulun? Kalo, pangiawan intor ri Aki Kapuuno' ayuk gogoton kuno. Makikiilong aku kia ra ulun? Kalo, amon ru koson raginio sala' ka ulipon aku ri Kristus.

KOLOSI 2:4

Ginio nai ra mambala' aku ramuyun: Pai' min polosoo' abau ru ulun mampalayau ramuyun, kabalu' pana kula' gamis iningon ragu nilai no.

1 TISALONIKA 1:5

Ginio nai ra pampatanawan mai ra Tanou Moonsoi ti ramuyun i, sala' ka raragu ayuk, kaa' mabaya' ra kuasa' ru Ambiluo ri Aki Kapuuno' am mabaya' poyo ra kapandayan ra Tanou Moonsoi no motopot. Nakapandai kano ati kulaan kiralan ru kaayagan maili paat ra akai soroi ramuyun, koson nampakaatang akai ayuk ramuyun.

1 PITRUS 1:12

Pinaintalang noyo ra nabi-nabi ra atan ondo' kinandoi nilai i, sala' ka kaatangan nilo galama' ayuk, kaa' sotopot no akau. Am ondo' pinabala' nilo ragili, mogondo' niayuk ra atan ondo' pinabala' toojo ramuyun ra raino ti ru ilo ondo' mampasaboi ra Tanou Moonsoi intor ri Jisus Kristus. Kandoi nilo ragitio mansail ra kuasa' ru Ambiluo ri Aki Kapuuno' ondo' inataran intor ra suruga'. Am malaikat-malaikat pana mompogogot niayuk toojo mintutun ra baal-baal ragitio.

2 PITRUS 1:16

Paat ra akai nambala' ramuyun ra kuasa' am ratangan saguli' ru Tuhan takau i Jisus Kristus, kalo noyo liminansan akai ra tutunungon ondo' binaal-baal ayuk ra ulun. Kaa' akai noyo galama' nakakito ra kuasa' ri Jisus Kristus no.

2 PITRUS 2:18

Ragu nilai masumbung am sasambungon. Pansasawaan nilono mamparuku' ra ulun ondo' bagu ayuk poyo timinalikur intor ra kaayagan nakalayau.

TINGGANAI RU BANSA' 14:15

Paat ra orou kaapat, indagu ilo ra andu' ri Simson, “Labati' ralaki muno maa' raginio mambala' io ra arati' ru sundait no. Amon ru kalo, solobon mai okou am baloi ru ama' muno. Gitio nai ra akau ruo nangkimait ramon ra kuayan min mantakou ramon!”

TINGGANAI RU BANSA' 16:5

Ratong limo ngaulun raja' Palistin ri Dilila am indagu, “Labati' noyo i Simson koson mambala' rirun ra inopot ru kaikangan nano, am ralan mangiru' ra kaikangan nano maa' raginio makaratong akai mamangkil riso, am mangala riso. Maagu no moonong intor ramon mangani' rirun 1,100 ngampila' ruit pirok.”