1 KORINTUS 2:15 - Tanou Moonsoi Timugon

¹⁵ Ulun ondo' nokoowot ra Ambiluo ri Aki Kapuuno' makaimumui ra ngaangai' no, kaa' kolondo' sangulun pana makaimumui ra ulun no.

1 KORINTUS 2:15 ပူးပေါင်းရင်းမြစ်များ

2 SAMUIL 14:17

Mangintopot aku ra bantu' muno jamin ru pamayagan kuno sabap ra okou koson ra malaikat ri Aki Kapuuno', ondo' makapandai ra atan ondo' moonsoi am atan ondo' malaat. Gama' ru Tuhan, i Aki Kapuuno' muno mabaya' rirun!”.

MAZMUR 25:14

Tuhan noyo rangan ru ulun ondo' gumagaya' Riso, am pabalaan No nabantuan Nali risilo.

AMSAL 28:5

Ulun malaat kalo makaulig ra katimpakan; ulun ondo' sumamba ra Tuhan, io no makarati' toojo.

MAMPATANOU 8:5

Maayag kou ra sabuoi no amon mangintopot kou ra parinta ru raja', am ulun mapintar makapandai ra bulintok am ralan gumagaya' riso.

JUANIS 7:17

Osoi ayuk masaga' mambaal ra kasagaan ri Aki Kapuuno', makatutun io ati intor ru pangilaan Kutu; intor kia ri Aki Kapuuno' kapoam intor Raki' galama' ayuk.

RINALATAN 16:3

Masaga' i Paulus magibit riso am sabap raginio, pinasunatan no i Timotius. Binaal no ginio sabap ra ulun ru Jaudi ondo' minayan ra giu' i nakapandai ra ama' ri Timotius ti ulun ru Junani.

1 KORINTUS 14:37

Osoi ayuk mangkara' ra io no sinusub ri Aki Kapuuno', kapoam mokoondo' ra kapandayan ra bokon intor ra Ambiluo ri Aki Kapuuno', ulun no musiti' makatutun ra atan ondo' tinulisan kuni, io no susuban ru Tuhan.

1 KORINTUS 3:1

Pabukat kau ngaangai', sotopot no ragili kalo nakaindagu aku ramuyun koson ra ulun ondo' nokoowot ra Ambiluo ri Aki Kapuuno'. Kaa' rinagu ku ayuk ramuyun koson ra ulun ondo' maayag sumugut ra kasagaan ru tana' ti, ioginio kalo maikang pangintapatan mino ri Kristus.

1 KORINTUS 4:5

Ginio ra pai' kau pangakim ra osoi ayuk pana ru kalo poyo masaboi paat ra orou inaru' no. Pangukuman ra pupus inaanin takau saboi Tuhan matong saguli'. Io noyo mambala' ra ngaangai' ondo' nakasibuni ra kalandaman, am mapaingkual ra ngaangai' suang ru guang ru ulun. Paat raginio bagu no moonong ulun mangapu ra ompor intor ri Aki Kapuuno' sumugut ra binaal nilono sigagama'.

GALATIA 6:1

Pabukat kau ngaangai', amon ru marampatan min sasangulun no makasala, akau ondo' maikang toojo pangintapatan musiti' magibit ra ulun no sumaguli' ra katapatan mabaya' ra ragu mamunduk riso. Am ilalai' min galama' ra akau pana kalo matiu' ru pangkinaman.

PILIPI 1:10

Maa' raginio mapandai kau magilong ra ati kia moonsoi toojo. Am makainggalur kau boo intor ra kalaatan kapoam nansalinut panguwan ondo' mampakasala ramuyun, ioginio paat ri Kristus matong saguli'.

KOLOSI 1:9

Ginio nai ra intor poyo ra akai nakaining raginio, masalok akai boo mangkara' ramuyun ralalom pakiasian mai. Makiasi' akai ri Aki Kapuuno' ra makatutun kau ra atan sotopot no kasagaan Nano, ioginio aniin kau ru Ambiluo ri Aki Kapuuno' ra kapintaran am kapandayan.

1 TISALONIKA 5:21

Ngaangai' ru atan ayuk baal ilain min galing, am ondo' moonsoi no ginio suguton min.

IBRANI 5:14

Kaa' pangilaan malandom intor ri Aki Kapuuno' maratian ayuk ru ulun ondo' siminingkot ra pangintapatan, ginio mogondo' ra akanon ondo' sapaan ru ulun nasukor ayuk, ondo' nakaili' noyo am makaulig ra atan moonsoi am atan malaat.

1 JUANIS 2:20

Kaa' nakaapu kano ra Ambiluo ri Aki Kapuuno' ondo' pinataak ri Jisus Kristus. Ginio sabap ra akau nakaulig toojo ra pangilaan ri Aki Kapuuno' ondo' motopot.

1 JUANIS 4:1

Pabukat kau ngaangai' ondo' tagamin ku! Pai' kau pangintopot ra ngaangai' ulun ondo' mindagu ra mokoondo' ilo ra Ambiluo ri Aki Kapuuno'. Kaa' kinami' min ilo po galing ru mokoondo' ilo ra Ambiluo intor ri Aki Kapuuno' kapoam kolondo'. Sabap ra raino ti masuang nabi magabau soroi ra ati-ati ayuk.